PHRWNGNAINI 2:18 - Kok Borok (Re-edited) Bible (BSI)

¹⁸ Ang o ha saka-o kolomtwi khiklaiwi tangwi manmarokno ang naisler kha, tamni hwn ba ang abórokno ani ulo phainairokni bagwi se yakarwi ma klangnai

PHRWNGNAINI 2:18 Iomraidhean Croise

LOBMUNG 17:14

o Subraiyung, nini yak bai borokni yakni, o swngcharo simi gwnangrokni yakni ano mwthang ja di. Bórokni banta nwng khatiui tonmarok bórok man thung; bórokni bwsarokbo manjakna tongmani slái teibo manjak thung; bórokni bwsa-bẃtẃirok bórokni karjak tong rwkmarokno ma manjak thung.

LOBMUNG 39:6

Kubui’-no bororok le sampili hai se kutulwi thángo. Kwrwi kwrwini se bo chiri-mokorok wngo; bórok rochong rwui rúng lai-o, tamo khe sabo ma cháno si ya.

LOBMUNG 49:10

Chwng elem gwnangrokno nuk kha, bórokbo thwi bai kha; butuarok tei ailangrok uáisa bai komorwi thángo tei bórok buini bagwi rangchak-ríchakrok khibiui ma klango.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:3

O nokha tola-o borok aswk kolomtwi khiklaiwi samung tangwi tamo man?

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 2:21

tamni hwn ba khoroksa borok sakni simung-rwngmung tei phan bai tangmani abono khoroksa aboni bagwi tangma kwrwi tei khoroksa borokno chána bagwi yakarwi ma klango. Omobo chúkya’-no tei belai khe habo hamya.

PHRWNGNAINI 2:26

Tamni hwn ba Kaitorno bwkha ham rwnairokno, bo siyan tei rwngmungrok rw-o; tamo khe sumsok gwnangrokno khe Kaitorno bwkha phur rwnairokno rwna bagwi bo rang-rí aji rw-o. Omobo chúk ya, nokbarno riphrik tẃi se.

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 4:3

o kwnwini slái khe tabuk phano o ha saka-o achaiwi samung hamyarokno nuk ya kho bórok se ham kugo.

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 9:9

O ha saka-o Kaitor nono thwiblang ayuk rwmano nini hamjakmani hik bai khe tongwi tong di, tamni hwn ba o ha saka-o nini langma-o kolomtwi khiklaiwi samung tangmani le omono manthai.

LUK SWIMANI KOTHOMA KAHAM 12:20

Yang le Kaitor bono hai hwnwi sa kha, ‘Bepotarsa! Tini horo’-no nwng ma thwi anw. Aswk tisaui narwkma manwirok aphuru khe sabo mannai?’ ”

1 KORINTH 3:10

Kaitor ano suar rwma bai ang nok tangna kwrwng hai khe nokthai lu kha, hakhe tei khoroksa a saka-o nok tango. Sabo bahai khe tang abo jotono kaham khe nai thung.