PHILIPI 4:1 - Kok Borok (Re-edited) Bible (BSI)

¹ Hakhe takhukrok norok bwswk se ani khájani gwja! Ang norokno bwswk se khá thángwi tong! Norok ano bwswk se tongthok rw! Norokno tẃiwi ang bwswk se kung chuk! Khájani takhukrok, Subrai bai tongwi omo hai khe kwrak khe bachaui tong di.

PHILIPI 4:1 Iomraidhean Croise

JOBNI BIJAP 31:36

Kubui’-no ang abono phairukungo bogwi nanai; ang motok hai khe khaui nanai;

LOBMUNG 125:1

Subraiyungno bwkha beranairok bórok Siyon hathái hai, abo ahai’-no ninang ya, mol brúm se tong phlainai.

LOBMUNG 27:14

Subraiyungno naisingwi tong di; kwrak wng di, tei bwkha ragwi nwng Subraiyungno naisingwi tong di! Ang hwno Subraiyungno naising di. Daudni rwchapmung

MATHAI 10:22

Ani bagwi bebak borok norokno naisler anw, tamo khe soiwi man suknai borok bo se mwthangjaknai.

JOHON 8:31

Aboni bagwino bono poito khlainai Judairokno Jisu hai hwnwi sa kha, “Ang sama hai norok tong khe hai khe se norok sói’-no ani sagri.

SAMUNG 11:23

Bo aro sógwi Kaitor aswk kaham khlaimano nugwi tongthokjak kha, hakhe “Norok jotono khá rw súgwi Subraini thani kaham khe kwrak khe tong di,” hwnwi hwn kha.

SAMUNG 14:22

Bórok poito khlainairokno rak rwui poito kwrak khe tongna bagwi khápang srang rw kha. “Aswk tektoni bising tẃi chwng Kaitorni ha-o ma habwinai,” hwnwi bórok sa kha.

SAMUNG 2:42

Bórok chonghorrokni thani srwngma bai, thansa wngma bai, pal chá laima bai tei suri sanma bai khe tong lai kha.

RUMSONGNO POL SWIHORMANI 2:7

Baksa bororok samung kaham khlaiwi tongo, hakhe mwkhang chẃng rwjakna nai-o, kotor khlaijakna nai-o, kwthang tong phlaina nai-o, omo tẃi bororokno Kaitor mwthang phlainai.

1 KORINTH 15:58

Aboni bagwi khájani takhukrok, sói kwrak khe tong di. Norok Subraini mungwi yak thak ya khe samung khlaiwi tong di, tamni hwn ba norok saui mano Subraini mungwi samung khlaimani abo norok yak bukcha khlaijak glak.

1 KORINTH 16:13

Sichaui tong di, poito kwrak khe tong di, khá tor di, kwrak wng di.

GALATIA 5:1

Chwng phiyókjak kha, Khristo chwngno phiyók kha! Phiyókjak borok hai khe tong di, haino hai seleng ta wng phi di.

PHILIPI 1:27

Tabuk, Khristoni Kothoma Kaham naima hai norok tongna nangnai, hakhe ang norokno nainani thángwi man thung man ya thung, norok mungsano tẃiwi kwrak khe bacha lai-o, phiya khá baksa khe thansa wngwi Kothoma Kahamni kókno tẃiwi nang laiwi tongo hwnwi ang khna anw.

PHILIPI 1:8

Norok bebak’-no ang khá sukmani abo Khristo Jisuni aroni ongkhorwi phaima se hwnwi sa khe o kók kubuino abo Kaitor saui mano.

PHILIPI 2:26

Bo norok bebakno khá thángjagwi tong kha, phiya bo hamya hwnwi norok khnamani bai bo belai uanajagwi tong kha.

KOLOSAI 4:12

Norokni borok Khristoni seleng Epaphrabo norokno khápang rohoro. Norok bebago’-no Kaitor naima haino tongwi manna tẃi khe Kaitor norokno kwrak khe bacha rw thung, poito rak rw thung, khá hap rw thung hwnwi bo Kaitorno sa saui sal brúm brúm suri sanwi tongo.

1 THESALONIKI 3:13

Omo hai khe’-no bo norokni bwkhano rak rwnai, hakhe chini Subrai Jisu bini bebak bororok bai phai phuru norok chini Kaitorni bwskango majra kwrwi tei kwthar wngnai.

2 THESALONIKI 2:15

Hakhe takhukrok, kwrak khe bachaui tong di, hakhe chwng kók sama baibo swima baibo norokno phrwngmani a kubuino romwi tong di.

2 TIMOTHI 2:1

Hakhe ani sajla, nwng Khristo Jisu bai thansa wngma tẃi khairokjakma bai kwrak khe tong di.

HIBRU 10:23

Phai di, chwng khatungwi sa laimano kwrak khe romwi tong lai anw, tamni hwn khe Kaitor bini kók narwknai hwnwi chwng khá beraui tongwi mano.

HIBRU 3:14

Tamni hwn ba tumungno chwng puila-o kwrak khe poito khlaimani rom súgwi tong khe hakhe chwng bebak’-no Khristoni sak chalai.

HIBRU 4:14

Hakhe phai di, chwng poito khlaimani abo kwrak khe rom lai anw. Tamni hwn ba katswi Kaitorni bwskango thángnai ochai bokhorok chwng man kha, abo wng kha ochai kotor Kaitorni Sajla Jisu.

2 PITOR 3:17

Khájani takhukrok, norok omono saui manjak. Hakhe kók khna ya bororokni cha ya bai lama koró rwjak yaui norok kwrak khe tongmani aroni khiklaijak ya tẃi khe hus khe tong di.