PHILIPI 2:7 - Kok Borok (Re-edited) Bible (BSI)

⁷ Aboni slái bo sakno bukcha khlaiwi seleng hai se wng phai si-o. Bo borok wngwi phai kha, hakhe borok hai kheno nukjak phai kha.

PHILIPI 2:7 Iomraidhean Croise

LOBMUNG 22:6

Tamo khe ang le yóngsa se, borok ya; bui bai hamya sajaknai tei lukurok bai khibijak se.

JISAIA 42:1

Iko nahar di ani seleng ang bono chuba-o, bo ang saiwi namani, bono tẃiwi ani khápang tongthok súgo; ang bini saka-o ani pholano lukhlai rw kha, bo dopharokno sói khe buj thumnai.

JISAIA 49:3

Tei bo ano hai hwnwi sa kha, “Nwng ani seleng, Israil, nini bising tẃi’-no ang chẃngsacha khlaijaknai.”

JISAIA 53:11

Bo bini langmani lengmano nuknai tei bwkha kochom anw; ani kwthar seleng bini simung bai kwbángma borokno bujsói man rw anw, tamni hwn khe bo bórokni bebak sumsokrokno horwi tlangnai.

DANIEL 9:26

Hati bar dokchinwi láimani ulo Kaitorni a chongjak borok butharjaknai tei bini mungsa phano tong rwk glak tei bororokni bugra phaina hwnnai phaiwi kamiyung tei noktharno sokomornai. Abo twi kotor phaima bai páinai, páithago choba nang lainai tei komorwi páinai.

SAKARIA 3:8

Khna di, ochaiyung Josua, nwng tei nwng bai achuknai nini ochai palrok! bórok khe tamo wngna naiwi tong aboni swkangni phunukmari se. Ang ani selengno tubunai, bo Berdum hwnjaknai.

SAKARIA 9:9

Kaham khe tongthok di, o Siyonni sajwk! O Jerusalemni sajwk chirik di! Nai di norokni habugra norokni thani phai-o; bo kwplai tei phan gwnang khe phai-o. Bo koinene khe koraichirka saka-o koraichirka bwrwi bwsa saka-o achukjak.

MATHAI 12:18

“Iko, ani seleng, bono’-no ang chongmani, bono’-no ang hamjago, bo bai’-no ang khá kochomo. Bono’-no ang ani Phola rwnai hakhe bo bebak bororokni thani ang buj thumna hwnmano sanai.

MARK 9:12

Bo hai hwnwi sa kha, “I’n, joto thiti khlaina bagwi Elia swkang phai granai. Hakhe Borokni Sajla panjalwino sátokjagwi norjaknai hwnwi Elembago tamo wngwi sajak sla?

LUK SWIMANI KOTHOMA KAHAM 22:27

Chána achuknai da tor kuk, mai-mui boknai seleng da tor kuk; sabo tor kuk? Chána achuknai bono tor kugo! Phiya ang le norokni bisingo seleng hai khe se tong ja-o.

JOHON 1:14

Kók mang wngwi chini bisingo tong phai kha, hakhe chwng bini chẃngsacha nuk kha, abo khairokma bai kubui bai kupulung; Buphani songdari Sajla hwnwi bo a chẃngsachano man kha.

RUMSONGNO POL SWIHORMANI 1:3

Omo bini Sajla chini Subrai Jisu Khristoni kók: bo borok wngwi Daud bosongo achai kha;

RUMSONGNO POL SWIHORMANI 15:3

Tamni hwn khe Khristo bo sakni kahamno nai ya. Tamo khe elembago hai hwnwi sama hai wngo, “Nono lachi rwnairok lachi rwmani abo ani sago klai kha.”

RUMSONGNO POL SWIHORMANI 15:8

Ang norokno o kók sa-o, Kaitor kók narwknai hwnwi phunukna bagwi, chuchusongni thani Kaitor kók rwmani abo nang rwna bagwi, phiya buini bororok suda Kaitor bai maya chájagwi bono lobwi manna bagwi Khristo Judairokni seleng wng phai kha. Elembago hai hwnwi sama hai, “Abo bai’-no buini bororokni bisingo ang nono hambai rwnai, nini mungwi ang lobwi rwchapnai.”

RUMSONGNO POL SWIHORMANI 8:3

Borok phan kwrwi wngma bai Kerong khlaiwi man ya samungno Kaitor khlai kha. Bo bini Sajlano rohorwi borokni bisingo tongnai sumsokno majra ber kha. Bini Sajla sumsok swkakna bagwi sumsok gwnang borok hai wngwi phai kha.

2 KORINTH 13:4

Bo phan kwrwi wngwi kruso butharjak phano Kaitorni phan bai kwthang tongo. Bo bai thansa wngwi chwngbo phan kwrwi wng kha, tamo khe chwng norok bai samung khlai thani chwng Kaitorni phan bai Khristo bai baksa kwthang tongnai.

2 KORINTH 8:9

Chini Subrai Jisu Khristo bwswk khairok kha norok abono saui mano; bo kwrwi wngma bai norokno gwnang khlaina bagwi bo gwnang phano norokni bagwi kwrwi wng kha.

GALATIA 4:4

Tamo khe jora phai súk kha hwn khe Kaitor bini Sajlano rohor kha. Bo borokni ogo achai phai kha, hakhe chwng Kaitorni bwsa wngwi manna tẃi khe Kerongni yago tongnairokno phiyókna bagwi bo Judai Kerong rákhogwi phai kha.

PHILIPI 2:6

Bo Kaitor bai baksa wngwi phano bo juraboli khe Kaitor bai baksa wngna hwnwi khá ka ya.

HIBRU 12:2

Phai di, chwng Jisuno naharwi tong lai anw, bo’-no chini poitoni yaphang buchuk. Ulni tongthokni bagwi se bo krusno soi-o, kruso thwinanino bo lachimasingcha wngjak ya, hakhe bo tabuk Kaitorni achukthayungni yagra bwkhak achukjak.

HIBRU 13:3

Alongo klaijakrokno nai di, norokbo bórok bai baksa alongo klaijak hwnwi khá kaui bórokno nai di. Sátokjaknairokno nai di, norokbo bórok haino sátokjagwi tongo hwnwi khá kaui bórokno nai di.

HIBRU 4:15

Chini ochai bokhorok chwng kebelrokni bagwi maya nang ya abo tẃi ochai bokhorok ya. Tamo khe chwng hai bebago’-no belokjaknai abo tẃi ochai bokhorok se chwng man si-o, ahai phano bo sumsok khlai ya.