PHRWNGNAINI 1:9 - Kok Borok (Re-edited) Bible (BSI)

⁹ Swkango wng langmarok abo wng phirnai, khlaijakmabo khlaijak phirnai; o salni tola-o kwtal hwnwi mungsa phano kwrwi.

PHRWNGNAINI 1:9 Iomraidhean Croise

PHRWNGNAINI 1:10

“Omo le kwtal” hwnwi mungsano phano sajaknai da tong? Abo swkango’-no tongo, bisi kwbángma swkango’-no tongo.

PHRWNGNAINI 2:12

Hakhe ang siyan, butua tei kobor chamano tẃiwi uansuk kha; swkangni habugrarok samung khlai tẃi khe ulni habugrarokbo khlainai hwnwi chwng saui da man ba?

PHRWNGNAINI 3:15

Aswk wngwi tongmarok abo swkangobo wngo; tei thinango wngna tongmarokbo bebakno swkangno wng kha; wngwi thángjakrokno Kaitor wng rw phiro.

PHRWNGNAINI 6:10

Bebak wngmarok bebakno swkango’-no chongjak tei borok, bo tamo-tamo ya abo swkango’-no saui manjak, bo bini slái khoroksa kwrak bai kók tan laiwi man ya.

PHRWNGNAINI 7:10

“Tabukni salrokni slái lái thángma salrok tamo wngwi ham kuk?” hwnwi ta sa di, tamni hwn ba omo le siyan gwnangrokni sẃngmung wngwi man ya.

JISAIA 43:19

Nai di, ang kwtal samung khlaiwi tongo; abo tabukno bumuk perwi achai anw; norok abono saui man glak diba? Ang haphar bukcha-o lama snamwi rwnai, tei hasing hapharo twimarokbo rwnai.

JIRIMIA 31:22

O uslunai bwrwima, nwng tei bwswk ayang-uyang wng sinai? Tamni hwn khe Subraiyung o ha-o, kaisa manwi kwtal snam kha, bwrwima khoroksa chwla khoroksano kitingwi tongo.”

2 PITOR 2:1

Agi phuru bororokni bisingo diyari phatrarok bacha kha, abo tẃi kheno norokni bisingobo kók cha ya phrwngnairok bachanai. Bórok komorna lama tanna bagwi bising bising kók cha ya sanai, bórok bórokno paiwi phiyóknai Bugrano gosi glak, hakhe bórok achomsa komor bainai.

PHUNUKJAKMANI 21:1

Aphuru ang ha kwtal bai nokha kwtal nuk kha. Swkangni ha bai swkangni nokha kwmaui tháng kha, twijlangbo kwrwi kha.

PHUNUKJAKMANI 21:5

Aphuru achukthayungo achugwi tongnai hai hwnwi sa kha, “Tabuk ang bebakno kwtal khlainai.” Bo ano hai hwnwibo sa kha, “O kókno swi di, tamni hwn ba o kókrok kubui, poitobo khlaiwi mano.”