PHRWNGNAINI 2:10 - Kok Borok (Re-edited) Bible (BSI)

¹⁰ Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 2:10 Iomraidhean Croise

YAPHANG 3:6

A bwrwi a buphangno naithok nuk kha tei bini bwthái chá khe bwswk thokno tei siyan gwnang wng khe bwswk hamno hwnwi uansuk kha, hakhe bo aboni bwthái khagwi chá kha tei bwsainobo kisa chá di hwnwi rw khe bwsaibo abono chá kha.

YAPHANG 6:2

Kaitorni bwsarok, borokrokni bwsajwksongno naithokjak bai kha tei bórok hamjakma tẃi a bwrwirokno hik song kha.

JOBNI BIJAP 31:1

“Ang ani mokol bai swmai tang kha; hakhe ang bahai khe bwrwi siklano naisiknai?

LOBMUNG 119:37

Samung chúk yarokni aroni ani mokolrokno kiphilwi rw di; nini lama tẃi ano thangcha rw di.

LOBMUNG 128:2

Nwng nini yak bai tangmani samungni bwthái ma chánai; nwng tongthoknai tei nini kaham wngnai.

PHRWNGMUNG 23:5

Nwng abono naisigwi tong phuruno abo thángwi se pái kha; achomsa abo bwkrang khaui toling bir tẃi khe nokha-o birwi thángnai.

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 2:1

“Tongthokma abo tamo bubotẃi chánaiwi nai grana” hwnwi ang sak-sak sa kha. Phiya ba abobo mungsa chúk ya hwnwi saui man kha.

PHRWNGNAINI 2:22

O ha saka-o bororok kolomtwi khiklaiwi samung tangmani tei uanaui bo tamo man?

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 5:10

Rang hamjaknaisa bo rang bai bwkha kochom glak; tei rang-rí hamjaknai bo haino man phano bwkha kochomjak glak. Abobo haino mungsa chúk ya.

PHRWNGNAINI 5:17

Bo bini thangsungo mwnakma-o bwkha báiwi, uanaui, joliui tei sak hamyarok ma manẃi ma tong kha.

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 6:2

Kaitor baksa baksano khe rang-mai, bórom, nok-huk rwui bórokno mungsa phano biyal wng ya khe ton kha, tamo khe Kaitor bórokno a manwirokno cháui nungwi tongthokna rw ya, bui se abono cháui nungwi tongthogo. Omobo chúk ya; belai khe cha ya.

PHRWNGNAINI 6:9

Teibo manna muchungmani slái mokol bai nugwi tongma’-ono bwkha kochomma se ham kugo; omobo chúk ya tei nokbarno riphrikma hai se.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

PHRWNGNAINI 9:6

Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

PHRWNGNAINI 9:9

O ha saka-o Kaitor nono thwiblang ayuk rwmano nini hamjakmani hik bai khe tongwi tong di, tamni hwn ba o ha saka-o nini langma-o kolomtwi khiklaiwi samung tangmani le omono manthai.

1 JOHON 2:16

tamni hwn ba o swngcharo tongmani bebak hamya muchungmarok, mokol bai nugwi manna muchungmarok, o swngcharni manwirokno tẃiwi kung chukmarok omorok bebak’-no Aphani aroni phaima ya, o swngcharni phaima se.

BUJ THUMNAIROK 14:2

Bo nogo kiphilwi thángwi buma bai buphano hai hwnwi saui kha, “Ang Timna-o Philistiani bwrwi khoroksano nuk kha, ang bo bai káijakna muchungo, ano bono naharwi rw phai di.”