PHRWNGNAINI 12:11 - Kok Borok (Re-edited) Bible (BSI)

¹¹ Siyan gwnangrok kók samarok le painjon latha hai, bórokni kókrokno thumsa khe thum khe kwrak khe sorni khili dúmjak hai, abórok bebakno khoroksa mera mwrwknai bai rwjakmani.

PHRWNGNAINI 12:11 Iomraidhean Croise

YAPHANG 49:24

hai phano bini badukhung ninang li ya, bini yakbo haino srai-srai’-no tongo, Jakobni a Phan kwraksani yak (mwrwknaisa tei a Israilni Holongni mung bai),

EJRA 9:8

Tabuk srapsani bagwi, Subraiyung chini Kaitor khairokjagwi buini ha-o khaui tlangjakmani phiyógwi chwngno bini kwthar ha-o kwchang kwchang khe tong rw kha. Chini Kaitor chwngno khajaknani yakni kisa phiyógwi chini mokol kiyok rw kha.

LOBMUNG 23:1

Ano mwrwknaisa le Subraiyung se ani biyal wng glak.

LOBMUNG 80:1

O Israilno mwrwknaisa khna ja di, nwng Josepno mera bodol hai khe béngo! nwng cherubni saka-o tongnaisa, nwng chẃngsa di

PHRWNGMUNG 1:6

omo hai khe bórok phrwngmung kóktháirokno romwi mannani tei sinai bororokni kókrok buchinani tei bórokni kók phumukmungrokno buchina bagwi se.

PHRWNGMUNG 10:21

Borok kahamni kók, borok kwbángmani kaham khlai-o, tamo khe butua khe khá si yani bagwi ma thwi-o.

PHRWNGMUNG 22:17

Nini khunjuno kaichomwi siyan kwrwng borokni kókno khna di tei ani phrwngma kókrokno kaichomwi nai di;

PHRWNGNAINI 10:12

Siyan gwnangni búkhúkni kókrok le bui bai kaham hwnjago, tamo khe butuani kók le bono so se sokomoro.

PHRWNGNAINI 7:5

Butuarokni rwchapmung khnamani slái siyan gwnangrokni kulmano khna ma se ham kugo.

JISAIA 22:23

Ang bono duglam berepjaknai buphang hai khe kwrakma khlainai; phiya bo bini buphani núkhungni chẃngsacha achukthayungni bagwi wngnai.

JISAIA 40:11

Bo mera mwrwknairok hai khe mwrwgwi chá rwnai, bo bini yago merarokno thumwi tubunai, bo mera bwsarokno bini yaktwk bai bamsaui tẃinai, tei bwsa gwnangrokno kwchang kwchang khe tẃinai;

JIRIMIA 23:29

Ani kók khe tamo hór hai ya da tei holong sukhrupnai sorni mukur hai ya da? hwnwi Subraiyung sa-o.

ESEKIEL 34:23

Ang bórokno naikolwi mwrwkna bagwi ani seleng Daudno chongnai, bo baithang bórokno naikolwi mwrwknai.”

MATHAI 3:7

Johon kwbángma Pharisai tei Sadukairokno bini thani baptisma wngna phaima nuk khe bo bórokno hai hwnwi sa kha, “Chibukni bosongrok, Kaitor yagul suna naiwi tongmani yakni khárwi yók di hwnwi sabo norokno uansuk rw lang?

JOHON 10:14

Ang’-no mera mwrwknai kaham. Apha ano sini-o, angbo Aphano sini-o, abo hai’-no angbo ani merarokno sini-o, bórokbo ano sini-o. Hakhe ang bórokni bagwi thwiwibo mano.

JOHON 3:10

Jisu hai hwnwi sa kha, “Nwng Israilni hodakra wngwi suda omono si ya diba?

SAMUNG 2:37

Bororok omono khnaui bwkha nangjak bai kha, hakhe Pitor bai tei chonghorrokno hai hwnwi sẃng kha, “Takhukrok, chwng tamo khlainai?”

2 KORINTH 10:4

Chwng choba khlai thani o swngcharni da-seng tẃi ya, chini da-seng wng kha bera kwrak swbaina bagwi Kaitorni phankrak da-seng se. Chwng nang ya kókrokno swkwmaui rw-o,

HIBRU 13:20

Chini Subrai Jisuno Kaitor kwthwini mwthangwi tisa kha, bo thwima bai se Mera Mwrwknai Kotor wng kha, bo thwima bai se mol brúm brúmni swmai tangjago.

HIBRU 4:12

Kaitorni kók wng kha kwthang, abo wng kha nangwi tongo. Babai nwnwi seng kubukni slái phano omo buk kugo. Omo bwkha bai phola thansa wng thani, jora bai pecha thansa wng thani aro’-no swkago. Omo borokni bwkhani muchungma bai uansukmano se romo.

1 PITOR 5:4

Hakhe Mwrwknai Bokhorok nukjak phuru khe norok hamya wng phlai ya a chẃngsacha motokno man anw.