PHRWNGNAINI 12:1 - Kok Borok (Re-edited) Bible (BSI)

¹ Birmanni sal phai ya sini nwng sikla jora-o nini snamnaisano bwkha-o muitu khlai di, tamni hwn ba nwng, “Ang omo tẃi khe tongthok li ya” hwnwi ma sanani sal samphaui phai rw rwgo;

PHRWNGNAINI 12:1 Iomraidhean Croise

YAPHANG 39:2

Subraiyung Josep bai pal tongo, hakhe bo bini samungrokno cha rw kha; bo bini nokphang Ijipsani nogono tong phuru,

YAPHANG 39:23

Josepni yago rwma barjarokno a alongni barja bokhorok mungsa phano sakthar ya, tamni hwn ba Subraiyung Josep bai baksa tongo; tei bo tangma bebakno’-no samung cha rw-o.

2 SAMUEL 19:35

Ang nokha bisi charchi wng kha, nini seleng bubo kaham bubo hamya saui da man ba, nini o seleng bo nungmarok tei chámarokno kothok thok ya saui se man li ya, ang chwlarok tei bwrwirok rwchapmani khorang da khna kho ba, tamni bagwi nini o seleng ani bugra habugrani bagwi poja boksinai.

2 SAMUEL 19:36

Nini o seleng Jordan láiwi kisa simi habugra bai thángnai. Hakhe habugra tamni bagwi omo tẃi sokatrok rwui ano suna nangnai?

1 HABUGRA 14:13

Israilni bebak bororok bini bagwi kap anw tei bono phob anw. Bo simino Jeroboamni núkhungni kaham khe phobjaknai, tamni hwn ba Israilni Subraiyung Kaitor bono simi se hamjago.

1 HABUGRA 18:12

Ang oroni kutul khe’-no Subraiyungni phola nono tlangwi tháng khe le? Hakhe, ang Ahabno nono oro se hwnwi saui, bo nono oro nuk phai ya hwn khe, bo ano butharnai. Muitu narwk di ang chwraini simi’-no khá bai Subraiyungno surinai borok.

NEHEMIA 4:14

Naiba bororok belai uana laijak, hakhe ang bachaui ojamarokno, tẃiphangrokno tei bebak bororokno hai hwnwi sa kha, “Bórokno ta kiri di, kirimasingcha phan gwnang Subraiyungno se muitu khlai di, norokni takhukrokni bagwi, nwslasongrokni bagwi nwsajwksongrokni bagwi, nihiksongrokni bagwi tei núkhungrokni bagwi choba nang lainai.”

JOBNI BIJAP 30:2

Ang bórokni yakni phan bai tamo mannai? Bórokni phan se páiwi tháng kha,

LOBMUNG 119:55

O Subraiyung, horo ang nini mungo muitu khlai-o, tei nini kerongno rákhok kha.

LOBMUNG 34:11

Phai di, o angsarok, ani kók khna di; ang norokno Subraiyungno kirina phrwng anw.

LOBMUNG 63:6

Horo thuyamo sichaui tongwi ang nono tẃiwi kaichomwi uansugo;

LOBMUNG 90:10

Chini thangwi tongna umor snichi se, eba sak rak khe ba charchi; abo aswk pholokjak phano se aro dukhurok bai birmanrok simi se; abórok daktino kwmaui páinai tei chwngbo páiwi páinai.

PHRWNGMUNG 22:6

Chwrai bwsarokno kahamo phrwng di, hakhe chakrauibo bo lama koró glak.

PHRWNGMUNG 8:17

Ano hamjaknairokno angbo hamjago, khá bai naituknairok khe ano mano.

PHRWNGNAINI 11:10

Nini bwkhani uanamungrokno hakchal khlai di tei sakno dukhu bai hakchal khe ton di; tamni hwn ba chwrai jora tei sikla jora le chúk ya se.

PHRWNGNAINI 11:2

Nini rang-ríno mungsni eba mungchar khatithai-o khatiui ton di, tamni hwn ba o ha saka-o bubotẃi chacharara nangno nwng saui man ya.

PHRWNGNAINI 11:8

Khoroksa swk bisi kolokma kwthang tong khe bo a jora tongthogwi tong thung; hai phano mwnakma salni kókroknobo bo muitu tong thung, tamni hwn ba abo kwbángma wng kuknai. Bebak wngna tongmarok bebakno chúk ya.

JISAIA 26:8

O Subraiyung, chwng nini bujsóino tei nini muitu khlaijaknai nini mungno muitu khlaijaknai mungno muitu khlaina chini bwkhani muchungma.

KAPSIMANG KAPMA 3:27

Sikla phuruni simi sakni jual tisaui balmani se jotoni bagwi kaham,

DANIEL 1:17

Kaitor o sikla khorok brwirokno rwngmung elem tei buchinani phan rw kha; hakhe Danielno khe imang nukmani kókrokno suda saui mannani phan rw kha.

HOSEA 7:9

Phatarsa bini phanno monok kha, phiya bo abono saui man li ya, bini bokhorokni khwnai thupa-thupi phur kha, tamo khe bo abo saui man ya.

LUK SWIMANI KOTHOMA KAHAM 1:15

tamni hwn ba Subraini mokolo bo kotor wng anw. Bo chuak-arak mungsa phano nung glak; bohok bisingni simi’-no bo Phola Kwthar bai kupulung anw.

LUK SWIMANI KOTHOMA KAHAM 18:16

Tamo khe Jisu a chwrairokno ringwi hai hwnwi sa kha, “Chwrairokno ani thani rohor di, ta kasu di; omo tẃi bororokni bagwino Kaitorni ha.

EPIS 6:4

O bupha hwnjaknairok, chwrairok jolijakna tẃi khe ta khorai di. Aboni slái Subrai naima haino bórokno kók khna rwui phrwngma bai snamwi tisa di.

UÁINWINI SA PHIMA 8:18

Phiya ba Subraiyung norokni Kaitorno muitu khlai di, tamni hwn ba bo se norokno gwnang wngnani phan rw-o. Bo nini chuchusong bai swmai tangmano tabukbo narwgwi tongmani bagwi se bo omorokno khlaiwi tongo.

2 TIMOTHI 3:15

nwng chwrai phangsni simi Elembak Kwtharno si-o hwnwi saui mano. A Elembak Kwthar Khristo Jisuno poito khlaima bising tẃi mwthangjaknani kókno nono phrwngwi mano.

1 SAMUEL 1:28

Hakhe ang bono Subraiyungni thani yapharo. Bo kwthang tong sak Subraiyungni’-no wngnai.” Hakhe bórok aro Subraiyungno khulum lai kha.

1 SAMUEL 16:7

Phiya ba Subraiyung bono hai hwnwi sa kha, “Bini mwkhang bai tormani simi ta naisik di, tamni hwn ba ang bono gosi li ya, tamo khe Subraiyung borok naima hai khe nai ya, borok khe saka saka naisigo, tamo khe Subraiyung khe bwkhano se nai-o.”

1 SAMUEL 2:18

A jora chwrai Samuel ephod kamchwlwi chumwi Subraiyungno monwi tongo.

1 SAMUEL 2:26

Tabuk chwrai Samuel tor kha-lok kha, Subraiyung tei bororok bai bo chajak kha.