PHILIPI 2:5 - Kok Borok (Re-edited) Bible (BSI)

⁵ Khristo Jisu uansukma haino norokbo uansuk thai klai-o:

PHILIPI 2:5 Iomraidhean Croise

MATHAI 11:29

Norok ani jual tisaui bal di, ani thani srwng di, tamni hwn khe ang borok kwbo kwchang, kobo koinene hakhe norok lenglaui man anw.

LUK SWIMANI KOTHOMA KAHAM 22:27

Chána achuknai da tor kuk, mai-mui boknai seleng da tor kuk; sabo tor kuk? Chána achuknai bono tor kugo! Phiya ang le norokni bisingo seleng hai khe se tong ja-o.

SAMUNG 10:38

Norok Nasaretni Jisuni kók saui mano, bahai khe Kaitor bono Phola Kwtharbo kolob rw kha, phanbo rw kha. Samung kaham khlai twtwi, phiya Soitanni yago klaijakrokno ham rw twtwi bo ha gwnangwi tháng kha, tamni hwn khe Kaitor bo bai tongo.

SAMUNG 20:35

‘Nanai borokni slái rwnai borok se hamchajak,’ hwnwi Subrai Jisu samani o kókno muitu narwgwi chwng samung kwrak tangwi phan kwrwirokno ma chubana nangnai, abono joto samungo’-no ang norokno phunuk kha.”

RUMSONGNO POL SWIHORMANI 14:15

Cháma manwino tẃiwi nwng takhukno bwkha hamya khlai khe nwng bono hamjakma klai ya. Nwng chámani abo bai a borokno ta dera rw di, bini bagwibo Khristo thwi kha.

RUMSONGNO POL SWIHORMANI 15:3

Tamni hwn khe Khristo bo sakni kahamno nai ya. Tamo khe elembago hai hwnwi sama hai wngo, “Nono lachi rwnairok lachi rwmani abo ani sago klai kha.”

RUMSONGNO POL SWIHORMANI 15:5

Norok Khristo Jisuno swrwngma bai khá lok rwnai tei khá rak rwnai Kaitor norokno khá baksa khlai thung.

1 KORINTH 10:33

Ang tongma tẃino norokbo tong di; ang ani bebak samung bai jotono’-no khá ham rwna nai-o, bórok mwthangjak thung hwnwi se ang sakni kahamni bagwi khlai yaui bebakni kahamni bagwi se khlai-o.

EPIS 5:2

Khristo chwngno hamjagwi Kaitorno hamjak rwnai satrai motom bai mera ratharjak hai chini bagwi bo sakno rwma hai norokbo buino hamjagwi ma tongnai.

PHILIPI 1:1

Khristo Jisuni seleng Pol bai Timothi omono swihoro. Khristo Jisu bai thansa wngnairok Philipi-o tongnai Kaitorni bebak bororokno tei mothani bokhorokrok bai samung khlainairokno omono swihoro.

1 PITOR 2:21

Aboni bagwi se Kaitor norokno ringo; tamni hwn ba norokbo bini yaprino rwkna tẃi khe Khristo sakphang’-no norokni bagwi sátokjagwi phunuk lang kha.

1 PITOR 4:1

Khristo borok wngwi, sátokjak kha ba norokbo abo haino uansugui khá rak di; sátokjaknai borok bo tei sumsok bai gwdal ya.

1 JOHON 2:6

“Ang Kaitorni bisingo tongo,” hwnwi sanai borok bo Jisu Khristo tongma tẃi’-no tongthai.