PHILIPI 4:7 - Kok Borok (Re-edited) Bible (BSI)

⁷ Hakhe norok Khristo Jisu bai thansa wngma bising tẃi Kaitor khá kwchang rwmani abo norokni khápangno kaham narwknai, bororok abono kolsa phano romwi man ya.

PHILIPI 4:7 Iomraidhean Croise

NEHEMIA 8:10

Nehemia hai hwnwi sa kha, “Tháng di, chámung kaham chá lai di nung lai di tei khoroksa swkni tiyar kwrwi hwn khe bonobo banta rohor di, tamni hwn ba tinini sal Subraiyungni thani kwthar se tei bwkha dukhu ta wng di, tamni hwn ba Subraiyungo tongthokmani se nini phan.”

JOBNI BIJAP 22:21

“Kaitorni kók khna di, tei kwthaui tong di; hakhe nini thani kaham phainai.

JOBNI BIJAP 34:29

Bo siring siring tong phuru, sabo hamya saui mannai? Dopha phano wng thung eba sak saichung phano wng thung, bo nukjak ya khe tong khe sabo bono nuknai?

LOBMUNG 29:11

Subraiyung bini bororokno phan rw thung! Subraiyung bini bororokno bwkha kwchang rwui hamari rw thung! Noktharno yaphar phuru Daudni rwchapmung

LOBMUNG 85:8

Subraiyung Kaitor samano ang khnanai, tamni hwn ba bo bini bororokno, bini kók khnaui tongnairok tei bini thani bwkha kiphilwi phainairokno kók kwchangno sanai.

PHRWNGMUNG 2:11

nini kaham-hamya uansukmung nono mwrwgwi tongnai; a simung-no nono mwrwknai.

PHRWNGMUNG 4:6

Elemno ta yakar di, hakhe bo nono mwthangwi tonnai; elemno hamjak di, bo nini mwrwknai wngwi tongnai.

PHRWNGMUNG 6:22

Nwng him phuru khe abórok nono lama phunuknai; nwng thu phuru khe nono mwrwknai; tei nwng sicha phuru bórok nwng bai khe kók sanai.

JISAIA 26:12

O Subraiyung nwng chwngno tong kwchang rwnai, chini tangma samungrokno nwng yachak kha.

JISAIA 26:3

nini thani bwkha beranairok, nono kwrak khe poito khlaima bagwi nwng bórokno kwchang kwchang khe tono.

JISAIA 45:7

Ang’-no pohor snamnai tei mwnak khlainai, ang’-no bwkha srang rw-o tei ang’-no bwkha butharo; ang’-no Subraiyung, omorok bebakno khlainaisa.

JISAIA 48:18

Ang muchungo nwng ani dagimarokno khna thung! Hakhe nini khakchangma twima hai wng kha mun; tei nini sói kubui twijlangni twi aphal hai wng kha mun.

JISAIA 48:22

Subraiyung hai hwnwi sa-o, “Borok hamyarokni bagwi mungsa khakchangma kwrwi.”

JIRIMIA 32:16

Ang Neriani bwsajla Barukno kók khlaima bwlái rwma ulo ang Subraiyungni thani hai hwnwi suri kha;

JIRIMIA 33:6

Nai di ang bórokno sak kaham kwrwng khe tei bórokni hamyano ham rwnai, kwbángma hamchamungno phunuknai tei kirina kwrwi khe tong kwchang khlainai.

LEKHAMUNG 6:26

Subraiyungni mwkhang nini saka-o kuchuk wng thung tei nono khakchang rw thung.”

LUK SWIMANI KOTHOMA KAHAM 1:79

mwnakma tei thwinani lama mwnakjago tongnairokno thwinani lama mwnakjago tongnairokno bo a sal bai pohor khlai hor anw.”

LUK SWIMANI KOTHOMA KAHAM 2:14

“Chuknohani kuchugo Kaitor lobjak thung! O swngcharo bo hamjakma bororok ham thung!”

JOHON 14:27

“Ang norokno khá kwchang rwui klangnai, ang khá kwchangma hai ang norokno khá kwchang rwnai. O swngchar khá kwchang rwma hai khe ang norokno rw glak. Norok ta uana di, tabo ta kiri di.

JOHON 16:33

Ang bai thansa khe tongwi norok khá kwchang thung hwnwi ang o kók sa-o. O swngchar norokno sátoknai, hai phano khá rak di. Ang o swngcharno mechen kha!”

RUMSONGNO POL SWIHORMANI 1:7

Hakhe Kaitor bai hamjagwi bini borok wngna bagwi ringjaknai, norok Rumo tongnai bebakni thani ang swihoro. Chini Apha Kaitor bai Subrai Jisu Khristo norokno khairok thung, norokno khá kwchang rw thung.

RUMSONGNO POL SWIHORMANI 14:17

Kaitorni ha wng kha abo chá lainani kók buya, nung lainani kók buya; abo wng kha Phola Kwthar bai kaham khe tongnani, khe kwchang khe tongnani, phiya tongthoknani kók se.

RUMSONGNO POL SWIHORMANI 15:13

Phola Kwtharni phan bai norok kwbángma khatungna tẃi khe norok Kaitorno poito khlaima bai khatung rwnai Kaitor norokno tongthok rw súk thung, khá kwchang rw súk thung.

RUMSONGNO POL SWIHORMANI 5:1

Tabuk poito khlaima bising tẃi chwng Kaitor bai kaham hwnwi romjak kha ba chwng chini Subrai Jisu Khristo tẃi Kaitor bai kwthaui man kha.

RUMSONGNO POL SWIHORMANI 8:6

Sakni muchungma kókno uansukmani abo thwinani lama se, Pholani kókno uansukmani abo mwbo mwthangnai, khábo kwchang rwnai se.

2 KORINTH 10:5

Kaitorno sini rw ya khlaiwi rwna bagwi bororok kung chugui joto bera dummano chwng swbai rw-o. Chwng bebak uansukmarokno khaui Khristoni kók khna rw-o.

2 KORINTH 13:11

Takhukrok, hakhe kak lai kha ta. Norok rak sukna nai lai di, ang hwnmano khna lai di, kók tháisa wng lai di, kwchang kwchang khe tong lai di. Hakhe chwngno hamjaknai tei khá kwchang rwnai Kaitor norok bai tongnai.

GALATIA 5:22

Phola khe borokno hamjak rw-o, tongthok rw-o, khá kwchang rw-o, hama lok rw-o, khairok rw-o, Phola bai se borok kaham wngo, kók khnanai wngo,

EPIS 3:19

Au, bo chwngno hamjakmani abono norok saui man thung abono saui man súk ya phano; hakhe Kaitorni bebak tongmung norokni bisingo kupulung wngnai.

PHILIPI 1:1

Khristo Jisuni seleng Pol bai Timothi omono swihoro. Khristo Jisu bai thansa wngnairok Philipi-o tongnai Kaitorni bebak bororokno tei mothani bokhorokrok bai samung khlainairokno omono swihoro.

PHILIPI 1:2

Chini Apha Kaitor bai Subrai Jisu Khristo norokno khairok thung, norokno khá kwchang rw thung.

PHILIPI 4:19

Hakhe ani Kaitor Khristo Jisuni bising tẃi belai gwnang wngma tẃi bo norokni nangma jora tẃi rwnai.

PHILIPI 4:21

Khristo Jisuni borok wngwi bebak Kaitorni bororokni thani ang khápang rohoro. Oro ang bai baksa tongnai takhukrokbo norokno khápang rohoro.

PHILIPI 4:9

Ang sa thanibo, ang samung khlai thanibo norok rwngwi manmano samungo phnang di. Hakhe chwngno khá kwchang rwnai Kaitor norok bai tong anw.

KOLOSAI 3:15

Khristo khá kwchang rwmani abo norokni bwkha bisingo kotor wngwi tong thung; tamni hwn ba omo hai kwchangwi tongna bagwi’-no norokno bwsak kaisa wngna hwnwi Kaitor norokno ringo. Hakhe hambai rw di.

2 THESALONIKI 3:16

Chwngno khá kwchang rwnai Subrai norokno bebago’-no khá kwchang rw máng tong thung. Subrai norok bebak bai tong thung.

HIBRU 13:20

Chini Subrai Jisuno Kaitor kwthwini mwthangwi tisa kha, bo thwima bai se Mera Mwrwknai Kotor wng kha, bo thwima bai se mol brúm brúmni swmai tangjago.

JUDA 1:1

Ang Jisu Khristoni seleng, Jakobni takhuk Juda omono swihoro. Ang Kaitor bai ringjaknairokno omono swihoro, bórok Apha Kaitor bai hamjago, Jisu Khristo bai narwgwi tonjago.

PHUNUKJAKMANI 1:4

Ang Johon Asia angkorni motha kaisnini thani omono swihoro Phaina hwnnai a Kaitor norokno khairok thung, khá kwchang rw thung, bo tabukbo tongo, agibo tongo. Bini achukthayungni bwskango tongnai phola kaisni tei Jisu Khristo norokno khairok thung, khá kwchang rw thung. Jisu Khristo wng kha Kaitorni bagwi kaham khe kók sanai, bo se puila mwthangwi tisajak granai, bo se swngcharni bugrarokni bokhorok. Bo chwngno hamjago, bini thẃi bai bo chwngno chini sumsokni yakni phiyók kha,

PHUNUKJAKMANI 2:17

“Khunju tong khe ba Phola motharokno samano khna di. “Kwplai wngnairokno ang khatiui tonmani mannano rwnai. Ang bórok jotono’-no holong kuphurbo tháisa tháisa rwnai, aro mung kwtal swijak tongo, abono mannai borok simi se saui mano, tei khoroksa phano man ya.”