PHILIPI 4:9 - Kok Borok (Re-edited) Bible (BSI)

⁹ Ang sa thanibo, ang samung khlai thanibo norok rwngwi manmano samungo phnang di. Hakhe chwngno khá kwchang rwnai Kaitor norok bai tong anw.

PHILIPI 4:9 Iomraidhean Croise

JISAIA 41:10

Ta kiri di, ang nwng bai tongo, bwkha ta bai di, tamni hwn ba ang nini Kaitor, Ang nono phan rwnai, ang nono chubanai, ang nono ani kwplai yagra yak bai khe romwi tongnai.

JISAIA 8:10

Thansa khe kók chap lái di, phiya abo mungsa chúk glak, kók sa di, phiya abo nang glak tamni hwn ba, Kaitor chwng bai tongo.

MATHAI 1:23

“Nai di, bwrwi sikla-kwthar khoroksa sakderiya wngwi bwsa chwla khoroksa bá anw, hakhe bo Imanuel hwnjaknai” (abo “Kaitor chwng bai baksa tongo” hwnmani se.)

MATHAI 28:20

Ang norokno joto dagima hai khe tongna bagwi bórokno phrwng di. Phiya muitu narwk di, o mol pái ya sak ang norok bai máng tongo.”

MATHAI 7:21

“Ano ‘Subrai, Subrai!’ hwnnairok bórok bebak’-no Kaitorni ha-o habwi man glak, tamo khe chuknohani Aphani muchung tẃi tongnairok simi se habwi man anw.

LUK SWIMANI KOTHOMA KAHAM 6:46

“Norok ano tamo wngwi ‘Subrai, Subrai,’ hwn, aile ang sama hai tong lai ya?

LUK SWIMANI KOTHOMA KAHAM 8:21

Tamo khe bo bórokno hai hwnwi sa kha, “Kaitorni kók khnaui abo hai khe tongnairok bórok se ani ama ani takhuk.”

JOHON 13:17

Tabuk norok o kókno saui man kha, hakhe omo hai khe tong khe norok bwswk se hamchanai!”

JOHON 15:14

Ang dagima hai khlai kha hwn khe se norok ani bayap.

JOHON 2:5

Hakhe Jisuni buma selengrokno hai hwnwi sa kha, “Bo sama hai’-no norok khlai di.”

SAMUNG 9:6

Hakhe bo kwlwibraui uanajagwi “Nwng ano tamo khlai di hwn Subrai” hwnwi sa khe Subrai bono “Tabuk bacha di, tauno tháng di, hakhe nwng tamo ma khlainai aro sajak anw,” hwnwi sa kha.

RUMSONGNO POL SWIHORMANI 15:33

Khá kwchang rwnai Kaitor norok bebakni logi tong thung. Amen.

RUMSONGNO POL SWIHORMANI 16:20

Hakhe chwngno khá kwchang rwnai Kaitor norokni yakung yaphango Soitanno dakti’-no kádulnai. Chini Subrai Jisu norokno khairok thung.

1 KORINTH 10:31

Hakhe norok mungsa swk samung khlai phano, chá phano nung phano, norok bebak samung Kaitor lobjakna tẃi khe khlai di.

1 KORINTH 14:33

Tamni hwn ba Kaitor chwngno ubrum-jabrum tongna bagwi ring ya, kwchang kwchang khe tongna bagwi se ringo. Kaitorni bororokni bebak motha-o wngma hai

1 KORINTH 4:16

Aboni bagwi ang tongma hai tong di hwnwi ang norokno sa ja-o.

2 KORINTH 13:11

Takhukrok, hakhe kak lai kha ta. Norok rak sukna nai lai di, ang hwnmano khna lai di, kók tháisa wng lai di, kwchang kwchang khe tong lai di. Hakhe chwngno hamjaknai tei khá kwchang rwnai Kaitor norok bai tongnai.

UÁINWINI SA PHIMA 5:1

Aphuru Musi bebak Israilrokno ring kha tei bórokno hai hwnwi sa kha, “O Israilrok, ang norokno tini khna rwmani kerong tei dagimung rwmarokno khna di; norok omorokno khir-khir khe srwng di tei tẃiwi tongna nai di.

PHILIPI 3:17

Takhukrok, norok ano srwng máng tong di. Chwng norokno tongmung kaham phunuk kha, abo baino abo hai khe tongnairokno naisik di.

PHILIPI 4:7

Hakhe norok Khristo Jisu bai thansa wngma bising tẃi Kaitor khá kwchang rwmani abo norokni khápangno kaham narwknai, bororok abono kolsa phano romwi man ya.

1 THESALONIKI 1:6

Norok chini thani tei Subraini thani srwng kha; phiya norok belai khe sátokjak phano Phola Kwthar khá tongthok rwma bai norok a kók kahamno yachak kha.

1 THESALONIKI 2:14

Takhukrok, Judiani Kaitorni motharogo wngma hai, a motharogo tongnai Khristo Jisuni bororokni thani wngma hai, noroknibo ahai’-no wng kha. Bórok Judairok bai sátokjakma hai norokbo ahai’-no norokni bororok bai sátokjak kha.

1 THESALONIKI 5:23

Chwngno khá kwchang rwnai Kaitor norokno bebago’-no kwthar khlai thung, phiya bo norokno, norokni pholano, bwkhano tei bwsakno chini Subrai Jisu Khristo phai phuru majra kwrwi khe ton sók thung.

2 THESALONIKI 3:4

Norokni bagwi hwn khe Subrai’-no tongo hwnwi chwng thopsa uana ya; chwng sama hai’-no norok tongo, phiya abo hai’-no tongnai hwnwi chwng saui man súgo.

2 TIMOTHI 4:22

Subrai Jisu Khristo nwng bai tong thung. Kaitorni hamari norok bai tong thung. Amen.

JAKOB 1:22

Bini kók khnama bai simi wng kha hwnwi lama ta koró di. Hai wng yaui bini kók sama tẃi se tong di.

2 PITOR 1:10

Hakhe takhukrok, Kaitor norokno chongwi ring kha ba omo hai khe teibo tongna nai di; omo hai tong khe norok lama koró glak.

1 JOHON 3:22

chwng bini thani san tẃi’-no mano, tamni hwn ba chwng bini dagimungrokno khna-o tei hamjakma samungno khlai-o.