PHRWNGNAINI 12:7 - Kok Borok (Re-edited) Bible (BSI)

⁷ hadlwi tei uáisa hadlwi kha phina swkang tei Kaitor rwmani phola bini thani kiphilwi thángna swkang.

PHRWNGNAINI 12:7 Iomraidhean Croise

YAPHANG 18:27

Abraham hai hwnwi sa phi kha, “Subrai ang sak baithangno ma sa phiro, nai di ang le mungsabu ya hadlwi tei thapla ja se.

YAPHANG 2:7

Aphuru khe Subraiyung Kaitor hani kisicha ha naui borokno tak kha tei bini bukungo subui mwthangnai rangma daui rw kha; hakhe borok kwthang wng kha.

YAPHANG 3:19

Nono takmani a ha-o kiphilwi tháng ya sak nwng khorokni kolomtwi yakungo khiklaiwi tangwi ma chá sinai; nini o hani mang, ha-ono kiphilwi ma tháng sinai.”

JOBNI BIJAP 20:11

Bórokni bwsak siklani phan bai kupulung tongmani, tamo khe bo bai baksano abo hadlwi-o ma goiroknai.

JOBNI BIJAP 7:21

Tamo nwng ani sumsokno nakar ya wng tei ani samung cha yarokno ruju ya wng? Tabuk khe ang ha-o se tháng sinai laha; nwng ano naituk phano ang tei tong glak kha.”

LOBMUNG 103:14

Bo chwngno tamo khe snamjak saui mano; chwng hadlwi se hwnwi bini muitu tongo.

LOBMUNG 104:29

Nwng nini mwkhang hui khe bórok ámang-chímang wngo; nwng bórokni hamano rosa khe bórok thwi-o, tei hadlwi’-ono kiphilwi tháng phiro.

LOBMUNG 146:4

Bórokni rangma thángwi pái khe bórok ha-o kiphilwi thángo; a salo’-no bórokni chapmarok pái-o.

LOBMUNG 31:6

Nwng chúk ya mang takjak khulumnairokno selengo, tamo khe ang Subraiyungni thani bwkha bera-o.

LOBMUNG 90:3

Nwng chwngno hadlwi khlai phiro, “O borokni bwsarok kiphilwi tháng phi di” hwnwi nwng hwno.

JISAIA 57:16

Tamni hwn khe ang uálai máng tong phlai glak, eba joli máng tong glak; tamni hwn ba phola ani aroni se nongkhoro tei ang se mwthangnai langmano snamo.

JIRIMIA 38:16

Hakhe habugra Jedekia bui saui man ya tẃi khe Jirimiano hai hwnwi swmai tangwi sa kha, “Chwngno langma rwnai Subraiyungni mung bai ang kubui’-no sa-o, ang nono buthar glak tei nono butharna nainairokni yago bo yapharwi rw glak.”

DANIEL 12:2

Aphuru kwbángma borok kwthwirok thangwi bachanai, baksa mol brúm thangwi tongna bagwi, baksa khe mol brúm lachimungni bagwi tei selengjaknani bagwi bachanai.

SAKARIA 12:1

Israilni bagwi Subraiyungni kók: Nokharokno phehelnai tei o hano snamnai, bororokno rangma rwnai Subraiyung hai hwnwi sa-o.

LEKHAMUNG 16:22

Hakhe bórok ha-o pwtapsa klaiwi hai hwnwi sa lai kha, “O Kaitor, bebak mangno langma rwnai Kaitor, khoroksa borok sumsok khlai kheno da nwng bebak lukurokno joli sinai?”

LEKHAMUNG 27:16

“Subraiyung Kaitor, bebak langmani nokphang, ang koi ja-o, lukurokni saka-o khoroksa borokno chongwi rw di,

LUK SWIMANI KOTHOMA KAHAM 23:46

Jisu hai hwnwi chirikhók kha, “Apha, nini yago ani pholano yapharo!” O kókbo sa bai kha, hamabo lai kha.

SAMUNG 7:59

Bórok Stipanno khitar máng tong kha, yang Stipan “O Subrai Jisu, ani pholano yachak di!” hwnwi Subraino ring kha.

HIBRU 12:23

Chuknoha-o bumung tisajaknai Kaitorni bwsla okrarok kuthumma kotoro norok bacha phai kha. Bebak bororokni buj thumnai Kaitorni thani, phiya kaham khlaijaknai borok sutrangrokni pholani thani norok bacha phai kha.

HIBRU 12:9

O swngcharni phasong chwngno bumano se chwng bórokno sak nang ya wng ya, hakhe chini chuknohani Apha chwngno bumano teibo bwswk se soi thai klai! Hai khe se chwng mwthangjaknai.