PHRWNGNAINI 1:10 - Kok Borok (Re-edited) Bible (BSI)

¹⁰ “Omo le kwtal” hwnwi mungsano phano sajaknai da tong? Abo swkango’-no tongo, bisi kwbángma swkango’-no tongo.

PHRWNGNAINI 1:10 Iomraidhean Croise

PHRWNGNAINI 1:11

Bisi kwbángma swkangni bororokno tei muitu khlaijak ya, thinango achainai bororokno bórokni ulo achainairok muitu narwk glak.

PHRWNGNAINI 1:9

Swkango wng langmarok abo wng phirnai, khlaijakmabo khlaijak phirnai; o salni tola-o kwtal hwnwi mungsa phano kwrwi.

PHRWNGNAINI 2:12

Hakhe ang siyan, butua tei kobor chamano tẃiwi uansuk kha; swkangni habugrarok samung khlai tẃi khe ulni habugrarokbo khlainai hwnwi chwng saui da man ba?

PHRWNGNAINI 6:10

Bebak wngmarok bebakno swkango’-no chongjak tei borok, bo tamo-tamo ya abo swkango’-no saui manjak, bo bini slái khoroksa kwrak bai kók tan laiwi man ya.

MATHAI 5:12

Khá srang di, tongthok di, tamni hwn khe chuknoha-o norokni bagwi sokat kwbángma khatijak tongo. Norokni slái swkang tongnai diyariroknobo bororok omo tẃi kheno sátok kha.”

SAMUNG 7:51

“Norok tamo swk kók khna ya gwja! Norokni bwkha tamo swk khá si ya gwja! Khunjubo muthupjak gwja! Norok katswi norokni chuchusong hai’-no; norokbo Phola Kwtharno kebeng máng tongo!

2 TIMOTHI 3:8

Jani bai Jambri Musino kebeng tẃi’-no o bororokbo abo hai khe’-no kubuino kebengo, o bororok wng kha bwkha sitra, bórok poito kwmajak.