PHRWNGNAINI 10:10 - Kok Borok (Re-edited) Bible (BSI)

¹⁰ Tumung rua buk ya hwn khe tei huljak ya khe abo bai samung tangnani le phan kwbáng nangnai; tamo khe borok siyanno samungo thepaui samung cha-o.

PHRWNGNAINI 10:10 Iomraidhean Croise

1 HABUGRA 3:9

Aboni bagwi nwng ano simung rw di, ang nini bororokno bujsói khlaina bagwi tei bubo kaham bubo hamya sinani bagwi simung rw di. Wng ya khe ang bahai khe nini o luku kwbángmano tẃitherwi mannai?”

1 BOSONG 12:32

Isakarni: Khorok 200 tẃiphangrok, bórokno o ojama songwi bebak bórokni sandairok (o tẃiphangrok molni jorano tei Israilrok tamo khlaina nangno kaham khe saui mano.)

PHRWNGNAINI 10:11

Chibuk romnaisa chibukno muphunslap ya sini abo bai sukjak khe bo muphunma rwngma le mungsa chúk ya.

PHRWNGNAINI 10:15

Butua samung tangwi lengjago, bo aswk khe butua, kamiyungni lamano suda bo sini ya.

PHRWNGNAINI 10:9

Holong tankhurnairok khe abo bai’-no dukhu mannai; tei buphang ra phainairok khe buphang bai’-no dukhu manna tongo.

PHRWNGNAINI 2:13

Ulo khe ang nuk kha, mwnakni slái pohor hamo, abo hai’-no butuani slái siyanbo kaham.

PHRWNGNAINI 9:18

Simung khe chobani da-sengrokni slái kaham, tamo khe borok hamya kwbángma kahamno dera rw-o.

MATHAI 10:16

“Khna di, ang norokno geguma khola-o merano rohor tẃi se rohoro. Norok chibuk hai hus gwnang wng di, pharuk hai kwchang kwchang wng di.

RUMSONGNO POL SWIHORMANI 16:19

Norok Kothoma Kaham sama hai tongmano jotono saui man bai kha, aboni bagwino norokni bagwi ang tongthogo. Norok kahamni bagwi sinai wng di, phiya hamyani bagwi si ya wng di hwnwi ang nai-o.

1 KORINTH 14:20

Takhukrok, norok chwrai hai khe ta uansuk di; samung hamyani bagwi chwrairok hai wng di, tamo khe okrarok hai khe uansuk di.

UÁINWINI SA PHIMA 32:41

Ang ani seng kwchẃngno hul khe, tei buj thumnani yak rw kha, hwn khe, ani arirokno yagul snai, tei ano sejanairokno sátoknai.

KOLOSAI 4:5

Poito kwrwirok bai siyan kwrwng khe tong di; lama man kha hwn khe ta yakar di.

JAKOB 1:5

Norokni bere khoroksa phano elem kwrwi khe bo aboni bagwi Kaitorno san thung, hakhe Kaitor bono abo’-no rwnai, tamni hwn ba Kaitor bebakno’-no khairogwi yak kuar khe rw-o.