PHRWNGNAINI 2:16 - Kok Borok (Re-edited) Bible (BSI)

¹⁶ Tamni hwn ba khoroksa phano siyan gwnang borokno eba butuano muitu khlainai kwrwi, thinangni salrogo bebakno pogwi thángjaknai. Siyan gwnangsa thwima hai kheno butuasabo thwi-o!

PHRWNGNAINI 2:16 Iomraidhean Croise

2 SAMUEL 3:33

Daud Abnerni bagwi khá khamwi abo hai khe kap kha, “Tamni Abner ba butuarok hai khe ma thwi kha?”

LOBMUNG 103:16

bini saka tẃi nokbar sibwi tháng khe abo páiwi pái-o, tei abo buro tongmani abo se sijak ya wngwi thángo.

LOBMUNG 49:10

Chwng elem gwnangrokno nuk kha, bórokbo thwi bai kha; butuarok tei ailangrok uáisa bai komorwi thángo tei bórok buini bagwi rangchak-ríchakrok khibiui ma klango.

LOBMUNG 88:12

Mwnago da nini uanamasingcha da sijakno, eba pogwi thángma ha-o da chubaui mwthangma sijakno?

LAM RWMA 1:6

Hakhe Josep tei bini bebak takhukrokbo thwi bai kha tei bosongrokbo thwi bai kha.

LAM RWMA 1:8

Tabuk Josepno sini ya borok khoroksa ha Ijipni bugra chá kha.

PHRWNGMUNG 14:8

Simung se siyan kwrwngno buro thángna tháng ya lama phunugo, tamo khe butua borokni butua tongmungrok khe bono lama koró rw-o.

PHRWNGNAINI 1:11

Bisi kwbángma swkangni bororokno tei muitu khlaijak ya, thinango achainai bororokno bórokni ulo achainairok muitu narwk glak.

PHRWNGNAINI 2:14

Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 2:15

Hakhe ang sak-sak hai hwnwi sa kha, “Angbo a butua manjak tẃi’-no manjaknai; hakhe ang sinai wngwi le tamo manna tong ba?” hakhe omobo chúk ya hwnwi ang sa kha.

PHRWNGNAINI 6:8

Butuani slái siyan gwnangni tamo bwswk tamo man kukma tong? Phiya kwrwisa bahai khe himna-thángna nangnai abono siui le tamo chúknai?

PHRWNGNAINI 7:2

Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 8:10

Aphuru khe ang borok hamyarok phobjakmano nuk kha; bórok tongthai kwtharo tháng-phai khlaiwi tongo, bórok kamiyungo abo tẃi samung khlai thani lobjago. Omobo chúk ya.

PHRWNGNAINI 9:15

A kamiyungo siyan gwnang bigra khoroksa tongo, bo bini siyan bai khe a kamiyungno phiyók kha, tamo khe khoroksa phano a bigrasano muitu khlai li ya gwja.

PHRWNGNAINI 9:5

Kwthang tongnairok, bórok thwinai hwnwi si-o, tamo khe kwthwirok le mungsa si ya; bórokni tei sokat kwrwi kha, bórokni kókno buibo pogwi thángo.

MALAKI 3:16

Aphuru khe Subraiyungno kirinai bororok khoroksa tei khoroksa bai sa lai kha; Subraiyung bórok sa laimano kaichomwi khna kha tei bini bwskango Subraiyungno kirinai tei bini mungno tẃi uansuknairokno muituni bijabo khe swijak kha.

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.