PHRWNGNAINI 2:17 - Kok Borok (Re-edited) Bible (BSI)

¹⁷ Aboni bagwi ang kwthang tongmano naislero, tamni hwn ba o ha saka-o aswk tangmarok ani thani bebakno bwkha khamnani máng se; bebakno chúk ya, nokbarno riphrikma hai se.

PHRWNGNAINI 2:17 Iomraidhean Croise

1 HABUGRA 19:4

Tamo khe bo sakphang khe sapung himwi hasing panthor tẃi khe tháng kha tei buphang phangsani saklomo khe achugwi kha tei thwi si thung hwnwi hai hwnwi suriui sa kha, “Wng kha tei nang li ya! Subraiyung tabuk ano tlang si di, angbo ani chuchusongni slái kaham ya!”

JOBNI BIJAP 14:13

“Nwng ano kwthwirokni ha-o hui khe se ang chajak si-o, hakhe ano muitu khlaiwi nini chongjak jora láiwi jolima hamyasak ano huiwi ton si di.

LOBMUNG 89:47

Jora bwswk se kisicha, omono muitu khlai ja di tamni hwn ba chúkma kwrwi khe nwng borokno snam kha!

PHRWNGNAINI 1:14

O ha saka-o khlaijakma bebak samungrokno ang nuk kha; omorok bebakno chúk ya máng se; abo le nokbarno riphrik tẃi se.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 2:22

O ha saka-o bororok kolomtwi khiklaiwi samung tangmani tei uanaui bo tamo man?

PHRWNGNAINI 3:16

O ha saka-o omobo nuk kha, bujsói tei sutrang wng thani suda se bujsói tei sutrang kwrwi wngo.

PHRWNGNAINI 4:2

Tabuk kwthang tongnairokni slái thwiwi thángnairok se kwpal kaham kuk hwnwi ang uansuk kha;

PHRWNGNAINI 4:3

o kwnwini slái khe tabuk phano o ha saka-o achaiwi samung hamyarokno nuk ya kho bórok se ham kugo.

PHRWNGNAINI 6:9

Teibo manna muchungmani slái mokol bai nugwi tongma’-ono bwkha kochomma se ham kugo; omobo chúk ya tei nokbarno riphrikma hai se.

ESEKIEL 3:14

Hakhe Kaitorni Phola ani thani phaiwi ano tisaui tlang kha, ani bwkha hamya twtwi ma tháng kha. Phiya ang Subraiyungni phankrak phanno romwi man kha.

JONA 4:3

Hakhe tabuk, o Subraiyung, ano butharwi pái si di, ang thangwi tongmani slái thwimani se ham kuk si-o.”

JONA 4:8

Sal kasa khe Kaitor salkabaini nokbar kutung sip rw kha, hakhe Jonani bokhorogo a sal tungmani bai bo lengpraui thwina muchungjak kha. Bo hai hwnwi sa kha, “Ang thangwi tongmani slái thwimani se ham kuk si-o.”

HABAKUK 1:3

Tamo wngwi nwng ano cha yarokno phunugui tong lang tei tongmung hamyano naisik rwui tong lang? Ani bwskango komormung tei sátok-pitok khlaima nukjago; uálaima tei naislermarok ani bwskango phai-o.

LEKHAMUNG 11:15

Ang tei ani cha yano nuk ya wngna tẃi khe, nwng omo hai khlaiwi ano ton kha tei tumungno nwng ano khairok khe, dakti’-no ano butharwi pái si di.”