PHILIPI 3:2 - Kok Borok (Re-edited) Bible (BSI)

² Samung hamya khlainairok bai hus khe tong di, bahan ranai a sẃirok bai hus khe tong di.

PHILIPI 3:2 Iomraidhean Croise

LOBMUNG 119:115

Samung hamya tangnairok ani oroni tháng di, tamni hwn ba ang ani Kaitor dagimarokno se khnanai.

LOBMUNG 22:16

Tamoni hwn ba sẃirok ano chorsa khe kiting kha; borok hamyarokni bodol ano kitingwi phai kha. Ani yak bai yakungno supla kha;

LOBMUNG 22:20

Ani langmano sengni yakni mwthang ja di, ani kaisa susuk langmano sẃirokni yakni mwthang ja di!

PHRWNGMUNG 26:11

Sẃi sakni kwbatwi-o kiphilwi tháng phima hai samung cha yano tang phina bagwi kiphil phinai butuasabo abo hai’-no.

MATHAI 24:10

Aphuru baksa baksa uslu anw; bo’-bo bono rom rw anw, bo’-bo bono naisler lai anw.

MATHAI 7:15

“Diyari phatrarok bai hus khe tong di; bórok saka saka mera hai khe norokni thani phai-o, phiya khá bisingo le bórok thamchi kutung geguma hai se.

MATHAI 7:6

“Sẃirokno manwi kwtharno ta rw di; rw khe bórok kiphilwi se norokno riphrik phir anw; norokni muktanobo uakrokni bwskango ta rw di; rw khe bórok abórokno ká simi se kádul anw.”

RUMSONGNO POL SWIHORMANI 2:28

Kók wng kha omo hai, sabo sói sói Judai? Sabo sói sói sakur rajak? Sakur rajak, saka saka Judai wngwi tongnai a borok ya.

2 KORINTH 11:13

A bororok sói sói chonghor ya, bórok wng kha phatrarok se, bórokni samungno tẃiwi tatal saui Khristoni chonghor hai khe sakno mul philo.

GALATIA 5:13

Takhukrok, norok hwn khe phiyókjakna bagwi se ringjago. Tamo khe phiyókjakma bai norok sak tongthokna lama ta nai di. Hai wng yaui norok hamjak laiwi khoroksa tei khoroksano nai di.

GALATIA 5:15

Hus wng di, tumungno norok uak-tokrok tongma hai uásik lai khe, uáthar lai khe norok kiching norok sokomor súk laina se.

GALATIA 5:6

Tamni hwn khe Khristo Jisu bai chwng thansa wng kheno sakur rajak bai sakur rajak ya abo phér laina kwrwi kha; oro kók wng kha tamo, omo poito khlaiwi hamjak laimani kók se.

PHILIPI 3:19

Bórok gaijana kasu kha, tamni hwn khe sak muchungmani abo se bórokni mwtai, lachimasingcha samungno tẃiwi se bórok kung chugo, phiya o swngcharni kók simi se bórok uansugo.

PHILIPI 3:3

Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

TITNO POL SWI HORMANI 1:16

“Chwng Kaitorno sini-o,” hwnwi bórok sa-o, phiya a sama kók bórokni samung bai khe gothok ya. Bórok wng kha selengmasingcha, kók khna ya, mungsa samung kaham phano khlaina chúk ya.

2 PITOR 2:22

“Sẃi bini kwbatwino chá phiro,” phiya “Uak tuku rwjak phano haino hai harpego tuku phiro,” hwnwi kógo sajakmani o kók bórokni thani nang phai-o.

JUDA 1:4

Kaitorno kiri ya khoroknwi khoroktham borok chini bisingo tepsa khe hap phai kha, bórok sak tongthok tẃi tongwi manna tẃi khe chini Kaitor khairokma kókno juda khe sa-o, bórok Jisu Khristonobo gosi ya, bo simi se Hoda bai Subrai. Bórok majra berjakmani abo agi phuruno Elembago sajak kha.

PHUNUKJAKMANI 2:9

Nwng tekto manmano ang saui mano. Ang saui mano nwng kwrwi, hai phano sói’-no nwng gwnang se. Judai wng yaui’-no chwng Judai hwnwi hwnnairok nono hamya samano ang saui mano; bórok wng kha Soitanni bororok.

PHUNUKJAKMANI 21:8

Tamo khe kirinairok, poito kwrwirok, selengmasingcha samung khlainairok, borok butharnairok, buitali-buitala wngnairok, dandabaji phunuknairok, takjak mwtaino khulumnairok tei bebak tatalrok hwn khe bórok hór bai gwndwkni liko ma tongnai, abo’-no tei uáisa thwimani.”

PHUNUKJAKMANI 22:15

Phiya selengmasingcha samung khlainairok dandabaji phunuknairok, buitali-buitala wngnairok, borok butharnairok, takjak mwtaino khulumnairok, samungobo kógobo tatal wngnairok bórok taunni phataro ma tongnai.

PHUNUKJAKMANI 3:9

Khna di, Soitanni a bororok hwn khe, Judai wng yaui’-no chwng Judai hwnwi hwnnairok hwn khe ang bórokno nini thani tubu-ui nini yakung yaphango klai khulum rw anw. Hakhe ang nono hamjakmano bórok saui man anw.