PHRWNGNAINI 10:12 - Kok Borok (Re-edited) Bible (BSI)

¹² Siyan gwnangni búkhúkni kókrok le bui bai kaham hwnjago, tamo khe butuani kók le bono so se sokomoro.

PHRWNGNAINI 10:12 Iomraidhean Croise

2 SAMUEL 1:16

Hakhe Daud bono hai hwnwi sa kha, “Nini thẃi nini saka-o klai thung,” tamni hwn ba nwng sak phang’-no, “Ang Subraiyungni chongjakno buthar kha,” hwnwi sa kha.

JOBNI BIJAP 16:5

Ani khúk bai nono bwkha rak rwui man kha mun, tei nini kwsa samarokno kók kwchang saui kwchang rwui man kha mun.

LOBMUNG 140:9

Ano kitingnairok bórokni bokhorokrok tisa lai-o; bórokni khukni kók bai hamya khlaimani abo bórokni saka-ono klai thung!

LOBMUNG 37:30

Borok kahamni khukrok kók elemi sa-o tei bini bwslai bujsóini kók sa-o.

LOBMUNG 64:8

Bórokni bwslaini bagwi bo bórokno komor rw anw; bono nugwi jotono kiriui kwlwibra anw.

PHRWNGMUNG 10:10

Mokol tail khe kók sama uálaimung se tubu-o, phiya khá torwi khoraima khe tong kwchang tubu-o.

PHRWNGMUNG 10:8

Khá sinai borok khe dagimarokno khna-o, phiya kók swbaknai butuarok khe komorwi thángo.

PHRWNGMUNG 12:18

Ailang-kuilang kókrok seng bai kwsa cha rw tẃi khlai-o, tamo khe siyan kwrwng bororokni kókrok khe kwsa se ham rwui mano.

PHRWNGMUNG 15:2

Siyan gwnang borok kók sa khe simungno sa-o, phiya butua khe kók nang ya sa-o.

PHRWNGMUNG 15:23

Sói khe kók uphilwi saui manmano bororok hamjago tei nangma jorani kókno jora-o saui manma abo bwswk se ham!

PHRWNGMUNG 19:5

Tatal khe kók sachrunai majra ma chánani yók glak tei tatalsabo yók glak.

PHRWNGMUNG 22:11

Bwkha kuphurno hamjaknai tei khairokma gwnang kók sanaini le habugra se kiching wngnai.

PHRWNGMUNG 26:9

Butuasani khukni kók kaham phaima le chuak kephekni yago chor pamani hai se.

PHRWNGMUNG 31:26

Bo elem tẃiwi khúk pero tei khairokma gwnang khe kók sa-o.

PHRWNGNAINI 12:11

Siyan gwnangrok kók samarok le painjon latha hai, bórokni kókrokno thumsa khe thum khe kwrak khe sorni khili dúmjak hai, abórok bebakno khoroksa mera mwrwknai bai rwjakmani.

PHRWNGNAINI 4:5

Butuasa khe yakrok berebwi tongo tei sakni bahan se chá-o.

PHRWNGNAINI 5:2

Nwng kók sana kodo ta wng di, eba Kaitorni thani dodro-dodro kók ta sa di; Kaitor khe chuknoha-o tongo tei nwng khe o ha-o; aboni bagwi nini kókrok kisa wng thai.

PHRWNGNAINI 5:6

Nini búkhúk nono sumsogo ta khiklai thung, kók tun phainaino omo cha ya wng kha hwnwi ta sa di; nini kókno tẃiwi Kaitor tamni jolijagwi nini yakni samungno sokomornai?

PHRWNGNAINI 9:17

Tẃiphang butua chrikmani slái siyan kwrwng twrwksa khe kók sama se ham kugo.

MATHAI 12:35

Borok kaham bwkha-o kaham chu-ui tongmani aroni kaham tikhlai-o; borok hamya ba hamya chu-ui tonmani aroni hamya tikhlai-o.

LUK SWIMANI KOTHOMA KAHAM 19:22

Bo bono hai hwnwi sa kha, ‘Seleng hamya nwng! Nini kók bai’-no ang nono kha anw. Ang maya kwrwi hwnwi nwng saui mano, ani ya phano na-o, ang mai káima ya phano ra-o hwnwi nwng saui mano.

LUK SWIMANI KOTHOMA KAHAM 4:22

Hakhe bebak borok bono kaham hwn kha tei bini búkhúkni kók kahamno khnaui bórok uanajagwi hai hwnwi sa lai kha, “Omo Josepni bwsla ya diba?”

EPIS 4:29

Búkhúk hamya ta tikhlai di, tamo khe norokni kók khnanairokni kaham wngna tẃi khe khá rak rwnai phiya samung nangnai abo tẃi kók simi sa di.

KOLOSAI 4:6

Khá kwchang rwnai khna thotok wngnai abo tẃi kók sal brúm brúm sana nang anw, phiya joto borokno bahai khe sanai abo norok saui manna nang anw.