PHILIPI 2:2 - Kok Borok (Re-edited) Bible (BSI)

² Hakhe norokno ang koi ja-o, norok khá baksa wng laiwi, baksa khe hamjak laiwi, yak bai khúk bai baksa wng laiwi ano tongthok rw súk di.

PHILIPI 2:2 Iomraidhean Croise

LOBMUNG 122:8

Ani takhukrok tei kichingsong nini bagwi ang hai hwnwi sanai, “Nini bisingo khakchangma tong thung.”

JOHON 3:29

Káijaknaisa’-no káijaknaijwkno mannai; áya gana tongwi khnaui tongo, bo káijaknaisani khorang khnaui belai tongthokjago. Omo hai kheno ani tongthokma tabuk asi yók kha.

SAMUNG 1:14

Bórok bwrwirok bai, Jisuni buma Mariam tei bini takhukrok bai thupsa khe suri sanna hwnwi kuthum kuthum lai-o.

SAMUNG 2:1

Pentikos sal sók phai kha, aphuru poito khlainairok bebak’-no kwrẃngsa-o kuthum laijak.

SAMUNG 2:46

Bórok noktharo sal brúm brúm kuthum lai máng tong kha, phiya bórok khá sutrang khe khápang srangwi nok brúm brúm chá lai-o.

SAMUNG 5:12

Chonghorrokni yak tẃi lukurokni bisingo ha-o nuk ya samung bai uanamasingcha samung kwbángma khlaijak kha. Poito khlainairok bebak’-no Solomonni Nuka-o kuthum kuthum lai-o.

RUMSONGNO POL SWIHORMANI 12:16

Jotono’-no baksa khe nuk di. Kung ta chuk di, borok kusurok bai se tong di. Sakno sinai hwnwi khá ta ka di.

1 KORINTH 1:10

Takhukrok, chini Subrai Jisu Khristoni mungwi ang norokno sa ja-o; norok bebak’-no kók tháisa wng di, kak lai-phui lai ta wng di. Norok khá baksa khe kók tháisa khe thansa wng súk di.

2 KORINTH 13:11

Takhukrok, hakhe kak lai kha ta. Norok rak sukna nai lai di, ang hwnmano khna lai di, kók tháisa wng lai di, kwchang kwchang khe tong lai di. Hakhe chwngno hamjaknai tei khá kwchang rwnai Kaitor norok bai tongnai.

2 KORINTH 2:3

Abo haini bagwi se ang swkango norokno a kóktun swihoro, norok se ano tongthok rwnai borok, aboni bagwi’-no ang norokni thani thángwi norokni bagwi khá hamya wngna muchung ya. Ang saui man súgo ang tongthok khe norokbo bebak’-no tongthokjago.

2 KORINTH 7:7

Bo phaima bai simi ya, norok bono khá rak rwmano saui khna rwma baibo chwng khá rago. Norok ano bwswk naina muchungwi tong abo bo chwngno sa kha, norok bwswk khá khamwi tong, norok ano bwswk khá súgwi tong, abo’-bo sa kha, aboni bagwi agini slái phano ang tabuk tongthok kuk kha.

PHILIPI 2:20

Bo simi se ang bai khá baksa wngwi norokni bagwi sói khe uansuknai.

PHILIPI 4:2

Udai bai Suntuki, ang norokno koi ja-o, Subraini bising tẃi kwtha lai di.

KOLOSAI 2:5

Tamni hwn ba ang sak baithang kwrwi phano pholani bising tẃi ang norok bai tongo, hakhe norok thansa khe khá kwrak wngwi Khristono poito khlaiwi tongma saui manẃi ang khá tongthok kha.

2 THESALONIKI 2:13

Takhukrok, norok Subrai bai hamjaknairokni bagwi chwng Kaitorno hambai rwui máng ma tongo. Tamni hwn ba Pholani phan bai phiya norok kubuino poito khlaima bai Kaitorni borok kwthar khlaina bagwi norok’-no puila mwthangjak granai hwnwi Kaitor norokno chong kha.

2 TIMOTHI 1:4

Nwng kapmano ang muitu mano, hakhe ang tongthok sukna tẃi khe nwng bai malaina belai muchungwi tong kha.

PHILIMON 1:20

Hakhe takhuk, Subraini bagwi omo hai khe ani nai ja di; Khristoni bising tẃi takhuk hwnwi ano khá srang rw di.

2 JOHON 1:4

Apha chwngno dagima tẃi khe nini bwsarokni bere baksano kubui khe tongma nugwi ang bwswk se tongthok kha.

3 JOHON 1:4

Angsarok kubui khe tongo hwnwi ang khnaui tongthokma swk tei mungsa-o phano aswk tongthok ya.