PHRWNGNAINI 11:2 - Kok Borok (Re-edited) Bible (BSI)

² Nini rang-ríno mungsni eba mungchar khatithai-o khatiui ton di, tamni hwn ba o ha saka-o bubotẃi chacharara nangno nwng saui man ya.

PHRWNGNAINI 11:2 Iomraidhean Croise

NEHEMIA 8:10

Nehemia hai hwnwi sa kha, “Tháng di, chámung kaham chá lai di nung lai di tei khoroksa swkni tiyar kwrwi hwn khe bonobo banta rohor di, tamni hwn ba tinini sal Subraiyungni thani kwthar se tei bwkha dukhu ta wng di, tamni hwn ba Subraiyungo tongthokmani se nini phan.”

ESTER 9:19

Aboni bagwi kami-o tongnai Judairok, abo khe; chokdeual kwrwi-o tongnairok khe Adar talni sal chibrwini salo chá lai nung lai khlaiwi tongthokni ter khlai lai-o tei khoroksa tei khoroksano chámung rohorjaknai sal hwnwi khlai lai-o.

ESTER 9:22

Tamni hwn ba a salnwi-o Judairok bórokni kebengnai kena arirokni yakni yógo tei a talo bórokni dukhu tei bwkha khammani sláijagwi terni sal wngwi thángo. A salrogo chámung tei tongthokni ter khlainani tei chámung rohor lainani tei bigrarokno hili rwjaknai sal hwnwi khlaina bagwi daui swi kha.

JOBNI BIJAP 5:19

Bo nono mungdok birmanni yakni phiyóknai; hakhe mungsnini birmanrok phaiwi nono dera rwuibo man glak.

LOBMUNG 112:9

Bo yak bigrarokno yak kuar khe bagwi rw kha; bini kaham tong phlainai; bini bokorong bórimung manwi kuchuk wngnai.

PHRWNGMUNG 19:17

Bigrarokno khairogwi rw khe Subraiyungno se lakai rwma klai-o tei bo bini a samung kahamni bebak su-ui rwjaknai.

PHRWNGMUNG 6:16

Subraiyung o mungdokno naislerjago tei mungsninino khe bo seleng jago:

PHRWNGNAINI 11:3

Chumuirok hiliksajak khe ha saka-o uatwi ua-o; buphang salgra-o da klai tong eba salsi-o de klai tong klai tong thani’-no klaiwi tongnai.

PHRWNGNAINI 11:8

Khoroksa swk bisi kolokma kwthang tong khe bo a jora tongthogwi tong thung; hai phano mwnakma salni kókroknobo bo muitu tong thung, tamni hwn ba abo kwbángma wng kuknai. Bebak wngna tongmarok bebakno chúk ya.

PHRWNGNAINI 12:1

Birmanni sal phai ya sini nwng sikla jora-o nini snamnaisano bwkha-o muitu khlai di, tamni hwn ba nwng, “Ang omo tẃi khe tongthok li ya” hwnwi ma sanani sal samphaui phai rw rwgo;

DANIEL 4:27

Hakhe abo bai, o habugra ang samani kókno khna di, sumsok yakarwi samung kaham tang si di, kusupjakrokno khairok si di, hakhe nwng tong kwchang khe tei kwdwkma tongwi mannai.”

MIKA 5:5

bono chini khakchangmung wngnai. Tumung Asiriyasarok chini ha-o phaiwi chwngno swprak phai khe chwng khoroksni eba khe khorokchar suda mera mwrwknairokno bórokno kebeng rwui tẃiphangrok bacha rwnai. Tumung chini ha-o Asiriyasasong hap phai khe tei chini ha-o kasa phai khe chini naikolphang wngna bagwi tei bórokno kebengna bagwi bacha rwnai, phiya khoroksni khorokchar naikolphangrokno bacha rwnai.

MATHAI 18:22

Jisu hai hwnwi sa kha, “I’nhi, uáisni ya, uái snichi máng uáisni nakar di.

MATHAI 5:42

Khoroksa swk nini thani mungsa swk san khe bono abono rw di; khoroksa swk solok nai khe bono abono rw di.”

LUK SWIMANI KOTHOMA KAHAM 17:4

Nini thani bo salo uáisni sumsok khlai khe, phiya sumsok khlai brúm brúm’-no ‘Ang sumsok yakar kha,’ hwnwi sa phai khe nwng bono ma nakar thai klai-o.”

GALATIA 6:1

Takhukrok, tumungno khoroksa swk samung hamya khlaiwi romjak khe norok kahamrok bono lama kahamno tubuthai klai-o; tamo khe norok abo kwchang kwchang khe ma khlaithai klai-o. Phiya nwng belokjak ya tẃi khe hus khe tong di.

EPIS 5:16

Lama man kha hwn khe ta yakar di, tamni hwn khe omo wng kha mol hamya.

HIBRU 13:3

Alongo klaijakrokno nai di, norokbo bórok bai baksa alongo klaijak hwnwi khá kaui bórokno nai di. Sátokjaknairokno nai di, norokbo bórok haino sátokjagwi tongo hwnwi khá kaui bórokno nai di.

1 SAMUEL 25:8

Nwng nini siklarokno abono sẃng khe nono abono bórok sa anw, aboni bagwi ani bororok nini thani yachakjak thung, tamni hwn ba chwng ter salo se phai-o. Nini yago tongmano nini selengrokno tei nini sajla Daudno rw ja di hwnwi koi ja-o.’ ”