PHILIPI 3:8 - Kok Borok (Re-edited) Bible (BSI)

^8-9 Abórok simi ya, bebakni slái teibo belai kaham ani Subrai Khristo Jisuno saui manna bagwi ang joto manwi’-no kwma súk kha hwnwi tong kha. Bini bagwi ang joto manwino khibi kha; ang Khristono manna tẃi khe, phiya bo bai thansa wng súgwi manna tẃi khe abórok bebakno laisrwi bosrwi hwnwi khá romwi tong kha. Kerong rákhokma bai kaham wng kha ang abo tẃi buya. Khristono poito khlaima bising tẃi ang tabuk kaham hwnjak kha, omo Kaitorni aroni phaima se, phiya omoni yaphango hwn khe poito se.

PHILIPI 3:8 Iomraidhean Croise

1 HABUGRA 14:10

Aboni bagwi ang nini bosongrokni saka-o urumuru phnangnai tei Israilni Jeroboam bosongni chwla bwsa tamo chwrai tamo kotor, khajak tei yókjak bebak’-no buthar bainai. Ang Jeroboamni núkhungno narwk glak; bórokno khi hai khe pái rw súgwi khibiui rohornai.

2 HABUGRA 9:37

tei chá bai ya tong rwkmano Jejril hapharo khi hai khe klaiwi tongnai, hakhe khoroksa phano omo Jesebel hwnwi siniui man glak.”

JOBNI BIJAP 20:7

bini sakni bikhi kwma tẃi khe bo kwmanai; bono nuknairok ‘Bórok biyang tháng kha’ hwnwi sa lainai.

LOBMUNG 126:6

Kap twtwi bwchlwi kaina ongkhorwi thángnairok bórok tongthogwi rwchap twtwi bini mai mothano tubu-ui pha se phainai. Kaitorni kahamno lobwi

LOBMUNG 73:25

Nono karwi chuknoha-o ani tei tamo tong? Tei o ha saka-o nono karwi mungsano phano ang manna muchung ya.

JISAIA 53:11

Bo bini langmani lengmano nuknai tei bwkha kochom anw; ani kwthar seleng bini simung bai kwbángma borokno bujsói man rw anw, tamni hwn khe bo bórokni bebak sumsokrokno horwi tlangnai.

MALAKI 2:3

Ang norokni bwsarokno sátoknai tei norokni ratharwi yapharmani a yabrwini bikhino norokni mwkhango silnai tei ang norokno ani bwskangni nornai.

LEKHAMUNG 14:30

ang swmai tangwi norokno hano rwnai hwnmani-o Jephuneni bwsla Kaleb bai Nunni bwsla Josua o khoroknwino karwi tei khoroksa phano aro habwi man glak.

LUK SWIMANI KOTHOMA KAHAM 1:43

Ang le sabo, ani Subraini buma se ano naina ma phai kha?

LUK SWIMANI KOTHOMA KAHAM 11:20

Ahai ya, ang Kaitorni phan bai se mwtai hamya rwkhlai-o abo’-no Kaitorni ha norokni thani sók phai kha hwnwi sijak rw-o.

JOHON 14:20

A salo ang Aphani bisingo tongo hwnwi norok saui mannai, phiya ang norokni bisingo tongma hai norok ani bisingo tongo hwnwi saui mannai.

JOHON 14:7

Norok ano sini kha ba Aphanobo sini anw. Tabukni simi norok bono sibo sini kha, nubo nuk kha.”

JOHON 16:3

Bórok Aphanobo siniui man ya, Anobo siniui man yani bagwi se norokno omo tẃirok khlai anw.

JOHON 17:3

Nwng simi se kubuini Kaitor, hakhe nono sinimani, phiya nwng rohormani Jisu Khristono sinimani abo se borokno mwthang phlainai.

JOHON 17:8

Nwng ano samani kókno ang bórokno sa kha, bórokbo abono khna kha. Ang nini aroni phaimani se hwnwi bórok saui man súk kha, phiya nwng ano rohoro hwnwi bórok poito khlai kha.

JOHON 20:13

“O bwrwima, nwng tamo wngwi kap?” hwnwi bórok bono sẃng kha. Hakhe bo hai hwnwi sa kha, “Bórok ani Subraino tlang tháng kha, hakhe buro tonwi kha abo ang saui man ya.”

JOHON 20:28

Thoma bono hai hwnwi sa kha, “Ani Subrai, ani Kaitor!”

SAMUNG 20:24

Tamo khe Subrai Jisu ano khlai di hwnwi rwmani a samungno khlai baina bagwi ang thwinano dóro hwnwi khá ka ya; ani a samung wng kha Kaitor khairokmani Kothoma Kaham sanani.

RUMSONGNO POL SWIHORMANI 8:18

Ang saui mano chwng tabukni o molo sátokjakmani omo chini thani phunukjakna hwnmani a chẃngsacha bai thopsa phano suthai kwrwi.

RUMSONGNO POL SWIHORMANI 8:39

nokhani mungsa phano man ya, ha tolanibo mungsa phano man ya chini Subrai Jisu Khristo tẃi Kaitor chwngno hamjakmani yakni chwngno swkagwi mannai bebak sirisiti o mungsa phano kw se kwrwi

1 KORINTH 2:2

Norok bai tong phuru ang Jisu Khristono simi se uansuknai, aboni bere se bo kruso thwimano simi se uansuknai, tei mungsano phano uansuk ya hwnwi ang khá chong kha.

1 KORINTH 9:10

Bo o kók samani abo chwng’-no hwnma klai ya diba? I’n, abo chini bagwi’-no swijago. Al chuainaisa bai mai ranaisa bórok khoroknwino mai man anw hwnwi’-no samung tangthai.

2 KORINTH 4:4

Bórok poito khlai ya, tamni hwn ba o swngcharni mwtai hamya bai bórokni bwkha kobolwi tonjak kha. A mwtai hamya bórokni mokolno nuk ya khlaima bai bórok Kaitorno kosol Khristoni chẃngsachani Kothoma Kaham rwnai pohorno nuk li ya.

2 KORINTH 4:6

Khristoni mwkhango chẃngnai Kaitorni a chẃngsachano saui man rwnai pohor chwngno rwna tẃi khe “Mwnakmani aroni kwchẃng khe pohor chẃng thung,” hwnwi sanai a Kaitor chini bwkhano chẃng rw kha.

EPIS 4:13

Abo baino chwng bebak’-no poito khlai thanibo, Kaitorni Sajlano saui man thanibo thansa wngnai; chwng chakra wngnai, Khristo torma lokma tẃi chwngbo torwi logwi chakra wngnai.

PHILIPI 1:1

Khristo Jisuni seleng Pol bai Timothi omono swihoro. Khristo Jisu bai thansa wngnairok Philipi-o tongnai Kaitorni bebak bororokno tei mothani bokhorokrok bai samung khlainairokno omono swihoro.

PHILIPI 3:10

Ang naima wng kha abo Khristono saui manna bagwi se, bo thangwi bachamani a phanno saui manna bagwi se; bo bai baksa sátokjakna bagwi se, thwi thanibo bo hai wngna bagwi se;

PHILIPI 3:12

Ang omono man bai khe eba ang sói wng súk kha ang abo tẃi sa ya kho. Khristo Jisu mungsani bagwi ano bini borok khlai kha, abono manẃina hwnwi ang khachigwi tongo.

PHILIPI 3:7

Tamo khe ang aswk manmarokno Khristoni bagwi tabuk kwma kha hwnwi tong kha.

2 TIMOTHI 4:6

Pun-tok ratharwi barokjakma hai angbo barokjakna nai tong kha; ang o swngcharni thángnani jora wng kha.

HIBRU 3:14

Tamni hwn ba tumungno chwng puila-o kwrak khe poito khlaimani rom súgwi tong khe hakhe chwng bebak’-no Khristoni sak chalai.

1 PITOR 2:7

Norok poito khlainairokni bagwi o holongthai wng kha belai samung nangnai; poito khlai yarokni bagwi khe: “Nok tangnairok samung nang ya hwnwi khibiui rwmani holongthai abo’-no wng phai kha nok busuni holongthai.”

2 PITOR 1:2

Norok Kaitor bai chini Subrai Jisuno saui manma bising tẃi belai khe khairokjak thung, belai khe khá kwchang rwjak thung.

2 PITOR 1:3

Chwngno bo bai baksa chẃngsacha khlaina bagwi, kotor khlainai bagwi ringnai a borokno saui manma bising tẃi Kaitorno suriui tongna tẃi khe Kaitor bini phankrak bai chwngno bebak nangmano rw kha.

2 PITOR 1:8

Omo tẃi’-no norok wngthai; norok omo hai wng súk khe norok abo bai chini Subrai Jisu Khristono saui manẃi samungo nang yaui tong glak, samungo chúk yaui tong glak.

2 PITOR 3:18

Norok chwngno Mwthangnai Subrai Jisu Khristoni khairokmano teibo si rwrwk di, bono teibo saui man rwrwk di. Tabukni simi mol brúm brúmno bo chẃngsacha wng thung. Amen.

1 JOHON 1:3

Chwng Apha tei bini Sajla Jisu Khristo bai thansa khe tongma hai norokbo chwng bai baksa bórok bai thansa wng thung hwnwi se chwng khnama nukmano noroknobo ma sa-o.

1 JOHON 2:19

Bórok chini oroni ongkhorwi thángo, tamo khe bórok chini bisingni ya; tamni hwn ba bórok chini bisingni wngma te chwng bai’-no tong kha mun. Phiya bórok ongkhorwi thángma bagwi bórok chini bereni ya hwnwi abo srai-srai khlai-o.

1 JOHON 5:20

Chwng saui mano Kaitorni Sajla phai kha, hakhe chwngno sói Kaitorno sinina tẃi khe saui man rw kha. Chwng sói Kaitorni bisingo tongo, bini Sajla Jisu Khristoni bisingo tongo. Bo se sói Kaitor, bo’-no mwthang phlainai.