PHRWNGNAINI 12:5 - Kok Borok (Re-edited) Bible (BSI)

⁵ aphuru kuchukrokno kirinai tei lamarokno kirinai; badam buphango bubar barnai, kuk yathek sopreui se himnai, muchungwi tei tubo tungphlasa glak. Tamni hwn ba jotono bórokni mol brúmni tongma nogo ma thángnai tei kapnairok khe lamarogo himgurungnai;

PHRWNGNAINI 12:5 Iomraidhean Croise

YAPHANG 42:38

Tamo khe bo hai hwnwi sa kha, “Ani sajla nwng bai thángwi man glak; bwtabo thwi kha, tabuk bo simi se khoroksa tong si-o. Lamarogo bini mungsa swk wng khe ani bwkhnai phurwi thwina jora-o nwng ano bwkha-o teibo nang rwui se ano mangkhoro hapson rw sinai.”

YAPHANG 44:29

Tabuk norok bonobo ani oroni tlangwi tháng khe tei bini saka-o mungsa swk hamya pati khe, hakhe norok ani khwnai phurwi chakraui tongma jora-o se teibo bwkha tekto rwui norok ano thwima-o se khiklai sinai.’

YAPHANG 44:31

o chwraino chwng bai nuk ya khe le, bo thwiwi páinai; hakhe nini o seleng chini khwnai kuphur aphano bwkha swbaiwi mangkhoro sógwi rw sinai.

JOBNI BIJAP 15:10

Bwkhnai kuphur tei chakrarok chini babai-o se, bórok nwphani slái se okra gwja.

JOBNI BIJAP 17:13

Tumungno ang mangkhorno ani nok hwnwi naisik khe eba mwnago thuyam bo khe,

JOBNI BIJAP 30:23

Ang si-o, nwng ano butharnai, tei bebak thangwi tongnairokni bagwibo tongthai chong kha.

LOBMUNG 71:18

Hakhe ang raui khnai kuphur wngwibo, o Kaitor ano ta yakar ja di, thinangni pirini joto bororokno nini phanno si rw ya sak ano ta yakar ja di. Nini phan

PHRWNGMUNG 16:31

Bwkhnai kuphur le bóromni motok se; abo sói khe tongma bai se mano.

PHRWNGMUNG 20:29

Phan se siklarokni le chẃngsacha, phiya bwkhnai phurma khe chakrarokni naithokmung.

PHRWNGNAINI 9:10

Nwng yago mungsa swk phano samung tangna man khe abono nini bebak phan rwui tang di, tamni hwn ba nwng thángwi tong thani a kwthwirokni ha-o mungsa swk samung, uansukmung, simung tei siyanrok hwnwi kwrwi.

JISAIA 46:4

tei norokni umor chakrani jora-o bo ang’-no tongnai, tei bwkhnai phur phuru-o bo ang nono bamsaui tẃinai. Ang’-no tak kha tei ang’-no bamsaui tẃinai; ang’-no bamsaui tẃinai tei ang’-no mwthangnai.

JIRIMIA 1:11

Tei Subraiyungni kók ani thani hai hwnwi sa phai kha, Jirimia, nwng tamo nuk? Hakhe ang hai hwnwi sa kha, “Ang almon buphangni bedek deksa nugo.”

JIRIMIA 9:16

Ang bórokno juda-juda dopharokni bisingo pisa-piring khe rohornai, bórok eba bórokni chuchusong phano sini yarokni thani rohornai bórok komor súgwi tháng ya sak bórokni thani tantharnai sengno rohornai.

LEBI 19:32

“Norok borok chakra bwkhnai kuphurrokni bwskango achukjak tong khe bachaui bórokno bórom khlai di, tei nini Kaitorno kiri di, ang’-no Subraiyung.”

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.