PHRWNGNAINI 2:1 - Kok Borok (Re-edited) Bible (BSI)

¹ “Tongthokma abo tamo bubotẃi chánaiwi nai grana” hwnwi ang sak-sak sa kha. Phiya ba abobo mungsa chúk ya hwnwi saui man kha.

PHRWNGNAINI 2:1 Iomraidhean Croise

YAPHANG 11:7

Phai di, chwng nongkhorwi thángwi bórokni kókno gothok lai ya khlaiwi rwui khoroksa bai tei khoroksano tamo sa kha romwi man lai ya khlai rw lai anw.”

2 HABUGRA 5:5

Siriyani habugra hai hwnwi sa kha, “Israilni habugrani thani tháng di tei aro kóktunno rwui di.” Hakhe Naman thamchisai rukphaini rang dokchisai rangchak belep tei kangchi rí kaham tlangwi tháng kha,

LOBMUNG 10:6

Bórokni bwkha-o uansuk lai-o; “Ang ninang glak; kusung kusung romwi ano kebengwi arirok bacha glak.”

LOBMUNG 14:1

Butuarok bwkha bising bising hai hwnwi sa-o, “Kaitor kw se kwrwi.” Bórok tongmung hamya, bórok selengmasingcha samungrok tango; khoroksa phano samung kaham tangnai kwrwi.

LOBMUNG 27:8

“Phai di, ano naisik di” hwnwi nwng hwn khe “Ang nini mwkhang naisigwi tongnai o Subraiyung hwnwi” ani bwkha-o sa kha.

PHRWNGMUNG 14:13

Uase-uareng wngjak phano bisingo khe bwkha thwijak se, tongthokni páimung le bwkha thwimung se.

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 2:10

Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 2:15

Hakhe ang sak-sak hai hwnwi sa kha, “Angbo a butua manjak tẃi’-no manjaknai; hakhe ang sinai wngwi le tamo manna tong ba?” hakhe omobo chúk ya hwnwi ang sa kha.

PHRWNGNAINI 2:25

bono karwi sabo cháui mannai tei tongthogwi mannai?

PHRWNGNAINI 7:4

Siyan gwnangni bwkha-o khe bwkha khammung tongo; tamo khe butuasani bwkha-o khe bagrumwi tongthoknano máng uansugo.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

JISAIA 5:5

Hakhe tabuk ang ani angur bwlwngno tamo khlainai nono saui man rwnai. Ang aroni ubi dúmjak tongmano norwi páinai tei abórokno sókchaui khibinai. Ang aroni deual swbaiwi páinai tei káduljaknai.

JISAIA 50:11

Norok hór mwchẃngmani a hórni bwskang bwskang tháng di. Tamo khe Subraiyung yak baithang norokno majra rwnai, tei nono sátokmung manjak rwnai.

JISAIA 50:5

Subraiyung ani khunjuno phiyógwi rw kha, tei ang kók khna ya wng li ya, ang ubo uphil li ya.

LUK SWIMANI KOTHOMA KAHAM 12:19

Aphuru ang khá bising bising hai hwnwi sa anw, Talikha kahamsa bisi kwbángmani bagwi manwi kwbángma tisaui narwk kha. Lengla twtwi tabuk bisogwi chá di nung di, tongthok di!’

LUK SWIMANI KOTHOMA KAHAM 16:19

“Gwnang khoroksa tongmani. Bo rí-chum jilik jalak kano, sal brúm brúm tongthok cháthok khe tongo.

LUK SWIMANI KOTHOMA KAHAM 16:23

Bo morke-o belai tekto manẃi ma tongwi kha; bo bokhorok tisaui nahar kha, hakhe hakchalo Abrahamno nuhur kha, Lasarnobo bo bai achukjak nuhur kha.

TITNO POL SWI HORMANI 3:3

Tamni hwn ba chwngbo salsa si ya, kók khna ya, lama korójak wngwi tongmani. Chwng podrepot sakni muchungmani yago klaiwi tongmani, tongthok cháthokni yago klaiwi tongmani. Chwng naisler laiwi tongmani, músú laiwi tongmani; buibo chwngno naislero, chwngbo buino naislero.

JAKOB 4:13

“Tini phano khwna phano chwng taun khungsa swgo tháng anw, aro nokha bisa tong anw, bepar thwngwi rang kwbángma kha anw,” hwnwi sanairok norok ani kók khna di.

JAKOB 5:1

Tabuk, norok gwnangrok ani kók khna di. Norokni bagwi kirimasingcha hamya phai rwrwkma bai norok chirigwi kap lai di.

JAKOB 5:5

Norok o swngcharo tongthok-cháthok khe máng tong kha. Butharjaknani salni bagwi norok sak sakno kuphung khlai kha.