PHILIPI 4:3 - Kok Borok (Re-edited) Bible (BSI)

³ Ani logisong kaham, ang nai-o nwngbo a bwrwirokno chuba di, tamni hwn khe Langma Bijabo mung tisajaknai Klemen, phiya ang bai baksa tei samung khlainairok bai bórokbo belai khe samung khlai kha.

PHILIPI 4:3 Iomraidhean Croise

LOBMUNG 69:28

Bórok kwthangrokni bijapni hujagwi pái thung; borok kahamrok bai baksa bórokni mung ta tisajak thung.

LAM RWMA 32:32

Hai phano bórokni sumsokno nakar ja di; phiya nwng lon ya hwn khe nwng bumung swimani bijapni ani bumungno hu-ui khibi di.”

JISAIA 4:3

Siyono karwi klangjaknairok tei Jerusalemo tong rwknairok, kwthang tongwi Jerusalemo bumung tisajaknairok, bórok kwthar hwnwi ringjaknai.

ESEKIEL 13:9

Tatal khe nuknai tei tatal khe Kaitorni kók sanai diyarirokno ang kebengnai. Bórok ani bororokni kuthum laima-o ma tong glak tei bórokni mungrokno, Israil bororokni bisingo bórokni mung swijak glak tei Israil ha-o bo habwi man glak, hakhe ang se Subraiyung Kaitor hwnwi norok saui mannai.

DANIEL 12:1

“A jora-o suari nini borokno mwrwknai. Suari bokhorok Mikail bachanai. A jora-o urumuru wngnai dopha khamani ulo ha saka-o abo hai uáisa phano wng ya kho, phiya ba a jora-o bijabo bumung swijak tong khe a bororok phiyókjak bainai.

LUK SWIMANI KOTHOMA KAHAM 10:20

Hai phano mwtai hamyarok norokni kók ma khna kha hwnwi ta tongthok di; tamo khe chuknoha-o norokni mung swijak kha hwnwi se tongthok di.”

RUMSONGNO POL SWIHORMANI 12:1

Abo baino takhukrok, Kaitor chwngno belai khe maya cháui tongma bai ang norokno o kók sa ja-o: Kaitorni thani pun tok ratharwi yapharma hai norok kwthangwi’-no sakno Kaitorni thani yaphar di, bini yago yapharjakna tẃi khe, phiya bo bai hamjakna tẃi khe sakno yaphar di. Omo se sóini surimung, omo hai khe se norok suri thai.

RUMSONGNO POL SWIHORMANI 16:12

Subraini samung khlainai Truphaina bai Truphosano khápang rohoro, Subraini bagwi belai samung khlainai ani khájani Persinobo khápang rohoro.

RUMSONGNO POL SWIHORMANI 16:9

Khristoni samungo chini logisong Urban bai ani khájani Stakuno khápang rohoro.

PHILIPI 1:12

Takhukrok, norokno ang saui man rwna muchungo, ang manjakmarok abo bai Kothoma Kaham teibo se pírjak si-o.

PHILIPI 1:16

Bórok hamjagwi se píro, tamni hwn khe Kaitor ano Kothoma Kaham narwknani samungno ber kha abo bórok saui mano.

PHILIPI 1:27

Tabuk, Khristoni Kothoma Kaham naima hai norok tongna nangnai, hakhe ang norokno nainani thángwi man thung man ya thung, norok mungsano tẃiwi kwrak khe bacha lai-o, phiya khá baksa khe thansa wngwi Kothoma Kahamni kókno tẃiwi nang laiwi tongo hwnwi ang khna anw.

PHILIPI 1:7

Ang norokno muitu man máng tongo, hakhe norokni kókno ang omo hai kheno uansuk thai tongo. Kaitor ano khairogwi bermani o samungo norokbo ang bai baksa tongo tabuk ang alongo tong phurubo norok ang bai baksa tongo, Kothoma Kahamno narwgwi songcha phurubo norok ang bai baksa tongo.

PHILIPI 4:2

Udai bai Suntuki, ang norokno koi ja-o, Subraini bising tẃi kwtha lai di.

KOLOSAI 1:7

Chwng bai baksa seleng khatinai chini khájani Epaphrani thani norok omono saui man kha, chini wngwi bo kaham khe Khristoni samung khlainai borok.

PHUNUKJAKMANI 13:8

Swngcharo tongnai bebak bororok bono khulumnai, kók khe hai, o swngchar snamjak ya sini’-no butharjaknai Mera bwsani Langma bijabo mung tisajak yarok bono khulumnai.

PHUNUKJAKMANI 17:8

Nwng nukmani a yabrwi bo agi kwthang tongmani, tabuk kwrwi kha; bo hakhorni ongkhorwi phaina nai kha, hakhe sokomorjakna bagwi thángnai. Swngcharo tongnairokni bere swngchar snamjak ya sini Langma bijabo mung tisajak yarok a yabrwino nugwi uanajaknai. Bo agi kwthang tongo; tabuk kwrwi kha, hai phano bo nukjak phinai.

PHUNUKJAKMANI 20:12

Ang achukthayungni bwskango kwthwirokno, tamo kusu tamo kotor, jotono’-no Kaitorni bwskango bachajak nuk kha. Bijaprok pheheljak kha, ulo tei kangsa bijapbo pheheljak kha, abo wng kha Langma Bijap. Kwthwirok bórok samung khlaima tẃi’-no buj thumjak kha, bijaprogo swijak tongma tẃi’-no buj thumjak kha.

PHUNUKJAKMANI 20:15

Langma Bijabo bumung kwrwirok bórok hórni liko khiklaiwi rwjak kha.

PHUNUKJAKMANI 21:27

Hai phano mungsa hamya phano a tauno sitokjak glak, selengmasingcha samung khlainairok eba khe tatal sanairok khoroksa phano aro ma hap glak. Mera bwsani Langma Bijabo mung tisajakrok simi se aro ma hapnai.

PHUNUKJAKMANI 3:5

Kwplai wngnairok abo hai rí kuphur kan rwjaknai, ang bórokni mungno Langma Bijapni hu-ui khibi glak, ani Aphani bwskango tei bini suarirokni bwskango bórok ani borok se hwnwi gosinai.