PHRWNGNAINI 1:13 - Kok Borok (Re-edited) Bible (BSI)

¹³ ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:13 Iomraidhean Croise

YAPHANG 3:19

Nono takmani a ha-o kiphilwi tháng ya sak nwng khorokni kolomtwi yakungo khiklaiwi tangwi ma chá sinai; nini o hani mang, ha-ono kiphilwi ma tháng sinai.”

JOBNI BIJAP 28:3

Rutuknai bororok mwnago pohor mwchẃngo tei hakchal kuk harogo abono rutuk lai-o.

LOBMUNG 111:2

Subraiyungni samungrok kotor, abono hamjaknairok abono kaichomwi uansugo.

PHRWNGMUNG 18:1

Hoda bai kagwi tongnai borok sakni muchungmani simi manna chaitogo tei bui sói khe chapmarokno kebengwi bacha-o.

PHRWNGMUNG 18:15

Khá sinai borok khe siyan kwrwng wngo, siyan kwrwngrok khunju bai simungni kók khnana muchung jago.

PHRWNGMUNG 23:26

Sajla, nwng ano kháno rw di tei nini mokol bai ani tongmungrokno naisik di.

PHRWNGMUNG 25:2

naimarok wng kha habugrani bagwi chẃngsacha.

PHRWNGMUNG 4:7

Elem gwnang wngna khe swkang siyan gwnang se wngna nango, nini tong kwrwi bebak bai kuthuk khe simungno si di.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 11:5

Bumani oksingo bahai khe absani thani rangma hapson nwng abono si ya, abo hai’-no bebakno snamnaisa Kaitorni samungno nwng romwi man ya.

PHRWNGNAINI 12:12

Angsla, o kókrok bai tei mungsa swk da daljak-duljuk abono hus wng di, bijap swijakmani thak phlai ya, belai pori khebo sak lengpra-o.

PHRWNGNAINI 2:23

Tamni hwn ba sal brúmno bo samungo dukhu tei tekto mano; horobo bini bwkha lenglamung man ya. Omobo mungsa chúk ya.

PHRWNGNAINI 2:26

Tamni hwn ba Kaitorno bwkha ham rwnairokno, bo siyan tei rwngmungrok rw-o; tamo khe sumsok gwnangrokno khe Kaitorno bwkha phur rwnairokno rwna bagwi bo rang-rí aji rw-o. Omobo chúk ya, nokbarno riphrik tẃi se.

PHRWNGNAINI 3:10

Kaitor jotono barja rwui pái lai ya khe tonmano ang saui man kha.

PHRWNGNAINI 3:11

Bo bebakni’-no sói jora chong kha; tei bo borokni bwkha-o lái thángjak tei thinangni kókno sinano muchung rw-o, tamo khe Kaitor yaphangni simi páithak jora tamo khlai kha bororok romwi man ya.

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 7:25

Ang siyanno tẃiwi uansuktang chapjak tongmarokno naitugwi sina bagwi tei borok hamya wngma khe butua wngmani tei butua wngma khe uansukna rwng ya wngmani o kókno sinani bagwi sakthar kha.

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.

1 TIMOTHI 4:15

Nwng kasamano jotono saui manna tẃi omorokno kaichomwi khlaiwi tong di.