PHILIPI 3:5 - Kok Borok (Re-edited) Bible (BSI)

⁵ Nokha salcharni chwrai phuru’-no ang sakur rajak kha. Dopha hwn khe ang Israil, bosong hwn khe Benjamin, thẃi hwn khe sói Hibru thẃi. Kerong rákhokma kók hwn khe ang Pharisai,

PHILIPI 3:5 Iomraidhean Croise

YAPHANG 14:13

Tamo khe borok khoroksa yógwi phaiwi Hibrusa, Abramno bebakno sa phai kha, bo Amorsa Mamresongni Uk buphangrok tongma-o tongo; Mamre tei bini takhuk Eskol bai Anersong khe Abram bai kwthajak.

YAPHANG 17:12

Nini bisingni nokha salcharni borok wng khe’-no sakur ma ranai; nini núkhungo achainai, eba nini bosongni ya tamo khe phatarni nini nogo rang bai paiwi tubujaknai seleng bebak chwla bwsarokno,

YAPHANG 40:15

Nai di, ang Hibrurokni hani romwi tubujakma se tei o Ijip ha-obo ang mungsa phano omo hai khe alongo chopjaknai samung tangma kwrwi.”

YAPHANG 41:12

Aro chwng bai baksa khoroksa Hibru chwla sikla tongmani, bo wng kha a along mwrwknai bokhorokni seleng, chwng bono chini imangni kókrokno sa kha tei chwngno bo abono swbaiwi saui khna rw kha.

JONA 1:9

Jona hai hwnwi sa kha, “Ang Hibrusa se, ang Subraiyungno khulumnaisa se, hakung tei twijlangno snamnaisa chuknohani Kaitor bo se.”

LUK SWIMANI KOTHOMA KAHAM 1:59

Salcharni salo a chwraino sakur rana hwnwi bórok phai bai kha tei buphani bumungno rwksaui bórok bono Sakaria hwnwi mung pharna nai kha.

LUK SWIMANI KOTHOMA KAHAM 2:21

Nokha salcharni ulo sakur rana phuru a chwraino Jisu hwnwi bumung phar kha; ogo wng ya sini’-no suari bono á bumung rwui klang kha.

LUK SWIMANI KOTHOMA KAHAM 5:38

Tamo khe angur bwtwi kwtalno le twk kwtalo’-no tonna nangnai.

SAMUNG 22:3

“Ang Judai se, Kilikiani Tarso o achai-o, phiya o Jerusalemo tor kha lok kha. Ang Gamalielni sagri wngwi chini chuchusongni Kerong kaham khe srwng kha, hakhe tini norok jotono Kaitorno surinani srangma hai’-no angbo srango.

SAMUNG 23:6

Baksa khe Sadukai, baksa ba Pharisai hwnwi saui manẃi Pol kaunsil bisingo sotonwi hai hwnwi sa kha, “O takhukrok, ang Pharisai se, Pharisai bwsa. Kwthwirok thangwi bachanai hwnwi khá tungma bai oro ang buj thumjagwi ma tongo!”

SAMUNG 6:1

Ulo sagrirok bángwi phai rwrwkma bagwi Grik kók sanairok bai Judai kók sanairok uálai lai kha. Kwrwirokni bagwi rang khangmani aroni chini randijwkrokno khagwi tono hwnwi Grik kók sanai Judairok sa lai-o.

RUMSONGNO POL SWIHORMANI 11:1

Hakhe ang hwno: Kaitor bini bororokno nor kha, hai da? I’nhi, hai ya! Ang sak’-no Israilsa, Abraham ani chuchu, ang Benjamin bosongni borok.

2 KORINTH 11:22

Bórok Hibru da? Angbo hai’-no. Bórok Israil da? Angbo hai’-no. Bórok Abrahamni bosong da? Angbo hai’-no.

1 SAMUEL 4:6

Philistiasarok chirik laimano khna khe hai hwnwi sa lai kha, “Hibrurokni bathamo abo tamo wngwi chirik lai?” Bórok Subraiyungni swmai bokhok bathamo sók phai kha hwnwi saui man kha,