PHRWNGNAINI 10:5 - Kok Borok (Re-edited) Bible (BSI)

⁵ O ha saka-o ang mungsa cha ya wngma nuk kha, tẃiphangrok omo hai cha ya khlai lai-o:

PHRWNGNAINI 10:5 Iomraidhean Croise

PHRWNGMUNG 19:10

Butuasa le asuda khlaiwi tongthothok cháthothok khe tongwi mwchang ya, selengbo bini bugrani bokhorok wngwi tongmani teibo mwchang ya.

PHRWNGMUNG 28:12

Borok kahamrok tẃiphang wng khe lukurok tongthokjago tei borok hamyarok kuchugo ka khe lukurok huijago.

PHRWNGNAINI 10:4

Tẃiphang tumung nono jolijak phano nwng nini samungno ta yakar di, tamni hwn ba kwchang kwchang khe tong khe kotor-kotor cha yarokbo nakar jago.

PHRWNGNAINI 10:6

Butuarok se barja kotor kotor rwjago tei gwnangrok khe achukthai hache-o achuk rwjago.

PHRWNGNAINI 3:16

O ha saka-o omobo nuk kha, bujsói tei sutrang wng thani suda se bujsói tei sutrang kwrwi wngo.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

PHRWNGNAINI 4:7

O ha saka-o ang teibo chúk ya nuk kha:

PHRWNGNAINI 5:13

Ang o ha saka-o mungsa belai derajak nuk kha: gwnangrok khatiui narwkmani rangrok khatinaini hamya se khlai-o,

PHRWNGNAINI 6:1

Ang o ha saka-o hamya mungsa nuk kha, abo bororokni thani belai khe hilikma:

PHRWNGNAINI 9:3

O ha saka-o mungsa hamya wngma khe, bebakno baksa kheno manjago, bwkhabo hamya bai máng kupulungno tei se kwthang tong phuru bórokni bwkha-o bwkha ma nangma bai kupulung khe ma tongo tei kwthang tong langsak’-no bwkha kobor chaui ma tongo, aboni ulo khe bórok thwi-o.