PHILIPI 3:6 - Kok Borok (Re-edited) Bible (BSI)

⁶ hakhe belai srangma bai ang mothano sátok kha. Kerong rákhogwi kaham wngmani kók hwn khe ani majra kwrwi.

PHILIPI 3:6 Iomraidhean Croise

2 SAMUEL 21:2

Hakhe habugra Gibeonsarokno ring kha; tabuk Gibeonsarok khe Israilni borok ya tamo khe Amorsarok bai karwi klangjaknairok se; phiya Israil bororok bórokno buthar ya hwnwi kók rw laijak phano Sol khe Israil borok bai tei Judarokni bagwi belai khá nangma bai bórokno butharna bagwi naituk kha.

2 HABUGRA 10:16

Jehu hai hwnwi sa kha, “Ang bai baksa phaiwi ang bwswk Subraino hamjak nai phai di.” Hakhe bórok korai malkhungo kasa laiwi Samaria bwkhak tháng lai kha.

PHRWNGNAINI 7:16

Belai kaham ta wng di tei belai sinai hai khe ta phunuk di; nwng tamni sak-sakno sokomornai?

LEBI 13:16

Tumungno bahan kwchak sláijagwi phurwi tháng phi khe, hakhe bo ochaini thani ma phai phinai,

MATHAI 23:25

“Kerong phrwngnairok bai Pharisairok, phatrarok! Norok bwswk se hamya sitra no! Norok lota mairangno saka saka simi hu-o, bisingo khe norok segwi tei khámaiwi manmani manwirok máng se kupulung.

MATHAI 5:20

Ang norokno o kók sa-o, Kerong phrwngnairok bai Pharisairokni slái kaham khe Kaitor naima tẃi tong khe simi se norok Kaitorni ha-o habwi man anw.”

LUK SWIMANI KOTHOMA KAHAM 1:6

Bórok khoroknwi’-no Kaitorni mokolo kaham khe tong lai-o; Subrai khlai di hwnwi dagimani a kerongrokno bórok bebak’-no rákhogwi tong lai-o.

SAMUNG 21:20

Bo samano khnaui bórok bebak’-no Kaitorno lob lai kha. Hakhe bórok Polno hai hwnwi sa kha, “Takhuk, nai di, oro tamo wngwi tong kha. Chisai chisai Judairok poito khlai bai kha, hai phano bórok jotono Kerongni kók jai kheno khna lai-o.

SAMUNG 22:5

Ochai bokhorok bai bebak kaunsil bórok ang saui tongmano kubui hwnwi phunugui man anw. Damaskoso tongnai Judai takhukrokni thani bórok kóktun swimano ang bórokni yakni man kha; hakhe ang o bororokno romwi khaui Jerusalemo tubu-ui sátok phaina bagwi aro tháng kha.”

SAMUNG 26:5

Chini tongtharni jotoni slái gut kwrak Pharisai wngwi ang tongwi phai kha, abo bórok saui manma balokjak se, bórok muchung khe sakki rwui mano.

SAMUNG 8:3

Yang khe Sol mothano sokomornani káphra kha; bo nok brúm brúm thángwi poito khlainairokno bwrwirok bai chwlarok bai sopreui alongo da bai kha.

RUMSONGNO POL SWIHORMANI 7:9

Kerong kwrwino ang salsa kwthang tongmani, phiya kerong dagima sók phai kheno sumsok thang chaui phai kha,

1 KORINTH 10:32

Judairok, buini bororok tei Kaitorni motha kebo tekto nangjak ya tẃi khe tong di.

1 KORINTH 15:9

Ang bebak chonghorrokni slái kusu, Kaitorni mothano sátokma bai ang chonghor suda hwnjakna chúk ya.

PHILIPI 2:15

hai khe se o swngcharni bwkha sitra kók khna ya bororokni bisingo norok majra kwrwi khe kaham wngwi sói Kaitorni bwsa hai wngwi mannai. Norok bórokno mwthangjaknani kók sa twtwi’-no nokha-o athukirirok chẃngma hai bórokni bisingo norok ma se ma chẃngna nangnai. Tumungno norok omo hai wng khe Khristoni Salo omoni jarwi ang kung chugui man anw, tamni hwn khe ang aswk lengwi samung khlaimani abo ahaino tháng li ya omo abono phunuk anw.

BUJ THUMNAIROK 6:30

Hakhe bórok Joasno hai hwnwi sa kha, “Nini nwslano butharnani oro kariui tubu di! Tamni hwn ba bo Bal mwtaini háyáno swbaiwi, aboni gana-o Aserani mangtangno tanwi pái kha.”