PHILIPI 3:3 - Kok Borok (Re-edited) Bible (BSI)

³ Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

PHILIPI 3:3 Iomraidhean Croise

LOBMUNG 105:3

Bini mung kwthar chẃngsa thung; Subraiyungno naituknairokni bwkha tongthok thung.

JISAIA 45:25

Subraiyungni bising tẃi’-no Israilni bebak bosong kwplai tei bini chẃngsacha wng bainai.”

JIRIMIA 4:4

Subraiyungni thani norokni sak sakni bwkhano sap-sutra khlai di, wng ya khe norokni bebak sumsokrokni bagwi ani jolima butharwi man ya hór hai khe khampronai.

JIRIMIA 9:26

Ijip, Juda, Idom, Ammonni bwsarok, Moabno tei hasing hapharo tongnairok bokhorokni babainwini khwnaino ranairokno sátoknai; tamni hwn ba a dopharok sakur rajak ya, phiya Israilrok khe bwkhani sakur rajak ya gwja.”

MALAKI 1:11

Sal ka thaini simi sal tháng thai jora ani mung bebak dopharokni thani belai kotor tei bebak ha’-ono ani mungwi satrai sókjago tei kwthar yapharmung yapharjago; tamni hwn ba bebak dopharokni thani ani mung wng kha kotor, hwnwi kwplaisa Subraiyung sa-o.

RUMSONGNO POL SWIHORMANI 1:9

Ang sana naimani abo kubui hwnwi Kaitor saui mano bini Sajlani Kothoma Kahamno pírmani tẃi ang khá bai surimani a Kaitor saui mano. Bo saui mano ang suri san brúm brúm norokni mung khu-ui suri sano. Kaitor muchung khe ba tabuk ulo phano norok bai ano malai rw thung hwnwi ang sanwi tongo.

RUMSONGNO POL SWIHORMANI 15:17

Hakhe Khristo Jisu bai thansa wngwi ang Kaitorni bagwi samung khlaimano tẃiwi khá twtwng wngwi mano.

RUMSONGNO POL SWIHORMANI 7:6

Hai phano tabuk chwng Kerongni yakni yókjak, tamni hwn khe salsa chwng khaui tonjakmani tabuk chwng thwiwi abo bai kak lai kha; chwng tabuk Kaitorni samung khlaimani abo swijak kerongno rákhoknani a lama kwcham ya, abo Pholani lama kwtal se.

RUMSONGNO POL SWIHORMANI 8:15

Kaitor norokno rwmani a Phola norokno seleng snamwi haino hai kirima-o khiklai ya; abo wng yaui Phola norokno Kaitorni bwsa se snamo, hakhe Phola bai chwng Kaitorno, “Apha ani Apha,” hwnwi ringwi mano.

RUMSONGNO POL SWIHORMANI 8:39

nokhani mungsa phano man ya, ha tolanibo mungsa phano man ya chini Subrai Jisu Khristo tẃi Kaitor chwngno hamjakmani yakni chwngno swkagwi mannai bebak sirisiti o mungsa phano kw se kwrwi

RUMSONGNO POL SWIHORMANI 9:6

Kaitor kók rwmani abo nang phai li ya ang o kók sa ya, tamni hwn khe Israilrokni bere bebak’-no Kaitorni chongjak borok ya.

2 KORINTH 11:18

O swngcharni tongmung chámungno tẃiwi simi kók kotor sanai kwbángma’-no tongma bai angbo abo hai kheno kók kotor sanai.

GALATIA 5:25

Phola chwngno mwthang kha; bo chwngno yak tolwi se tẃinai ta.

GALATIA 6:16

O kók hai khe tongnairok bórok khá kwchang rwjak thung, maya chájak thung bórok bai Kaitorni bebak bororokbo haino khlaijak thung.

EPIS 6:18

Kaitorno chuba di hwnwi suri sanwi omorokno khlai di. Phola norokno khlai rw tẃi’-no bebago’-no suri san di. Abo hai wngna tẃi khe norok sichaui tong di, ta yakar di; Kaitorni bebak bororokni bagwi suri san máng tong di.

UÁINWINI SA PHIMA 10:16

Aboni bagwi norok sak sakni bwkhani sakurno ra si di tei aswk kók khna ya ta wng si di.

UÁINWINI SA PHIMA 30:6

Phiya Subraiyung norokni Kaitor norokni bwkhani tei norokni bosongrokni bwkhani sakurno ranai, hakhe ha-o kwthang tongna bagwi norok Subraiyung norokni Kaitorno bebak khá bai-khúk bai tei uansukma bai khe hamjak di.

PHILIPI 1:1

Khristo Jisuni seleng Pol bai Timothi omono swihoro. Khristo Jisu bai thansa wngnairok Philipi-o tongnai Kaitorni bebak bororokno tei mothani bokhorokrok bai samung khlainairokno omono swihoro.

PHILIPI 3:12

Ang omono man bai khe eba ang sói wng súk kha ang abo tẃi sa ya kho. Khristo Jisu mungsani bagwi ano bini borok khlai kha, abono manẃina hwnwi ang khachigwi tongo.

PHILIPI 3:14

Sokat manna bagwi ang khachikna nangma jora sógwina hwnwi khachigwi tongo; abo wng kha Kaitorni aro tongna bagwi Khristo Jisu tẃi ringhorma se.

KOLOSAI 2:11

Khristo Jisu bai thansa wngma tẃi norok sakur rajak kha, borok khlaimani a sakur rama ya, tamo khe Khristo sak baithang sakur rajakma bising tẃi se norok sakur rajago, abo wng kha o sumsok gwnang bwsakni yakni phiyókjak se.

JUDA 1:20

Hai phano khájani takhukrok, norok poito khlaimani a kók kwtharrok bai sak sakno rak rwui tong di. Phola Kwtharni phan bai suri san di.