PHRWNGNAINI 11:1 - Kok Borok (Re-edited) Bible (BSI)

¹ Nini chámungno twi saka-o lukhlai rw di, tamni hwn ba sal kwbángmani yagulo nwng abono kiphilwi man phinai.

PHRWNGNAINI 11:1 Iomraidhean Croise

2 SAMUEL 17:29

Piya bwtwi, doirok, merarok tei musuk abuktwini chámung tubu kha, tamni hwn ba bórok hai hwnwi sa kha, “Bororok hasing hapharo ok khui lai kha tei leng lai kha tei twi kangjak lai kha.”

PHRWNGMUNG 11:18

Borok hamya mungsa ajiui se man ya, tamo khe borok sóirok khe sói sokatno mano.

PHRWNGMUNG 19:17

Bigrarokno khairogwi rw khe Subraiyungno se lakai rwma klai-o tei bo bini a samung kahamni bebak su-ui rwjaknai.

PHRWNGMUNG 22:9

Yapharnai borok khe hamchajak, tamni hwn ba bo bini chámungno bigrarok bai banta khe chá-o.

PHRWNGNAINI 11:6

Nwng phung aidrobo bwchlwi sar di, sarigobo abo hai samung tang di, nini yak ta thak di; tamni hwn ba bu jorani samung chano eba a kwnwi jorani-no da baksa khe hamno nwng abono saui man ya.

PHRWNGNAINI 3:6

rutugwi manma jorabo tongo tei kwmana jorabo tongo; tisaui tonma jorabo tongo tei khibiui rohorma jorabo tongo;

JISAIA 32:20

Norok twirukungo bwchlwi sarwi musuk tei koraichirkarokno phiyógwi chá rwnairokno hamchajak.

JISAIA 32:8

Phiya ba, borok kotor kaham kaham uansukmungno uansugo tei bo kahamno tẃiwi’-no bachaui tongo.

LEBI 19:25

Phiya nokha bisik ba phuru khe nwng a bwtháirokno cháui mannai, abórokni bwtháibo kwbáng khe thái anw, ang nini Subraiyung Kaitor.”

MATHAI 10:13

A nokni bororok norokno yachak sok khe norok ‘Khá kwchang di,’ hwnmani a kók nang thung. Phiya bórok yachak sok ya khe a kók ta nang thung.

MATHAI 10:42

O kókno muitu narwk di, ani bororokni bere jotoni slái kusuno phano ani borok hwnwi twi kwchang khopsa khannai borok bo bini sokat ma se mannai.”

MATHAI 25:17

Abo hai kheno a rang nwisai mannai seleng bo’-bo tei rang nwisai aji kha.

MATHAI 25:40

Bugra hai hwnwi sa phir anw, ‘Ang norokno sói kókno sa-o, ani o takhukrokni bere kusu khoroksano phano norok abo tẃi khlai kha hwn khe abo ano’-no khlaima klai-o.’

LUK SWIMANI KOTHOMA KAHAM 14:14

Hakhe nwng hamchanai, tamni hwn khe bórok le nono abono su-ui man phi glak, borok kahamrok thangwi bacha phuru nwng Kaitor bai sujaknai.”

2 KORINTH 9:6

O kókno muitu narwk di: maichlwi kisa sarnai borok bo mai kisano mannai; maichlwi kwbáng sarnai borok bo mai kwbáng mannai.

HIBRU 6:10

Kaitor hamya ya, hakhe norok khlaimani a samungno bo pok glak, norok bono hamjagwi Khristan takhukrokno chubamano, phiya tabuk suda chubaui tongmani bo pok glak.