PHILIPI 4:12 - Kok Borok (Re-edited) Bible (BSI)

¹² Biyalo klai khe bahai tamo abo ang saui mano, gwnang khe bahai tamo abobo saui mano. Je thani phano je phuru phano, ang ok kupulung phano wng thung, ok bukcha phano wng thung, belai kwbáng phano tong thung, belai kisa phano tong thung, ang khá kochomwi tongna srwng kha.

PHILIPI 4:12 Iomraidhean Croise

NEHEMIA 9:20

Nini bwkha kaham bai bórokno phrwngwi rw kha; bórokno ok kochom rwui chánani manna, nungnani twi rw kha.

JISAIA 8:11

Tamni hwn khe Subraiyung ano yak kwrak bai khe hai hwnwi sa kha tei ano phrwngwi sa kha, ang o bororok samani lama tẃi himthai kwrwi,

JIRIMIA 31:19

Phiya lama koróma ulo, ang bwkha kiphilwi phai kha; ang phrwngjakmani yagulo ani yaphungo bú kha; ang lachimasingcha wng kha tei cha ya manjak kha, tamni hwn khe sikla jorani mung hamyarok ang ma ruju kha.”

MATHAI 11:29

Norok ani jual tisaui bal di, ani thani srwng di, tamni hwn khe ang borok kwbo kwchang, kobo koinene hakhe norok lenglaui man anw.

MATHAI 13:52

Hakhe bo hai hwnwi sa kha, “Kók khe hai, Kaitorni hani sagri wngnai joto Kerong phrwngnai bo manwi kwtal bai kwchamno gulani tikhlainai nokphang hai se.”

2 KORINTH 10:1

Ang Pol sakphang’-no norokno sa ja-o, ang norok bai tong phuru khe kwchang kwchang tongnai hwnjago, norok bai hakchalo tong phuru khe kutuknai hwnjago, Khristo kwchang kwchang khe tongma bai, Khristo khairokma bai ang norokno sa ja-o:

2 KORINTH 10:10

Khoroksa swk hai hwnwi sa anw, “Pol swihor phuru khe kók kwrak kwrak swi-o, chwng bai tong phuru khe bo kebel se, bini kókrokbo mungsa samung nang ya!”

2 KORINTH 11:27

Ang kolomtwi khiklaiwi samungbo ma tang kha, ang thu yauibo kwbángma ma tong kha, ok khuibo ma tong kha, twi kangwibo ma tong kha; ang ok pung yauibo kwbángma ma tong kha, rí kwrwini bai kwchangwibo ma tong kha.

2 KORINTH 11:7

Ang norokni thani Kaitorni Kothoma Kaham pír phuru mungsa nai yaui pír kha; norokno tor rwna bagwi ang sakno kusu khlai kha. Ang abo cha ya da khlai lang?

2 KORINTH 11:9

Ang norok bai tong phuru ani rangni samung nang phurubo ang khoroksano phano tekto rw ya, Makidoniani phainai takhukrok se ani nangma jora tẃi rwui tongo. Ang swkangobo norokni poja wng li ya, ulobo wng glak!

UÁINWINI SA PHIMA 32:10

“Bo bono hasing hapharni haphar tei nokbar sibchaui tongjak bukcha khibijak hani manbu kha; Bo bono kati rwui ton kha, tei naikini khlaiwi ton kha; bini mokolni kosomno kati rwui ton tẃi khe kati rwui ton kha.