PHILIPI 2:3 - Kok Borok (Re-edited) Bible (BSI)

³ Sakni kahamni bagwi simi eba kung chukna bagwi mungsabo ta khlai di; tamo khe buini slái kaham hwnwi uansuk yaui norok kiching norok koi laiwi tong di.

PHILIPI 2:3 Iomraidhean Croise

PHRWNGMUNG 13:10

Kung chukma le uálaimung se tubu-o, tamo khe kókbiti khnanairok khe siyan gwnang.

LUK SWIMANI KOTHOMA KAHAM 18:14

Jisu hai hwnwi sa kha, “Ang norokno o kók sa-o, o borok se Kaitor bai kaham hwnwi romjagwi nogo kiphil kha, a Pharisai ya. Tamni hwn khe kotor wngna sadinai borok bo kotoi snamjaknai, phiya kotoi wngna sadinai borok bo kotor snamjaknai.”

RUMSONGNO POL SWIHORMANI 12:10

Khristan takhuk hwnwi norok kiching norok hamjak lai di, norok kiching norok bóri laina nai di.

RUMSONGNO POL SWIHORMANI 13:13

Chuak nungwi jurang uaija lai yaui, buitali-buitala wng lai yaui, sak tongthok tong lai yaui, bu lai-tok lai wng lai yaui, músú lai yaui, phai di, chwng salni pohoro tongnairok hai kaham khe tong lai si anw.

RUMSONGNO POL SWIHORMANI 2:8

Baksa ba sakni kaham simi nai-o, bórok chamano khibiui cha yani lamano romo; omo tẃi bororokno Kaitor jolijagwi yagul sunai.

1 KORINTH 15:9

Ang bebak chonghorrokni slái kusu, Kaitorni mothano sátokma bai ang chonghor suda hwnjakna chúk ya.

1 KORINTH 3:3

tamni hwn ba tabuk suda norok o swngcharni borok hai khe tong kho. Tabuk suda norok músú laiwi tong kho, uálai laiwi tong kho hwn khe norok o swngcharni bororok hai khe tongma klai ya diba?

2 KORINTH 12:20

Ang phaiwi norokno nukna muchung tẃi nuk phai glak, norokbo ano nukma muchung tẃi nuk glak hwnwi ang uana-o. Ang phaiwi norokno uálaiwi tong laimano, músú laiwi tong laimano, joli laiwi tong laimano, sakni kaham simi naiwi tong laimano, kók hamya sa laiwi tong laimano, kók ruju sa laiwi tong laimano, kung chuk laiwi tong laimano, chili-lupa wngwi tong laimani nuk anw hwnwi ang uana-o.

GALATIA 5:15

Hus wng di, tumungno norok uak-tokrok tongma hai uásik lai khe, uáthar lai khe norok kiching norok sokomor súk laina se.

GALATIA 5:26

Chwng kung ta chuk thung, chwng bai chwng tekto ta phnang thung, ta músú lai thung.

EPIS 4:2

Sal brúm brúm koinene khe tong di, kwchang kwchang khe tong di, khá logwi tong di; khoroksa tei khoroksano hamjagwi hama lok lai di.

EPIS 5:21

Khristono norok suriui tongma bai norok kiching norok kók khna lai di.

PHILIPI 2:14

Hunu-hanai sa lai yaui eba kók báng lai yaui joto samungno tangwi tháng di,

KOLOSAI 3:12

Norok wng kha Kaitorni borok; bo norokno hamjago, hakhe bini borok wngna bagwi noroknobo chong kha. Hakhe tabuk, norok maya chána nangnai, khairokna nangnai; norok borok koinene, borok kwchang tei khá kolok w se wngna nangnai.

KOLOSAI 3:8

Tabuk norok abo tẃirokno khibi si, di ta joli si di, khá ta tẃi si di, ta naisler si di, kók hamya ta sa si di, búkhúk hamya ta tikhlai si di.

1 TIMOTHI 6:4

bo kung chugui torsajak, mungsa phano si ya. Bo uansukma hamya bai kókmung tẃiwi kók báng laiwi uálaina muchungjago, abo bai bororok músú lai-o, kak lai-phui lai wng lai-o, hamya sa lai-o, buino haino thari lai-o,

1 PITOR 3:8

Páinanogo ang o kók sa-o, norok bebak’-no kók tháisa wng di, khá baksa wng di; takhuk hwnwi norok kiching norok hamjak lai di, khairok lai di, koiwi tong lai di.

1 PITOR 5:5

Norok chwrairok omo tẃi khe okrarokni thani bomwi tong di. Norok bebak’-no khoroksa tei khoroksano naina bagwi koineneno rí hai khe khaui na di; tamni hwn ba elembago hai hwnwi sa-o, “Kung chuknairokno Kaitor kebengo, koiwi tongnairokno khe khairogo.”