PHRWNGNAINI 2:14 - Kok Borok (Re-edited) Bible (BSI)

¹⁴ Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 2:14 Iomraidhean Croise

LOBMUNG 19:10

Abo rangchakni sláibo, tei rangchak kahamni sláibo manna khatungjak kugo, piya bwtwini sláibo kwtẃi tei bwlapni chorom khlai tongo.

LOBMUNG 49:10

Chwng elem gwnangrokno nuk kha, bórokbo thwi bai kha; butuarok tei ailangrok uáisa bai komorwi thángo tei bórok buini bagwi rangchak-ríchakrok khibiui ma klango.

LOBMUNG 49:11

Bórokni mungwi bórokni harokni mung rw phano, tei bórokni bosong thwgwi kusung kusung abo bórokni tongthai hwnwi tong phano, mangkhor se bórokni mol brúmni tongthai wngnai.

PHRWNGMUNG 14:8

Simung se siyan kwrwngno buro thángna tháng ya lama phunugo, tamo khe butua borokni butua tongmungrok khe bono lama koró rw-o.

PHRWNGMUNG 17:24

Kaham hamya sininai khe siyan wngna bagwi kaichomo, tamo khe butuasani mokol khe ha páithak jora se beraiwi tongo.

PHRWNGNAINI 2:16

Tamni hwn ba khoroksa phano siyan gwnang borokno eba butuano muitu khlainai kwrwi, thinangni salrogo bebakno pogwi thángjaknai. Siyan gwnangsa thwima hai kheno butuasabo thwi-o!

PHRWNGNAINI 3:19

Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 6:6

Bo bisi nwira thangwi tong lang phano tongthogwi se ma tong lang ya—bórok joto’-no kwrẃngsa’-ono ma tháng ya diba?

PHRWNGNAINI 6:8

Butuani slái siyan gwnangni tamo bwswk tamo man kukma tong? Phiya kwrwisa bahai khe himna-thángna nangnai abono siui le tamo chúknai?

PHRWNGNAINI 7:2

Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 8:1

Siyan gwnang hai sabo wngwi man? Mungsa swkni kók kuthukno sabo saui man? Simung bini mwkhangno chẃng rw-o tei bini mwkhang sitrano slái rw-o.

PHRWNGNAINI 9:11

O ha saka-o ang tei mungsa nuk kha, abo khe: doui khachigwi mannairok máng kwplai wng ya, phan gwnangrok mángno choba-obo kwplai wng ya, siyan kwrwngrokbo ok kupulung khe mángno ma cháui tongo ahai ya; simung sinairok kheno gwnang máng wngo ahaibo ya; rwngnairok kheno sep man máng tongo ahaibo ya, tamni hwn ba bórok jotono jora tei sep bai yak khajak.

PHRWNGNAINI 9:16

Hakhe ang hai hwnwi sa kha, “Phanni slái khe siyan se ham kugo; hai phano bigrasani siyanno sak nang ya wngjago tei bini kókroknobo khunju kanjak ya wngo.”

1 JOHON 2:11

Takhukno naislernai borok bo mwnago’-no tongo, bo mwnago’-no himwi tongo tei bo buro thángwi tong abono saui man ya, tamni hwn ba a mwnak bono mokol nuk ya khlai kha.