PHILIPI 4:6 - Kok Borok (Re-edited) Bible (BSI)

⁶ Mungsani bagwi phano ta uana di, tamo khe norok bebago’-no suri sanwi hambai rwui nangma manwino Kaitorni thani san di.

PHILIPI 4:6 Iomraidhean Croise

1 HABUGRA 8:28

Subraiyung o ani Kaitor, ang nini seleng. Ani surimano khna ja di, ang nono tini koiwi samano rw ja di.

2 BOSONG 32:20

Hakhe habugra Hejekia tei Amojni bwsla diyari Jisaia Kaitorni thani suriui chubachu san lai kha.

LOBMUNG 51:15

O Subraiyung, búkhúk kiyok rw di, hakhe ang nono lobwi mannai.

LOBMUNG 55:17

Sanja-o, phung aidrobo tei diboro ang kengaiwi sannai tei ani khorangno khnanai.

LOBMUNG 55:22

Nini pojano Subraiyungno yaphar di, hakhe bo nono darok rwi tonnai; bo uáisa phano borok kahamno ninangna rw glak.

LOBMUNG 62:8

O bororok, sal brúm brúmno bono poito khlai tong di; nini bwkhano bini thani khukhlawi rw di; Kaitor se chini katijaknai nok kwrak. Sela

PHRWNGMUNG 15:8

Borok hamyarok ratharwi barokmano Subraiyung selengjago, phiya, borok kahamrok surimano khe bwkha phurjago.

PHRWNGMUNG 16:3

Nini samungno Subraiyungni yago yaphar di, hakhe nini chapmarok samung chanai.

RWCHAPMUNG 2:14

O ani tokthu, nwng halapni holong kekhokni besero huijagwi tongo; nini mwkhang ano phunuk di, tei nini khorang ano khna rw di. Tamni hwn ba nini mwkhang naithok tei khorangbo khnathok.

JIRIMIA 32:16

Ang Neriani bwsajla Barukno kók khlaima bwlái rwma ulo ang Subraiyungni thani hai hwnwi suri kha;

JIRIMIA 33:3

ano ring di hakhe ang uphilwi sa anw tei nwng saui man ya, abo hai kotor tei huijak manwirokno ang nono sa anw.

DANIEL 3:16

Sadrak, Mesak tei Abednego habugrano hai hwnwi sa kha, “Chwng omoni bagwi nono mungsa sana nang ya.

DANIEL 6:10

Raida kariui habugra mung swi rwui rohor kha hwnwi Daniel saui man khe bo bini nok sakani khotolo Jerusalem bwkhak naharjak tailam phiyokjago tháng kha; hakhe swkango khlai tẃi khe salo uáitham yáskú sungwi Kaitorni thani suriui hambai rw kha.

MATHAI 10:19

Norok buj thumjak phuru tamono sanai bahai khe sanai abono ta uana di; aphuru norok tamo sanai abo norokno saui rwjak anw.

MATHAI 13:22

Baksa ba a kókno khna-o, tamo khe bórok swngcharni kók uansugo, rang-ríno mokol chẃngo, abo bai’-no a kók koboljagwi thángo, hakhe bwthái thái ya wngo. Omo tẃi bororok’-no busulwngo klainai maichlwi hai.

MATHAI 6:34

Aboni bagwino khwnani bagwi ta uana di, khwnani khwna uansukjak anw. Tini tangmani tinini wngo.”

MATHAI 6:8

Bórok hai ta wng di; norok san ya sini’-no norokni tamo nang nang ya abo norokni Pha saui mano.

LUK SWIMANI KOTHOMA KAHAM 10:41

Subrai hai hwnwi bono sa kha, “Martha, khna di. Nwng samungo máng khorok mihimwi tekto manjagwi tongo;

LUK SWIMANI KOTHOMA KAHAM 12:22

Bini sagrirokno Jisu aphuru hai hwnwi sa kha, “Aboni bagwino ang norokno o kók sa-o, tamono cháui thangnai hwnwi ta uana di, tamono kannai tamono chumnai hwnwibo ta uana di.

LUK SWIMANI KOTHOMA KAHAM 12:29

Aboni bagwino tamono chánai, tamono nungnai hwnwi uanaui khá ta yok di.

LUK SWIMANI KOTHOMA KAHAM 18:1

Bórok khá bái yaui suri san máng tong thung hwnwi Jisu aphuru bórokno phrwngna bagwi o rwngthoma sa kha.

LUK SWIMANI KOTHOMA KAHAM 18:7

Hakhe tabuk, Kaitorni thani hopung sapung chuba di hwnwi koi máng tongnai bini a bororokni bagwi Kaitor samung khlai glak diba? Bo omono khlainani le da lerno?

1 KORINTH 7:21

Nwng seleng khatiui tong phuru da Kaitor nono ring? Hai phano mungsa ta uansuk di, tamo khe nwng seleng khatimani yóknani lama man khe yók di.

1 KORINTH 7:32

Norok uana yaui tong thung hwnwi ang nai-o. Káijak ya borok bo Subraini samungni kók uansugo, tamni hwn ba bo Subrai bai hamjakna nai-o.

EPIS 5:20

Bebakni bagwino Apha Kaitorno chini Subrai Jisu Khristoni mungwi hambai rw máng tong di.

EPIS 6:18

Kaitorno chuba di hwnwi suri sanwi omorokno khlai di. Phola norokno khlai rw tẃi’-no bebago’-no suri san di. Abo hai wngna tẃi khe norok sichaui tong di, ta yakar di; Kaitorni bebak bororokni bagwi suri san máng tong di.

KOLOSAI 3:15

Khristo khá kwchang rwmani abo norokni bwkha bisingo kotor wngwi tong thung; tamni hwn ba omo hai kwchangwi tongna bagwi’-no norokno bwsak kaisa wngna hwnwi Kaitor norokno ringo. Hakhe hambai rw di.

KOLOSAI 3:17

Norok Khristoni bising tẃi Apha Kaitorno hambai rw twtwi norok joto khlaimani abo Khristoni mungwi khlai di, joto samani abo Khristoni mungwi sa di.

KOLOSAI 4:2

Suri san máng tong di, hakhe suri san phuru hambai rw twtwi sichaui tong di.

1 TIMOTHI 2:1

Hakhe ang swkang’-no hai hwnwi sa ja-o, norok bebak bororokni bagwi Kaitorni thani sabo sa di, sabo san di, kobo koi di, hambaibo rw di;

1 TIMOTHI 5:5

Khoroksa bai phano naijak ya abo tẃi sói randijwk hwn khe bo Kaitorno khá beraui hor sal chuba di hwnwi suri san máng tongo.

1 PITOR 4:7

Bebak’-no páina nai kha. Norok suri sanna bagwi sak soi di, sichaui tong di.

1 PITOR 5:7

Norok bebak uanamarokno bini thani yakarwi rw di, tamni hwn ba bo norokno khá súgo.

1 SAMUEL 1:15

Phiya ba Hanna hai hwnwi sa kha, “I’nhi, bubagra ang arak kephek ya, ang belai’-no tekto nangjak bwrwija se; ang suri twtwi Subraiyungni thani bwkhani kók se saui tongo.

1 SAMUEL 30:6

Phiya Daud kirimasingcha-o klai kha, tamni hwn ba lukurok bwsa-bẃtẃirok kwmajak baima bagwi bono holong khitarwi butharnani sa lai kha. Tamo khe Daud sakno bini Subraiyung Kaitorni thani rak rwui tong kha.

1 SAMUEL 7:12

Hakhe Samuel kaisa holong naui Mijpa bai Jesanani kwcharo káiwi abono “Ebenejer” hwnwi mung phar kha, tamni hwn ba “Bebago Subraiyung chwngno chuba kha.”