PHILIPI 3:1 - Kok Borok (Re-edited) Bible (BSI)

¹ Ani takhukrok, páinanogo ang o kók sa-o, Subraino tẃiwi tongthok lai di. A kókno kók swinani ang bwkha tekto nangjak ya, phiya omo norokni kaham se wng phinai.

PHILIPI 3:1 Iomraidhean Croise

1 BOSONG 15:28

Hakhe bebak Israil Subraiyungni swmai bokhokno chirik laiwi, bokorong sup laiwi, totro khorang bai cheuang bai tei budukni tammungrok bai khe tam laiwi tubu lai kha.

1 BOSONG 16:10

Bini mung kwtharno chẃngsacha khlai di, bono khulumnairok tongthok di!

1 BOSONG 29:22

A salo bórok Subraiyungni bwskango chá laiwi nung laiwi belai tongthok lai kha. Bórok Daudni bwsla Solomonno tei uáisa habugra hwnwi sakhlai kha. Subraiyungni mung bai bórokni habugra hwnwi thok lu-ui phul lai kha tei Sadok khe ochai.

NEHEMIA 8:10

Nehemia hai hwnwi sa kha, “Tháng di, chámung kaham chá lai di nung lai di tei khoroksa swkni tiyar kwrwi hwn khe bonobo banta rohor di, tamni hwn ba tinini sal Subraiyungni thani kwthar se tei bwkha dukhu ta wng di, tamni hwn ba Subraiyungo tongthokmani se nini phan.”

JOBNI BIJAP 22:26

hakhe nwng kwplaisa bai tongthok rwjaknai tei Kaitorni thani mwkhang tisa di,

LOBMUNG 149:2

Israilrok bono snamnaisani thani tongthok di; Siyonni bwsarok bórokni bugrani thani tongthok di.

LOBMUNG 32:11

O borok kahamrok Subraiyungno tẃiwi bwkha srang di tei tongthok di, o bwkha sutrangrok norok tongthogwi chirik lai di.

LOBMUNG 33:1

O tongmung kaham tongnai bororok Subraiyungo tongthok di. Tongmung kaham tongnairok lobwi mwchango.

LOBMUNG 37:4

Subraiyungni thani bwkha srang di, hakhe bo nini bwkha muchungmano rwnai.

LOBMUNG 42:4

Ang omorokno muitu manẃi ani bwkha báiwi tongo: ang borok kwbángmarok bai thángmani, tei ang bórokno tẃiwi Kaitorni nogo thángmani, tongthok khorang bai hambai rwui rwchabwi borok kwbángma’-no terrok khlai lai-o.

LOBMUNG 5:11

Nini thani bwkha beranairok khe tongthok thung; tongthokma bai bórok rwchap phlai máng tong thung. Nini kati rwmung bai bórokno khobwi ton di, hakhe nono hamjaknairok nini mung bai nini thani tongthok thung.

LOBMUNG 97:1

Subraiyung se bugra! ha srang thung; twi kwcharni harok bwkha tongthok thung!

JISAIA 41:16

Nwng bórokno chok anw, nokbar bórokno kobonwi thwng anw tei boyar bórokno piring-poroi khlai bainai, tei nwng khe Subraiyungno tẃiwi tongthok anw; Israilni a kwthar kukni bising tẃi nwng chẃngsa rwnai.

JISAIA 61:10

Ang Subraiyungno tẃiwi belaino tongthoknai, ani phola ani Kaitorno tẃiwi lobsanai; tamni hwn khe bo ano mwthangmung bai kan rw kha, bo ano sói kubuini rí bai khe ani sakno ból kha, chamari kwtalno khumtrang kan rw tẃi khe kan rw kha, tei khorok sa hamjwk kwtal sakni gwina-ganthi kanwi sakno naithok rwma hai khe, kan rwui mwchang rw kha.

JISAIA 65:14

nai di, ani selengrok bwkha tongthogwi rwchap anw, phiya ba norok khe bwkha hamya wngwi ma kap lai anw; tei phola-o belwi kengai kap anw.

JOEL 2:23

“O Siyonni bororok, norokni Kaitor Subraiyungni thani tongthok di; tamni hwn ba bo bini hamarini mari uatwi rohor kha. uatwi molni swkangni uatwi tei uatwi mol páimani ulni uatwi ua rw kha.

JAPHANIA 3:14

O Siyonni sajwk khorang kotor khlaiwi rw chap di, o Israil chirik di! nini khápang phiyogwi tongthok di, o Jerusalemni sajwk!

JAPHANIA 3:17

Subrai norokni Kaitor norok bai tongo, bo sengkrak, norokno kwplai khlai-o; bo nono tẃiwi tongthoknai, nono hamjakmung bai kwtal khlainai; bo nono tẃiwi khorang kotor khlaiwi rwchapnai,

SAKARIA 10:7

Ephraimni bororok khe sengkrakrok hai phan gwnang wngnai, tei bórokni bwkha angur bwtwi nungjak borok hai tongthoknai. Bórokni bwsa-bẃtẃirok abono nugwi bwkha tongthoknai, Subraini thani bórok bwkha phurwi bársanai.

MATHAI 5:12

Khá srang di, tongthok di, tamni hwn khe chuknoha-o norokni bagwi sokat kwbángma khatijak tongo. Norokni slái swkang tongnai diyariroknobo bororok omo tẃi kheno sátok kha.”

LUK SWIMANI KOTHOMA KAHAM 1:47

ani phola ani Kaitor ano mwthangnaisani thani tongthogo,

RUMSONGNO POL SWIHORMANI 5:11

Hakhe aswk bai simi ya kho; chwngno tabuk Kaitor bai kwtha rwnai chini Subrai Jisu Khristo tẃi chwng Kaitorno tẃiwi tongthogo.

2 KORINTH 13:11

Takhukrok, hakhe kak lai kha ta. Norok rak sukna nai lai di, ang hwnmano khna lai di, kók tháisa wng lai di, kwchang kwchang khe tong lai di. Hakhe chwngno hamjaknai tei khá kwchang rwnai Kaitor norok bai tongnai.

EPIS 6:10

Kók páithak hwn khe omo hai, Subrai bai thansa wngwi bini phankrak phan bai rak di.

UÁINWINI SA PHIMA 12:18

Phiya ba, Subraiyung norokni Kaitor chongthani Subraiyung norokni Kaitorni bwskango norok sajwk sajlarokno tẃi tei nini seleng, selengjwksongrokno tẃiwi tei norokni kamiyungrogo tongnai Lebirok bai khe Subraiyung nini Kaitorni bwskango tongthogwi chá lai di.

UÁINWINI SA PHIMA 16:11

Tei Subraiyung norokni Kaitorni bumung lobjakna bagwi a chong thani-o norok norokni Subraiyung Kaitorni bwskango norok norokni sajwk, sajla, norokni seleng selengjwk, norokni kamiyungni bisingo tongnai Lebisong tei nwng bai tong phainai buini hani borokrok, ma-pha kwrwi, randijwk, bebakno tongthok lai di.

PHILIPI 3:3

Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

PHILIPI 4:4

Subraino tẃiwi norok tongthok máng tong di. Ang o kók haino hai sa-o, tongthok di.

PHILIPI 4:8

Takhukrok, páinanogo ang o kók sa-o, kaham hwnjaknani bai baikhenejaknano bwkha-o ton di; kubuino, chúknano, sóino, kwtharno, naithokno, khairoknano bwkha-o ton di.

1 THESALONIKI 4:1

Takhukrok, páinanogo Kaitor bai hamjakna bagwi bahai khe tongna nang abo norok chini thani srwng kha. Hai phano norok omo hai khe’-no tongwi phai-o. Hakhe omo hai khe teibo tong ja di hwnwi chwng Subrai Jisuni mungwi norokno koiwi sa-o.

1 THESALONIKI 5:16

Norok tongthok máng tong di.

JAKOB 1:2

Ani takhuk, norok podrepot khe potalijak khe belai khe khá tongthok di,

1 PITOR 3:8

Páinanogo ang o kók sa-o, norok bebak’-no kók tháisa wng di, khá baksa wng di; takhuk hwnwi norok kiching norok hamjak lai di, khairok lai di, koiwi tong lai di.

1 PITOR 4:13

Abo wng yaui norok Khristo bai baksa sátokjago hwnwi se tongthok di, hakhe bo chẃngsacha wngwi nukjak phuru norok belai khe tongthoknai.

2 PITOR 3:1

Khájani takhukrok, ang omo bai khe norokno kóktun kangnwi swihor kha. Ang a kangnwi nwi-o’-no o kókrokno muitu khlai rwui norokno kaham khe uansuk rwna nai kha.

1 SAMUEL 2:1

Hanna suriui hai hwnwi sa kha, “Subraiyungno tẃi ani bwkha tongthogo; ani phan Subraiyungo tongthogo. Ani kena arirokni bwskango ang tongthogwi rwchap kha, tamni hwn ba ang nini mwthangma-o se tongthogo.”