PHILIPI 2:8 - Kok Borok (Re-edited) Bible (BSI)

⁸ Bo sakno borok kusu snam kha, hakhe kók khnaui thwina lama himna gosi kha, kruso suda thwina gosi kha.

PHILIPI 2:8 Iomraidhean Croise

LOBMUNG 22:16

Tamoni hwn ba sẃirok ano chorsa khe kiting kha; borok hamyarokni bodol ano kitingwi phai kha. Ani yak bai yakungno supla kha;

PHRWNGMUNG 15:33

Subraiyungno bórom khlaiwi kirima borokno siyan phrwngo tei koinene khe bórom tubu-o.

MATHAI 17:2

Bórok naisigwi tong twtwi’-no bo mul philwi tháng kha, bini mwkhang sal hai chẃng kha, bini rírok pohor hai kwchẃng wng kha.

MATHAI 26:39

Bo tei kisa bwskango thángwi ha-o bomkhlai hai hwnwi suri san kha, “Apha, man khe ba o khurino ani oroni nor di, omobo ani muchung tẃi ya, nini muchung tẃi’-no wng thung.”

MATHAI 26:42

Jisu omo bai khe uáinwi thángwi hai hwnwi suri san kha, “Apha, ang nung ya wngwi o khurino norwi man ya khe nini muchung tẃi’-no wng thung.”

LUK SWIMANI KOTHOMA KAHAM 9:29

Bo suri sanwi tong phuru bini mwkhang juda wngwi tháng kha, bini rírokbo chẃngsaui phurchaui phai kha.

JOHON 10:18

Khoroksa phano ano buthar ya; ani muchung tẃi’-no ang thwi-o. Ang thwiwibo mano, thangwibo mano. ‘Ahai’-no khlai di,’ hwnwi Apha ano dagi-o.”

JOHON 14:31

ahai phano ang Aphano hamjago hwnwi o swngchar saui manna nang anw; aboni bagwino Apha dagima hai ang samung khlai-o. “Bacha di, oroni him si di.”

JOHON 15:10

Ani kók khna kha hwn khe se norok ani hamjakma bisingo tong anw. Angbo abo hai’-no Aphani kók khnama bai bini hamjakma bisingo tongo.

JOHON 4:34

Jisu bórokno hai hwnwi sa kha, “Ano rohornai samung tholwi rohormano khlai bainani abo se ani chámung.

SAMUNG 8:33

Bo lachi rwjak kha, bo sói khe buj thumjak li ya. Bini bwsarokni kók khoroksa phano saui mannai kwrwi, tamni hwn khe bo o ha-o kwrwi kha.”

RUMSONGNO POL SWIHORMANI 5:19

Hakhe a borok khoroksa kók khna ya wngmani bai aswk bororok sumsok gwnang khlaijak bai kha, omo tẃi kheno tei borok khoroksa kók khnama bai aswk bororok Kaitor bai kaham hwnwi romjak bainai.

2 KORINTH 8:9

Chini Subrai Jisu Khristo bwswk khairok kha norok abono saui mano; bo kwrwi wngma bai norokno gwnang khlaina bagwi bo gwnang phano norokni bagwi kwrwi wng kha.

GALATIA 3:13

Tamo khe Khristo bo sak baithang swraimung nangwi Kerongni swraimungni yakni chwngno phiyók kha; tamni hwn khe elembago hai hwnwi sa-o, “Buphango khachijaknai borok bo Kaitorni swraimung nangjak.”

UÁINWINI SA PHIMA 21:23

bini kwthwi mangno hopung buphang saka-o ta ton di; norok a salo’-no bono phob di, tamni hwn ba buphango khachijaknai borok bo Kaitorni swraimung nangjak. Subraiyung norokni Kaitor norokno rwmani a hano norok ta dera rw di.”

TITNO POL SWI HORMANI 2:14

Bebak hamyani yakni chwngno phiyógwi borok kwthar khlaina bagwi bo chini bagwi sakno rw kha, chwng bini borok wngwi samung kaham khlaina muchungna tẃi khe bo omo hai khlai kha.

HIBRU 12:2

Phai di, chwng Jisuno naharwi tong lai anw, bo’-no chini poitoni yaphang buchuk. Ulni tongthokni bagwi se bo krusno soi-o, kruso thwinanino bo lachimasingcha wngjak ya, hakhe bo tabuk Kaitorni achukthayungni yagra bwkhak achukjak.

HIBRU 12:4

Tamni hwn ba sumsok bai choba nang laiwi norok tabuk suda butharjak ya kho.

1 PITOR 2:24

Chwng thwiwi sumsok bai kakna tẃi khe, phiya kaham tongna tẃi khe Khristo sak baithangno chini sumsokno kruso ruju-ui tlang kha. Bini kwsarok bai norok ham rwjak kha.

1 PITOR 3:18

Tamni hwn ba Khristo sak baithang’-no norokni bagwi thwi kha, uáisa bai’-no bo sumsokni bagwi thwiwi pái kha, bo borok kaham, norokno Kaitorni thani tubuna hwnwi bo borok hamyarokni bagwi thwiwi pái kha. Bo o swngcharo butharjak kha, phiya phola wngwi mwthangjak kha;