PHILIPI 4:8 - Kok Borok (Re-edited) Bible (BSI)

⁸ Takhukrok, páinanogo ang o kók sa-o, kaham hwnjaknani bai baikhenejaknano bwkha-o ton di; kubuino, chúknano, sóino, kwtharno, naithokno, khairoknano bwkha-o ton di.

PHILIPI 4:8 Iomraidhean Croise

YAPHANG 18:19

I’nhi ang bono chong kha, bo bini bwsarokno tei bini bosongrokno ani kók nanani bagwi tei samung sói khlaina, bujsói tẃinano dagi rwna bagwi se ang chongo; bórok abo hai khe khlai khe Subraiyung Abraham khlaina hwnwi swmai tangma tẃi’-no bini bagwi khlainai.”

2 SAMUEL 1:23

Sol bai Jonathan belai naithokma tei khájani! Kwthang tongwibo eba thwi thángwibo bórok kak lai ya, bórok tolingni slái kodo, singhorokni slái’-bo phan gwnang kuk.

2 SAMUEL 23:3

Israilni Kaitor sa kha, Israilni holong ano sa kha; khoroksa swk Kaitorno kiriui bororokno bujsói khe tẃi khe,

LOBMUNG 82:2

“Nwng tei bwswk cha ya khe buj thum sinai tei tei bwswk borok hamyarokni kaham nai sinai? Sela

PHRWNGMUNG 11:1

Tatal, cha ya khe rwtajaknai bai bandimano Subraiyung naislerjago tei sói khe rwtamano khe bo hamjago.

PHRWNGMUNG 12:4

Hik kaham hwn khe bwsaini khorokni motok, tamo khe lachi rwnai bwrwi khe bwsaini bekrengno sok rwnai hai.

PHRWNGMUNG 16:11

Khrop khrop khe sujaknai tei rwtajaknai manwi le Subraiyungni se; kholjangni rwtajaknairok bebakno bo se snamo.

PHRWNGMUNG 20:7

Borok sói khe himma-thángma-o kók bai samung bai gothokjak, bórokni yapri rwgwi himnai bwsarok khe hamchajak!

PHRWNGMUNG 31:10

Sabo hik kaham manẃi man? Bo le morok moni-muktani sláibo morok.

PHRWNGMUNG 31:29

“Kwbángma bwrwirok’-no hik kaham wngo, tamo khe nwng khe abórokni bisingo kaham kuk”.

PHRWNGMUNG 31:31

Bini tangmani manthaino bono rw di, kamiyung hapsonma duglamrogo bo lobjak thung.

RWCHAPMUNG 5:16

Bini khúk belai kwtẃi, bini bebakno ang hamjago. O Jerusalemni bwrwirok bo le ani khájani borok ani hamjakma khásukti.

JISAIA 26:7

Borok sóini lama khe milik; nwng borok sóirokni lamano khe srai-srai khlai-o.

MATHAI 22:16

Bórok bórokni sagrirokni bere baksano tei Herodni bororokni bere baksano Jisuni thani rohor kha. A rohorjaknairok Jisuno hai hwnwi sa kha, “Hodakra, chwng saui mano nwng kók kubui sa-o. Bororok tamo hwn hwn ya abono uansuk yaui nwng Kaitorni lamani kókno sói khe phrwngo, tamni hwn khe nwng keboni bumukhang naisik ya.

MARK 6:20

tamni hwn khe Herod Johonno borok kaham tei borok kwthar hwnwi saui manẃi bono kirijago, hakhe bono mungsabo hamya khlai ya wngwi tongo. Bo kók samano khna brúm brúm bo belai uanama klai jago, hai phano bini kókno bo khápang srangjagwi khna-o.

LUK SWIMANI KOTHOMA KAHAM 16:15

Jisu bórokno hai hwnwi sa kha, “Norok buini bwskango sakno akhini borok kaham khe phunuksa tiro, aile Kaitor norokni bwkha saui mano. Borok kaham hwn phano Kaitorni mokolo selengmasingcha.

LUK SWIMANI KOTHOMA KAHAM 2:25

Aphuru Jerusalemo Simion hwnwi Kaitorno surinai borok kaham khoroksa tongo; Israilrok yókna hwnmano bo naisingwi tongo tei Phola Kwthar bono kobolwi tongo.

LUK SWIMANI KOTHOMA KAHAM 23:50

Josep hwnwi borok khoroksa tongo, bo Judiani Arimathia taunni borok. Bo belai borok kaham; Kaitorni ha bu phuru phaino bo abono naisingwi tongo. Kaunsilni chalai phano bo bórokni chapmano’-bo chajak ya, samungnobo chajak ya.

JOHON 7:18

Bini bai bo sanai borok bo bini sakni mwkhang se chẃng rwna nai-o; phiya bono rohornaini mwkhang chẃng rwna nainai borok bo’-se borok sutrang, bini thani tatal kwrwi.

SAMUNG 10:22

Bórok hai hwnwi sa kha, “Sengkrak okra Kornili chwngno rohoro.” Bo borok kaham, Kaitorno suri-o, bebak Judairok bono bóri-o. Kaitorni suari khoroksa bono hai hwnwi sa kha, “Nini nogo Simon Pitorno na rw horwi bo samano khna di.”

SAMUNG 22:12

“Anania hwnwi Kaitorno Suriui chini Kerongno rákhoknai khoroksa tongo, Damaskoso tongnai bebak Judairok bono borok kaham hwno.

SAMUNG 6:3

Hakhe takhukrok, norokni bisingni Phola Kwthar bai koboljak phiya elem gwnang hwnjaknai khoroksnino khá chong lai gra di, hakhe chwng bórokno o samungni barja rw anw.

RUMSONGNO POL SWIHORMANI 13:13

Chuak nungwi jurang uaija lai yaui, buitali-buitala wng lai yaui, sak tongthok tong lai yaui, bu lai-tok lai wng lai yaui, músú lai yaui, phai di, chwng salni pohoro tongnairok hai kaham khe tong lai si anw.

RUMSONGNO POL SWIHORMANI 13:3

Samung kaham khlainairok bokhorokrokno kirithai kwrwi, samung hamya khlainairok se ma kirithai. Nwng bokhorokno kirima kwrwi khe tongna nai-o, hai da? Samung kaham khlai di, hakhe bo nono kaham hwn anw.

RUMSONGNO POL SWIHORMANI 14:18

Omo tẃi khe Khristoni samung khlainai borok bono se Kaitorbo hamjaknai, bororokbo kaham hwnnai.

RUMSONGNO POL SWIHORMANI 2:29

Aboni slái bwkha bai Judai wngnai a borok se sói sói Judai, bono bwkha bai sakur rajak borok; abo Kaitorni Phola bai wngma se, a swijak Kerong bai wngma ya. Omo tẃi borok se Kaitor bai kaham hwnjaknai, borok bai ya.

1 KORINTH 4:5

Hakhe sói mol phai ya sini norok khoroksano phano majra ta ber di, Subrai phai ya sak majra ber yaui tong di. Bo mwnakma-o huijakrokno pohoro kariui phunuknai, bororok bwkha bisingo chapmaroknobo dak-dak khe phunuknai. Aphuru joto borok janijani samung khlai tẃi Kaitor bai kaham hwnjak bainai.

2 KORINTH 13:7

Norok samung hamya ta khlai thung hwnwi chwng Kaitorni thani suri sano, chwng chúkmano phunukna bagwi omo hai khe suri san ya, tamo khe chwng chúk ya hai wng phano norok samung kaham khlai thung hwnwi chwng omo hai khe suri sano.

2 KORINTH 6:8

Chwng bobo bórijago, sak nang yabo wngjago; chwng kahambo hwnjago hamyabo hwnjago; chwng phemloknai hwnjak phano kók kubui se sa-o;

2 KORINTH 8:18

Motha brúm brúm Kothoma Kaham sama bai kaham khe bórom khlaijaknai a takhuknobo chwng bini logi rohoro.

2 KORINTH 8:21

Subraini bwskango simi chwng kaham khlaina nai ya, borokni mokolobo kaham khlaina nai-o.

GALATIA 5:22

Phola khe borokno hamjak rw-o, tongthok rw-o, khá kwchang rw-o, hama lok rw-o, khairok rw-o, Phola bai se borok kaham wngo, kók khnanai wngo,

EPIS 4:25

Hakhe tatal ta sa si di. Jotono bini takhukno kók kubui ma sa thai, tamni hwn khe chwng bebakno thansa wngwi Khristoni bwsakni yakung yak wngo.

EPIS 5:9

Tamni hwn ba o pohor wng kha joto kisimni kaham, joto kisimni sutrang tei joto kisimni kubui manwirok kwbáng khe rw phainai.

EPIS 6:14

Abo baino tiyar khe bacha di, bwchango kubuino kha di; kahamno khaklap katijaknai hai khe chumui na di;

UÁINWINI SA PHIMA 16:20

Subraiyung norokni Kaitor rwmani ha-o achukna bagwi tei aro kusung kusung tongwi manna bagwi srai-srai wng di tei bujsóino tẃi di.

PHILIPI 3:1

Ani takhukrok, páinanogo ang o kók sa-o, Subraino tẃiwi tongthok lai di. A kókno kók swinani ang bwkha tekto nangjak ya, phiya omo norokni kaham se wng phinai.

KOLOSAI 4:5

Poito kwrwirok bai siyan kwrwng khe tong di; lama man kha hwn khe ta yakar di.

1 THESALONIKI 4:12

Omo tẃi khe norok poito kwrwirok bai kaham hwnjaknai, phiya khoroksani thani phano yapha phehelna nang glak.

1 TIMOTHI 2:2

chwng kwchang kwchang khe bebago’-no Kaitorno suriui tongwi manna tẃi khe bugrarok bai tei bebak bokhorokrokni bagwi Kaitorni thani sa di.

1 TIMOTHI 3:11

Bórokni bihiksongbo tongmung kaham wngthai; bórok kók ruju sa ya wngthai; bórok bebago’-no yak lái ya wngthai, bebago’-no kaham wngthai.

1 TIMOTHI 3:4

bo bini núkhungno kaham khe narwgwi mannai wngthai, phiya bo bwsa-bẃtẃiroknobo kaham khe bini kók khna rwui mannai wngthai.

1 TIMOTHI 4:12

Nwng chwrai borok hwnwi khoroksa bai phano sak nang ya ta wngjak di, tamo khe kók sama bai, tongmung bai, hamjakma bai, poito khlaima bai, kwthar khe tongma bai poito khlainairokno lama sói phunuknai se wng di.

1 TIMOTHI 5:10

bo samung kaham khlainai hwnjakthai; bo bwsa-bẃtẃirokno kaham khe tor rwnai wngthai, nogo borok phai khe kasa rwnai wngthai, Kaitorni bororokni yakung súnai wngthai, tekto mannairokno chubanai wngthai, phiya podrepot samung kaham khlaiwi tongnai wngthai.

1 TIMOTHI 5:2

bwrwichwkrokno nini nwmano nuk tẃi’-no nuk di, bwrwi siklarokno nini bukhukno nuk tẃi’-no kwthar khe nuk di.

TITNO POL SWI HORMANI 1:8

Nogo borok phai khe bo kasa rwnai wngthai, kahamno hamjaknai wngthai. Bo sak soiwi mannai wngthai, kaham khe kwthar khe tongnai wngthai, phiya sakno kók khna rwui mannai wngthai.

TITNO POL SWI HORMANI 2:14

Bebak hamyani yakni chwngno phiyógwi borok kwthar khlaina bagwi bo chini bagwi sakno rw kha, chwng bini borok wngwi samung kaham khlaina muchungna tẃi khe bo omo hai khlai kha.

TITNO POL SWI HORMANI 2:2

Chakra bororokno bebago’-no yak ta lái di hwn di, tongmung kaham wng di hwn di, sak soi di hwn di, poito kwrak wng di hwn di, kaham khe hamjak di hwn di, bebago’-no soiwi tong di hwn di.

TITNO POL SWI HORMANI 2:7

Nwng sak baithangbo bebago’-no samung kahamni bagwi phunugui sajaknai wngthai. Nwng kaichomwi kaham khe phrwng di.

TITNO POL SWI HORMANI 3:14

Samungo nangmani manwirok manna bagwi chini bororok samung kaham khlaina nai thung hwnwi phrwng di; bórok haino samung tang yaui ta tong thung.

HIBRU 11:2

Agini bororok Kaitor bai kaham hwnjakmani abo wng kha bórok poito khlaima bai se.

HIBRU 13:18

Chini bagwi suri san máng tong di. Chini bwkha sutrang abo chẃngsa súgwi mano, tamni hwn khe chwng khe samung kahamno khlaina máng nai-o.

JAKOB 1:27

Tekto mannai ma-pha kwrwirok bai randijwkrokno naimani, phiya swngcharni bagwi khá sitra wng yaui tongmani, abo se Apha Kaitorni mokolo kaham khe kubui khe surima klai-o.

JAKOB 3:17

Kuchukni phainai elem wng kha jotoni slái swkang kwthar khlainai; aboni ulo abo kwtha rwnai, kwchang kwchang tong rwnai, buini kók nanai; abo maya gwnang, samung kaham báng rwnai; abo jotono baksa khe nuknai, abo phatra kwrwi.

1 PITOR 1:22

Norok tabuk Pholani bising tẃi kók kubuino khnama bai norokni bwkhano kuphur khlaiwi norokni Khristan takhukrokno kaham khe hamjak kha ba norok kiching norok khá nangwi hamjak lai súk di.

1 PITOR 2:12

Norok poito kwrwirokni bisingo kaham khe tong di, hakhe bórok norokno samung hamya khlainai hwnwi sa khe bórok’-no norokni samung kahamrokno ma gosinai; omo tẃi khe Kaitor phainani salo bono ma lobnai.

1 PITOR 4:8

Kók kotor khe hai, norok kiching norok kaham khe hamjak lai di, tamni hwn ba hamjakma bai sumsok kwbángma kholopjago.

2 PITOR 3:1

Khájani takhukrok, ang omo bai khe norokno kóktun kangnwi swihor kha. Ang a kangnwi nwi-o’-no o kókrokno muitu khlai rwui norokno kaham khe uansuk rwna nai kha.

1 JOHON 3:18

Angsarok, chwng búkhúkni kók bai simi hamjak thai klai ya; chwng samung bai se sói khe hamjak thai.

1 JOHON 3:3

Bono omo tẃi khe khatungwi tongnairok bórok sakno katswi bo hai khe’-no kwthar khlaiwi tono.

1 JOHON 4:1

Khájani takhukrok, bebak pholano’-no poito ta khlai di, tamo khe pholarok abo Kaitorni aroni da potaliui nai di; tamni hwn ba diyari phatra kwbángma swngchar gwnangwi ongkhor kha.

RUTNI BIJAP 3:11

Rut, nwng tabuk ta uana si di. Nwng sama tẃi’-no ang khlainai. Kamiyungni bebakno nono bwrwi kaham hwnwi saui mano.