PHRWNGNAINI 11:9 - Kok Borok (Re-edited) Bible (BSI)

⁹ Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 11:9 Iomraidhean Croise

YAPHANG 3:6

A bwrwi a buphangno naithok nuk kha tei bini bwthái chá khe bwswk thokno tei siyan gwnang wng khe bwswk hamno hwnwi uansuk kha, hakhe bo aboni bwthái khagwi chá kha tei bwsainobo kisa chá di hwnwi rw khe bwsaibo abono chá kha.

YAPHANG 6:2

Kaitorni bwsarok, borokrokni bwsajwksongno naithokjak bai kha tei bórok hamjakma tẃi a bwrwirokno hik song kha.

1 HABUGRA 18:12

Ang oroni kutul khe’-no Subraiyungni phola nono tlangwi tháng khe le? Hakhe, ang Ahabno nono oro se hwnwi saui, bo nono oro nuk phai ya hwn khe, bo ano butharnai. Muitu narwk di ang chwraini simi’-no khá bai Subraiyungno surinai borok.

1 HABUGRA 18:27

Diboro hwn khe’-no Elia bórokno hai hwnwi saui mwnwina cheng kha, “Sotonwi suri lai di! Bal mwtaino! bo thu-ui se muktrwi thángwi imang nugwi tong khna, eba lenglaui tong khna, eba khe beraina tháng khna! Wng ya kheba bo muktrwi thángwi tong khna, norok bono sochana nangnai.”

1 HABUGRA 22:15

Bo bugrani bwskango sógwi khe’-no bono hai hwnwi sẃng kha, “Mikaia chwng Ramot-Giliad bai choba nang lai nai de nang lai ya?” Hakhe bo bono hai hwnwi sa kha, “Tháng di nang lai di: Subraiyung nini yago habugrano chen rwnai.”

JOBNI BIJAP 31:7

Tumung ani yapri lamani phér khe, tei ani bwkha mokol bai nugwi chong tẃi chong khe tei tumung mungsa swk kosom ani yakrogo nangwi tong khe;

LOBMUNG 81:12

Aboni bagwi ang bórokno bórokni bwkha kwthwng khe bórok muchung tẃi tei bwkha thol tẃi’-no ton rw kha,

PHRWNGNAINI 12:1

Birmanni sal phai ya sini nwng sikla jora-o nini snamnaisano bwkha-o muitu khlai di, tamni hwn ba nwng, “Ang omo tẃi khe tongthok li ya” hwnwi ma sanani sal samphaui phai rw rwgo;

PHRWNGNAINI 12:14

Tamni hwn ba Kaitor bebak samungni buj thumnai, huijak kókrokni suda se buj thumnai, abo kaham phano wng thung hamya phano wng thung.

PHRWNGNAINI 2:10

Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 3:12

Ang saui mano, bororok kwthang tongsani bwkha srangwi tongthogwi tongmani slái tei kaham kwrwi;

PHRWNGNAINI 3:17

Kaitor borok sutrang tei borok hamya kwnwino’-no buj thumnai, tamni hwn ba bo bebakni bagwi tei bebak samungrokni bagwi abo hai khlaina jora chongjak, hwnwi ang bwkha-o ma sa-o.

PHRWNGNAINI 6:9

Teibo manna muchungmani slái mokol bai nugwi tongma’-ono bwkha kochomma se ham kugo; omobo chúk ya tei nokbarno riphrikma hai se.

PHRWNGNAINI 7:14

Hamchama-chasama jora-o tongthok di, tamo khe tekto nang phuru o kóknobo uansuk di, abo khe; borok bini thinangni kókno mungsa phano saui ta man thung hwnwi Kaitor tongthok rwma hai tektobo rw kha.

JIRIMIA 23:17

Subraiyungni kókno sak nang ya wngnairokno bórok hai hwnwi sa máng tongo, “Norokni kaham wngnai” tei bebak kók khna yaui sak sakni uansuk tẃi himnairokno khe, “Norokni mungsa hamya wng glak,” hwnwi bórok sa-o.

JIRIMIA 7:24

Hai phano se bórok ani kók khna li ya tei khunjubo kan li ya gwja, phiya bórokni hamya muchungma bai bórok bórokni sak uansuk tẃi him lai kha tei bórok bwskang nahar yaui uklok se nahar lai kuk si-o.

KAPSIMANG KAPMA 3:27

Sikla phuruni simi sakni jual tisaui balmani se jotoni bagwi kaham,

LEKHAMUNG 15:30

Phiya ba khoroksa swk sakni hani borok eba khe phatarni borok phano wng thung yak tisaui sumsok khlaiwi Subraiyungno hamya sa khe—o borok khe bini sakni bororokni aroni norwi rohorjaknai.

LEKHAMUNG 15:39

Norok muitu mannani bagwi o khutwngno ma ton sinai, hakhe norok Subraiyungni bebak dagimarokno muitu khlai manna tẃi tei norokni sakni bwkha muchungma tei mokol bai naina muchungma lama-o phérwi tháng ya tẃi khe omono khlai di.

LEKHAMUNG 22:32

Subraiyungni suari bono hai hwnwi sa kha, “Tamni nwng ba nini korai chirkano omo hai khe uáitham ma swprak lang? Nai di, ang nono kasunani ma phai kha, tamni hwn ba nwng lama phérwi tong kha.

MATHAI 5:28

Phiya ba ang norokno o kók sa-o, bwrwi khoroksano phano nugwi sak tangna muchungnai borok bo khá bising bising lupcha wngma klai-o.

LUK SWIMANI KOTHOMA KAHAM 12:19

Aphuru ang khá bising bising hai hwnwi sa anw, Talikha kahamsa bisi kwbángmani bagwi manwi kwbángma tisaui narwk kha. Lengla twtwi tabuk bisogwi chá di nung di, tongthok di!’

SAMUNG 14:16

Kaitor agi bebak dopharokno janija muchung tẃi himna rw kha.

SAMUNG 24:25

Phiya ba Pol kaham khe tongnani kók, sak soinani kók tei phainai Jerani Salni kók saui tong phuru Philiks kirijak kha, hakhe hai hwnwi sa kha, “Nwng tabuk tháng si di. Lama man khe ang nono tei uáisa ring rw hor anw.”

RUMSONGNO POL SWIHORMANI 14:10

Hakhe tamo wngwi nwng nini takhukno majra ber? Nwng le tamo wngwi nwng le nini takhukno sak nang ya wng? Kaitor bai buj thumjakna bagwi chwng bebak’-no bini bwskango ma bachanai.

1 KORINTH 4:5

Hakhe sói mol phai ya sini norok khoroksano phano majra ta ber di, Subrai phai ya sak majra ber yaui tong di. Bo mwnakma-o huijakrokno pohoro kariui phunuknai, bororok bwkha bisingo chapmaroknobo dak-dak khe phunuknai. Aphuru joto borok janijani samung khlai tẃi Kaitor bai kaham hwnjak bainai.

2 KORINTH 5:10

Tamni hwn ba chwng joto’-no buj thumjakna bagwi Khristoni bwskango ma bachanai. O swngcharo tong phuru samung khlaima tẃi’-no jotono janijani manthai mannai, samung kahamnibo mannai, hamyanibo mannai.

UÁINWINI SA PHIMA 29:19

Tei o sraimungni kókno khnaui khoroksa swk phano khá bising bising sakno hambai rwui ta sa thung, ang mungsa wng glak hwnwi kók khna yaui bini muchung tẃi’-no tongnairok kwrwi hwnwi srai-srai wngna nangnai. Omo hai hwn khe kahamnobo tei hamyanobo sokomornai.

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.

JOSUA 7:21

chwng sokomorwi pái laimani bisingo ang kaisa naithokma Babilonni rí tei rukphai kilo kainwi swk, kilo khaksa hilik rangchak bokong nuk khe abórokno muchungwi najak kha, abórok ani rínok bisingni ha-o phobjak rukphaino khe nwng teibo bising kugo mannai.”

2 PITOR 3:7

Tamo khe tabuk tongmani o ha bai nokha Kaitorni a kók bai’-no kók bai hór bai sokomorjakna bagwi khatijagwi tongo, Kaitorno kiri yarok buj thumjagwi sokomorjaknani salni bagwi tonjago.