PHILIPI 4:5 - Kok Borok (Re-edited) Bible (BSI)

⁵ Bebak baino hama logwi tong di. Subrai dakti’-no phainai.

PHILIPI 4:5 Iomraidhean Croise

MATHAI 6:25

“Aboni bagwino ang norokno o kók sa-o, tamono cháui nungwi thangnai hwnwi ta uana di, phiya tamono kannai, tamono chumnai hwnwibo ta uana di. Chámungni slái langma tor kuk ya diba? Phiya rí-chumni slái bwsak tor kuk ya diba?

MATHAI 6:34

Aboni bagwino khwnani bagwi ta uana di, khwnani khwna uansukjak anw. Tini tangmani tinini wngo.”

LUK SWIMANI KOTHOMA KAHAM 21:34

“Chána-nungna, chuak-maikham, swngcharni uanama-uansukma norokno kolobwi man ya tẃi norok hus khe tong di. Wng ya khe norokni thani a sal achomsa phano phaina tongo.

1 KORINTH 16:22

Subrai Jisu Khristono hamjak ya borok bo swraijak thung. Marana tha — O chini Subrai, phai ja di!

1 KORINTH 6:7

Norok kiching norok kes khlai laimani abo norokni cha ya hwnwi sijago. Aboni slái hamya khlaijagwi tongmani abo ham kuk ya diba? Aboni slái khokjagwi tongmani abo ham kuk ya diba?

1 KORINTH 8:13

Hakhe tabuk, ang cháma bai ani takhukno sumsogo khiklai khe hakhe ang takhukno sumsogo khiklai ya tẃi khe tei muihan chá phlai glak.

1 KORINTH 9:25

Joto batainai kaham khe ma swrwngo; bo dakti’-no hamya wngnai budukni rapjak motok manna bagwi se omo hai tongo, chwng khe tei hamya wng phlai ya motok manna bagwi se.

2 KORINTH 10:1

Ang Pol sakphang’-no norokno sa ja-o, ang norok bai tong phuru khe kwchang kwchang tongnai hwnjago, norok bai hakchalo tong phuru khe kutuknai hwnjago, Khristo kwchang kwchang khe tongma bai, Khristo khairokma bai ang norokno sa ja-o:

2 THESALONIKI 2:2

Subraini Sal phaiwi se tháng kha bla hwnwi sama bai aswk dakti bwkha udru mudru ta wng di, khá ta bái di. Kók diyari sa phuru eba motha-o kók sa phuru o kók sajak khna. Chwng o kók swi kha hwnwi khoroksa swk sa khna.

TITNO POL SWI HORMANI 3:2

Khoroksano phano hamya ta sa di hwn di, ta uálai di hwn di, phiya kwtha laiwi bebak bororok bai kwchang kwchang khe tong di hwn di.

HIBRU 10:25

Baksa baksa thansa khe kuthum laima yakar kha, phai di, chwng abo hai ta wng di. Abo wng yaui phai di, chwng kiching chwngno bwkha rak rw lai anw, Subraini sal samphaui phai rwrwkmanobo nugwi tong baima ba teibo kaham khe rak rw lai anw.

HIBRU 10:37

Tamni hwn ba elembago hai hwnwi sama hai, “Katswi srapsa hwn khe’-no a phainai hwnmani borok bo phai anw, bo ler glak.

1 PITOR 1:11

Khristo ma sátokjaknai, ulo khe chẃngsacha khlaijaknai hwnwi bórok sa phuru abo bu phuru bahai khe wngno hwnwi bórok bórokni bisingo tongnai Khristoni Phola bai naichom lai kha.

1 PITOR 4:7

Bebak’-no páina nai kha. Norok suri sanna bagwi sak soi di, sichaui tong di.

PHUNUKJAKMANI 22:20

O kókrok bebak’-no kubui se hwnwi sanai bo hai hwnwi sa-o, “Kubui’-no, ang dakti’-no phainai!” Amen. Subrai Jisu nwng phai di!

PHUNUKJAKMANI 22:7

Jisu hai hwnwi sa-o, “Khna di, ang dakti’-no phainai. O bijapni kók diyarirokno rákhoknairok bórok hamchajak!”