PHRWNGNAINI 2:13 - Kok Borok (Re-edited) Bible (BSI)

¹³ Ulo khe ang nuk kha, mwnakni slái pohor hamo, abo hai’-no butuani slái siyanbo kaham.

PHRWNGNAINI 2:13 Iomraidhean Croise

LOBMUNG 119:105

Nini kók, ani yakungni chati tei ani lamani pohor.

LOBMUNG 119:130

Nini kókrok phunukjak khe pohor rw-o; abo borok sutrangrokno buchimung rw-o.

PHRWNGMUNG 14:8

Simung se siyan kwrwngno buro thángna tháng ya lama phunugo, tamo khe butua borokni butua tongmungrok khe bono lama koró rw-o.

PHRWNGMUNG 16:16

Rangchak manmani slái elem manmani abo bwswk se ham kuk! Rukphai manma slái simung manma se cha kugo.

PHRWNGNAINI 10:10

Tumung rua buk ya hwn khe tei huljak ya khe abo bai samung tangnani le phan kwbáng nangnai; tamo khe borok siyanno samungo thepaui samung cha-o.

PHRWNGNAINI 11:7

Pohor le naithok’-no, sal nugwi manmabo kaham.

PHRWNGNAINI 7:19

Kamiyungni khorokchi tẃiphangrokni slái siyan khoroksa siyan gwnangno teibo phankrak khlai-o.

PHRWNGNAINI 9:16

Hakhe ang hai hwnwi sa kha, “Phanni slái khe siyan se ham kugo; hai phano bigrasani siyanno sak nang ya wngjago tei bini kókroknobo khunju kanjak ya wngo.”

PHRWNGNAINI 9:18

Simung khe chobani da-sengrokni slái kaham, tamo khe borok hamya kwbángma kahamno dera rw-o.

MALAKI 3:18

Aphuru khe nwng tei uáisa borok kaham bai borok hamya phér laimano, Kaitorno monnai tei mon yani phér laimano nuknai.

MATHAI 6:23

phiya nini naisikma bejua khe bwsak mwnaknai. Aboni bagwino nini bisingni pohor chẃng ya khe abo bwswk kirimasingcha khe mwnak no!”

EPIS 5:8

Norok agi mwnakma-o tongma se, tamo khe tabuk Kaitorni borok wng kha ba pohoro sók phai kha. Abo baino pohorni borok hai khe norok tongna khlai di.