PHRWNGNAINI 1:3 - Kok Borok (Re-edited) Bible (BSI)

³ O nokha tola-o borok aswk kolomtwi khiklaiwi samung tangwi tamo man?

PHRWNGNAINI 1:3 Iomraidhean Croise

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 2:18

Ang o ha saka-o kolomtwi khiklaiwi tangwi manmarokno ang naisler kha, tamni hwn ba ang abórokno ani ulo phainairokni bagwi se yakarwi ma klangnai

PHRWNGNAINI 2:19

tei, bo siyan gwnang de wngno butua da wngno sabo sinai? Phiya ba ang o ha saka-o kolomtwi khiklaiwi tei ani simungno samungo thepaui manmarokni bo se nokphang wngnai. Omobo chúk yano.

PHRWNGNAINI 2:22

O ha saka-o bororok kolomtwi khiklaiwi samung tangmani tei uanaui bo tamo man?

PHRWNGNAINI 3:9

Samung tangnaisa bini tangma yagulo tamo man?

PHRWNGNAINI 4:3

o kwnwini slái khe tabuk phano o ha saka-o achaiwi samung hamyarokno nuk ya kho bórok se ham kugo.

PHRWNGNAINI 4:7

O ha saka-o ang teibo chúk ya nuk kha:

PHRWNGNAINI 5:16

Omo ba haino belaino hamya: bo phaima hai kheno mabo ma thángnai; bo nokbarni banta kolomtwi khiklaiwi tangwi tamo man kha?

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 7:11

Siyan gwnang wngma le ma-phani aroni manmari manma hai kaham tei abo bebak kwthang tongnairokni kaham khlai-o.

PHRWNGNAINI 9:13

Ang o ha saka-o simungno tẃiwi tei mungsa nuk kha, abono nugwi ani bwkha-o nang kha.

PHRWNGNAINI 9:3

O ha saka-o mungsa hamya wngma khe, bebakno baksa kheno manjago, bwkhabo hamya bai máng kupulungno tei se kwthang tong phuru bórokni bwkha-o bwkha ma nangma bai kupulung khe ma tongo tei kwthang tong langsak’-no bwkha kobor chaui ma tongo, aboni ulo khe bórok thwi-o.

PHRWNGNAINI 9:6

Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

JISAIA 55:2

Tamni bagwi norok sói chámung yani bagwi ba rangrokno swbai, khá kochomma kwrwi abo tẃirokni bagwi, tamni phan khibiui samung tangwi tong? Khir khir khe ani kókno khna di; kaham kuk chámungno chá di. a chámung kaham cháui nini khá kochom rw di.

HABAKUK 2:13

Nai di bororok hór bai khamwi pái thung hwnwi simi phankraksa Subraiyung le nai ya, dopharok kwrwi kwrwi’-no uana lai ya diba?

HABAKUK 2:18

Mwtai mangno le abono taknaisa se tago hwn khe aboni tamo chúkma tong? Takjaknai bokhongo khe daui takma mwtai mangrok tatal phrwng ya diba? Abono taknaisa bini takjak mwtai mangno se bwkha beraui tongo, yang a mwtai mangrok kók se saui man ya!

MATHAI 16:26

Thwi tháng kha hwn khe bebak swngcharno manẃi ba a borok tamo manma klai? Thwiwi tháng khe borok tei tamo khe thang phinai?

JOHON 6:27

Sogwi thángnai chámungni bagwi ta tang di, mwthang phlainai chámungni bagwi se tang di. Borokni Sajla se abo tẃi chámung norokno rwnai, tamni hwn khe Bupha Kaitor aboni bagwi se bono mari bu-ui rw-o.”