Biblia Todo Logo
Bìoball air-loidhne

- Sanasan -




PHILIPI 2:9 - Kok Borok (Re-edited) Bible (BSI)

9 Omoni bagwi Kaitor bono jotoni slái kuchugo tisa kha, hakhe tei mungrokni slái bono mung kotor rw kha.

Faic an caibideil Dèan lethbhreac




PHILIPI 2:9
46 Iomraidhean Croise  

Ang, nwng bai bwrwino kena wng rwnai, nini bosong bai bini bosongbo kena wng lainai; bo nini bokhorok swbainai tei nwng khe bini yakorai-o suknai.”


Subraiyung, ani Subraino hai hwnwi sa-o, “Achuk di oro ani yagra bwkhak, khlai ya sak ang nini kebengnai arirokno nini yakung boksajaknai.”


Subraiyung nini yagra bwkhak; bini jolima salo habugrarokno bo sukhrupnai.


Ang bono swkang sakra khlainai, hani bugrarokni slái kuchuk khlainai.


Ano hamjaknairokno ang mwthangnai; ani mungno saui mannairokno ang kati rwui tonnai.


Nai di, ani seleng chasanai. Bo lobjaknai, kuchugo tisajaknai, belaino kuchuk wngnai.


Aboni bagwi ang bono borok kotorrokni bisingo banta kaisa rwnai, tei bo kwplairok bai baksa banta khlai lainai; tamni hwn ba bo thwinani bagwi sakni langma-o yaphar kha, tei sumsok gwnangrok bai baksa lekhajak kha; hai phano bo kwbángma bororokni sumsokno hor kha; tei sumsok gwnangrokni bagwi koiwi sachru-ui tongo.


Bini naikolma ha tei tong kwchang báng rwrwknai aboni tei páithak tong glak. Bo Daudni achukthayungo achugwi bini hano naikolnai, bujsói bai tei kubui bai khe, tabukni simi mol brúm brúmni bagwi songchaui tisanai, sengkrakrokni Subraiyungni muchungma bai, abo bebak khlaijaknai.


Bini thani bebak phan, bórom tei chẃngsacha yapharjak kha, joto dophani, bosongni tei kókni bororok bono ma mon bainai. Bini phan mol brúm tongnai tei bini ha sokomorjak glak.


“Apha ani yago bebak’-no rw bai kha. Aphano karwi Sajlano sininai kwrwi; phiya Sajla bai Sajla sini rwna muchungma borokno karwi Aphano sininai kwrwi.


Jisu bórokni thani phaiwi bórokno hai hwnwi sa kha, “Chuknoha bai swngcharni bebak phan ani yago yapharjak kha.


“Apha ani yago bebak’-no rw bai kha. Aphano karwi Sajlano sininai kwrwi, phiya sajla bai Sajla sini rwna muchungma borokno karwi Aphano sininai kwrwi.”


Bupha bini yago bebak phan rw bai kha, bo Kaitorni aroni phaimani, tabuk Kaitorni arono tháng phinai hwnwi Jisu saui man kha.


Ang tabuk nini aro phaina naiwi tongo. Ang o swngcharo tei balogwi tong glak kha, bórok khe o swngcharo tong rwk anw. O Apha Kwthar, nwng bai ang thansa wngma hai bórokbo thansa wngna tẃi khe nwng ano rwmani a mung bai bórokno kati rwui ton di.


Ang bórok bai tong phuru nwng ano rwmani a mung bai bórokno kati rwui phai kha. Ang bórokno kati rwui phai kha, hakhe khoroksa phano kwma li ya; elembakni kók nang phaina bagwi khoroksa kwmathai ba bo simi’-no kwma si-o.


O Apha, o swngchar wng ya sini ang nini thani tong phuru ani chẃngsacha tongma hai nwng tabuk ano nini bwskango chẃngsacha khlai di.


Israilrok sumsok yakarwi nakarjakna lama manna tẃi khe Kaitor bono Bokhorok bai Mwthangnaisa snamwi bini yagra bwkhak tisa kha.


Kaitorni khá bisingni kók wng kha bo Khristono bokhorok snamwi bebak’-no thansa khlainai, chuknoha bai o swngcharni bebakno’-no thansa khlainai, jora phai súk khe bo abono khlainai.


Bo wng kha bini bwsak mothani bokhorok; bo se bwsakno mwthangnai, bo simi se bebakni bokhorok wngwi manna tẃi khe bo se puila kwthwini mwthangwi tisajaknai.


Chini Kaitor tei Subrai Jisu Khristo khairokma bai omo tẃi kheno chini Subrai Jisuni mung norok bai kotor khlaijaknai, norokbo bo bai kotor khlaijaknai.


Kaitor bono bumung rwmani abo suarirokni bumungni slái kotor wngma hai bo suarirokni slái kotor khlaijak kha.


Nwng kahamno hamjago, hamyano naislerjago: aboni bagwino Kaitor, nini Kaitor nono chong kha, hakhe nini logisongrokni slái nono kotor khlaiwi tongthok rw kha.”


Phai di, chwng Jisuno naharwi tong lai anw, bo’-no chini poitoni yaphang buchuk. Ulni tongthokni bagwi se bo krusno soi-o, kruso thwinanino bo lachimasingcha wngjak ya, hakhe bo tabuk Kaitorni achukthayungni yagra bwkhak achukjak.


Tamo khe chwng Jisuno nugo! Kaitor khairokma bai Jisu bebak bororokni bagwi ma thwina tẃi khe srapsani bagwi bo suarirokni slái kusu khlaijak kha. Bo sátokjagwi thwima bai bono tabuk kotor khlaijagwi mwkhang belai chẃngsa rwjak khe nugo.


bo chuknoha-o tháng kha, bo Kaitorni yagra bwkhak tongo, bo bebak suarirok tei chuknohani bokhorokrok bai mwtairokno kók khna rwui tongo.


Bupha Kaitor bono chẃngsacha khe kotor khlai phuru chwng aro tongo. “Omo ani khájani Sajla, bono’-no ang belai hamjago,” hwnwi Chẃngsachani Yaphangni aroni bono kók sa phuru chwng aro tongo.


Poito kwrwirokni yakni mungsa phano na yaui bórok Khristoni mungwi ongkhor kha.


Aphuru khorokdokni ulni a suari bini totro tam kha, hakhe chuknoha-o sotonwi hai hwnwi sajak kha, “Chini Subrai bai bini Masia tabuk o swngcharni bugra chá rwjak kha, hakhe bo mol brúm brúm bugra wngwi tongnai.”


Bini rí-o tei bini yakungo omo tẃi mung swijak: “Bugrarokni Bugra, bokhorokrokni Bokhorok.”


Ang kwplai wngwi ani Apha bai baksa bini achukthayungo achugwi tongma hai angbo kwplai wngnairokno ang bai baksa ani achukthayungo achuk rwnai.


hakhe sotonwi hai hwnwi rwchap lai kha, “Phan, rang-rí tei elem a butharjaknai Mera bwsani se wngthai klai-o, bo se chẃngsacha khe kwplai wngthai klai-o, bo se bórijagwi lobjak thai klai-o!”


Lean sinn:

Sanasan


Sanasan