PHILIPI 2:6 - Kok Borok (Re-edited) Bible (BSI)

⁶ Bo Kaitor bai baksa wngwi phano bo juraboli khe Kaitor bai baksa wngna hwnwi khá ka ya.

PHILIPI 2:6 Iomraidhean Croise

JISAIA 7:14

Aboni bagwi Subraiyung sakphang’-no norokno mari kaisa rw anw. Nai di, bwrwi sikla khoroksa sakderiya wngnai tei bwsa chwla khoroksa bá anw tei bini bumung ‘Imanuel’ hwnwi pharjaknai.

JISAIA 8:8

Abo Judani ha saka tẃi twi kochogwi thángnai; twi torwi saka tẃi láinai tei lomwi totra jora wngnai; tei o Imanuel, nini hani kebeng bini bwkrang kangnwi phehelma bai kholopjaknai. Subraiyung chwng bai tongo! Bini bwkrang saharjak bai hayungno mwthangnai.”

JISAIA 9:6

Chini bagwi chwrai khoroksa achai kha; chwngno chwla bwsa khoroksa rwjak kha, tei bini bangora saka-o’-no ha naikolphangni barja rwjaknai: hakhe bini mung wngnai “Uanamasingcha kókbiti rwnaisa,” “Phan gwnang Kaitor,” mol brúm brúmni apha, “Khakchangni bugra.”

JIRIMIA 23:6

Bini jora-o Judarok mwthangjak anw tei Israilrok kirima kwrwi khe tong anw. Tei bini bumung hai hwnwi ringjaknai “Subraiyung chini Sói kubui.”

MIKA 5:2

Tamo khe o Iphrathani Betlehem, Judani bosongni bisingo kami kotoi kuk kaisa, nini bisingni ani bagwi khoroksa Israilno tẃithernai khoroksa phainai, bini bosong yaphang khe kwcham mol brúm brúmni simi’-no tongo.

SAKARIA 13:7

Phan gwnang Kaitor hai hwnwi sa-o, “Bacha di, o seng, ani mera mwrwknaino tei kichingsongno buthar di, hakhe merarok oroi-poroi wng bainai; ani borokno kebengwi ang kosonnai.

MATHAI 1:23

“Nai di, bwrwi sikla-kwthar khoroksa sakderiya wngwi bwsa chwla khoroksa bá anw, hakhe bo Imanuel hwnjaknai” (abo “Kaitor chwng bai baksa tongo” hwnmani se.)

JOHON 1:18

Kaitorno khoroksa phano nuknai kwrwi kho; Phani yapha khuri-o tongnai songdari Sajla bo simi se bono phunuk kha.

JOHON 10:30

Apha bai ang chwng thansa se.”

JOHON 10:33

Judairok hai hwnwi sa kha, “Samung kahamni bagwi chwng nono khitarna nai ya, Kaitorno hamya sama bagwi se, tamni hwn khe borok wngwi se nwng saichung-saichung Kaitor wngna nai-o!”

JOHON 10:38

Abórokno khlaima nuk khe ano poito khlai ya phano ani samungrokno simi phano poito khlai di. Hakhe Apha ani bisingo tongo, phiya ang Aphani bisingo tongo, o kókno norok saui man súk nai.”

JOHON 14:28

Ang thángnai, phiya norokni thani kiphilwi phai phinai hwnwi ang samano norok khna kha. Norok ano hamjak khe ang Aphani aro thángma bai norok tongthokjak anw, tamni hwn khe bo ani slái kotor kuk.

JOHON 14:9

Jisu hai hwnwi sa kha, “Aswk sal kwbángma ang ba norok bai máng’-no bla, ahai phano da nwng ano sini li ya, Philip? Ano nuknai borok bo Aphano nuk kha. Hakhe nwng bahai khe ‘Nwphano chwngno phunuk di,’ hwnwi sa de?

JOHON 17:5

O Apha, o swngchar wng ya sini ang nini thani tong phuru ani chẃngsacha tongma hai nwng tabuk ano nini bwskango chẃngsacha khlai di.

JOHON 20:28

Thoma bono hai hwnwi sa kha, “Ani Subrai, ani Kaitor!”

JOHON 5:18

Jisu o kók sama bai’-no Judai hodarok bono teibo butharna muchungjak kha; bo Sabat sal rákhok ya, abo simi ya, Kaitornobo Apha hwnwi bo sakno Kaitor bai baksa khlai kha.

JOHON 5:23

hakhe Buphano bóri tẃi Sajlanobo bebak’-no bórinai. Sajlano bóri ya khe bo bono rohornai Buphanobo bóri ya.

RUMSONGNO POL SWIHORMANI 9:5

bórok chuchusongni bosong, Khristobo borok wngwi bórokni bosongo achai kha. Bebakni bokhorok Kaitor lobjak máng tong thung! Amen.

2 KORINTH 4:4

Bórok poito khlai ya, tamni hwn ba o swngcharni mwtai hamya bai bórokni bwkha kobolwi tonjak kha. A mwtai hamya bórokni mokolno nuk ya khlaima bai bórok Kaitorno kosol Khristoni chẃngsachani Kothoma Kaham rwnai pohorno nuk li ya.

2 KORINTH 8:9

Chini Subrai Jisu Khristo bwswk khairok kha norok abono saui mano; bo kwrwi wngma bai norokno gwnang khlaina bagwi bo gwnang phano norokni bagwi kwrwi wng kha.

1 TIMOTHI 1:17

Mol brúm brúm tongnai Bugra bo mol brúm brúm bórijak thung, mol brúm brúm chẃngsacha wng thung, bo thwi phlai ya, bo nukjak ya, bo simi se Kaitor! Amen.

1 TIMOTHI 3:16

Chini tongtharni bisingni kók bwswk kotor abo joto’-no ma gosi-o. Bo borok wngwi phai kha, bo Phola bai kaham hwnwi sijak kha, bo suarirok bai nukjak kha. Bini kók dopharokni bisingo pírjak kha, bo swngcharni bororok bai poito khlaijak kha, bo chuknoha-o tisaui tlangjak kha.

TITNO POL SWI HORMANI 2:13

Chwng khatungmani a Sal kahamno naising twtwi omo hai khe tongna bagwi phrwngjago, a salo chini Kaitor kotor Mwthangnaisa Jisu Khristo chẃngsacha khe nukjaknai.

HIBRU 1:3

Bo Kaitorni chẃngsacha bai se kwchang wngo, bo katswi Kaitorno solo; bo bini phan kwplai kók bai bebak swngcharno narwgwi tono. Bororokni sumsok sú baiwi bo chuknoha-o Kwplaisa Kaitorni yagra bwkhak achugwi kha.

HIBRU 1:6

Kaitor bini achai granaisa Sajlano o swngcharo rohorna phuru bo hai hwnwibo sa kha, “Kaitorni bebak suarirok bono ma suri bainai.”

HIBRU 1:8

Phiya Sajlani kókno khe Kaitor hai hwnwi sa-o, “O Kaitor, nini achukthayung mol brúm brúm tongnai; nwng sói khe’-no nini ha narwgo.

HIBRU 13:8

Jisu Khristo miyabo haino, tinibo haino, mol brúm brúmbo haino tongnai.

PHUNUKJAKMANI 21:6

Bo teibo sa kha, “Pái súk kha! Angno Alpha, angno Omega, angno Yaphang, angno Buchuk. Twi kangjaknai borokno ang mwthangnai twimukni twino ahaino khannai.