PHRWNGNAINI 11:5 - Kok Borok (Re-edited) Bible (BSI)

⁵ Bumani oksingo bahai khe absani thani rangma hapson nwng abono si ya, abo hai’-no bebakno snamnaisa Kaitorni samungno nwng romwi man ya.

PHRWNGNAINI 11:5 Iomraidhean Croise

JOBNI BIJAP 37:23

Kwplaisani phanno chwng uansugwi man ya; bo phankrak tei bujsói tẃi-o, bo bujsói khibi glak.

JOBNI BIJAP 38:4

“Ang o hano snamna cheng phuru nwng buro tongmani? Nwng saui man khe ano sa di.

JOBNI BIJAP 5:9

Bo samung kotor khlaimarokno chwng romwi man ya; tei bini uanamasingcha samungrokno lekha bái ya.

LOBMUNG 104:24

O Subraiyung, nini samungrok bwswk se dal-bidal! nwng nini elem bai abórokno snam bai kha; swngcharo nini snamjak manwi bai kupulung.

LOBMUNG 40:5

O Subraiyung ani Kaitor nwng uanamasingcha khlaima, samungrok chini bagwi uansukmarok kwbángma; nwng bai kebono su thai kwrwi. Ang abórokno sa baiwi páina khe ang abono lekhaui pái man ya.

LOBMUNG 92:5

O Subraiyung, nini samungrok bwswk se kotor! nini uansukmarok belai kuthuk!

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:6

Nokbar salgra phaising sibo tei salsibai-o kitingwi thángo; tei omo hai khe sipsa te sipsa te swkango tongma-o’no tongma-o kiphilwi phai phiro.

PHRWNGNAINI 11:4

Nokbarno naisingwi tongnairok ma kái glak; tei chumuino naisingwi tongnairokbo ma ra glak.

PHRWNGNAINI 3:10

Kaitor jotono barja rwui pái lai ya khe tonmano ang saui man kha.

PHRWNGNAINI 3:11

Bo bebakni’-no sói jora chong kha; tei bo borokni bwkha-o lái thángjak tei thinangni kókno sinano muchung rw-o, tamo khe Kaitor yaphangni simi páithak jora tamo khlai kha bororok romwi man ya.

PHRWNGNAINI 7:24

Abo belai’-no kwchalma tei belai’-no kuthukma; abono sabo saui mannai?

PHRWNGNAINI 8:17

aphuru ang o ha saka-o Kaitorni aswkni samungno nuk kha, abono khoroksa phano naitugwi man ya. Abono saui manna bagwi bororok chaitok súk phano bórok abono man glak; siyan kwrwngrok abono buchi kha hwnwi sa phano abono pái súgwi buchiui man glak.

JISAIA 40:28

Nwng saui man ya da? Nwng khna ya kho da? Subraiyung’-no mol brúmni Kaitor, hani páithak jora Takchengnaisa. Bo lengjak ya tei sak belwi tháng ya, bini simungno naitugwi pái rwui man ya.

JOHON 3:8

Nokbar bini muchung tẃi si bo; norok bini sari simi khna-o, phiya biyangni phai biyang tháng abo norok saui man ya. Pholani achainairok bo ahai’-no.”

RUMSONGNO POL SWIHORMANI 11:33

Kaitor bwswk se maya gwnang! Bo bwswk se si, bwswk se elem gwnang! Bo khá chapmano romwi mannai sabo tong? Bini samungno saui mannai sabo tong?