PHILIPI 2:12 - Kok Borok (Re-edited) Bible (BSI)

¹² Hakhe ani khájani takhukrok, ang norok bai tong phuru norok bebago’-no ani kók khnamani slái ang kwrwi phuru norok ani kók khnama se teibo nang kugo. Mwthangjak sukna bagwi kirima gwnang khe samung khlaiwi tong di.

PHILIPI 2:12 Iomraidhean Croise

EJRA 10:3

Aboni bagwi phai di, chwng a bwrwirokno tei bórokni chwrairokno yakarwi rohor sinai hwnwi chini Kaitorni thani swmai ma tang lai sinai, Kaitorni kókbitino rwgwi chini bugra bai Kaitor dagimarokno kirinarok samani tẃi’-no khlai sinai, kerongo tongmani tẃi’-no khlaijak thung.

LOBMUNG 119:120

Nono kiriui ani sakni buikhumu bacha-o, tei ang nini bujrokno kiri-o.

LOBMUNG 2:11

Subraiyungno kirima gwnang khe kwlwibraui mon di,

PHRWNGMUNG 10:16

Borok sóirokni samungni manthai khe langma rw-o tei borok hamyarokni manmarok khe sumsok báng rw-o.

PHRWNGMUNG 13:4

Selersa manna le belai khe muchungjago hai phano man ya, yang kwsrang khe bini naima tẃi’-no mannai.

JISAIA 66:2

Omorok bebakno ani yak bai se snamjago, aboni bagwi omorok bebakno ani máng, hwnwi Subraiyung sa-o. Phiya ba, koinene tei bwkha khir khir tei ani kókno kirinai abo hai borokno se ang naitugo.

JISAIA 66:5

Norok Subraiyungni kókno kiriui kwlwinairok bini kókno khna di: bo hai hwnwi sa-o, “Norokni takhuksong norokno naislerjagwi phiya ani bagwi norokno khibiui rwnairok hai hwnwi sa lai-o, ‘Chwng norokni tongthokmungno nukna tẃi khe Subraiyungni chẃngsacha wng thung’; hwnwi sa lai-o phiya ba bórok lachimasingcha khlaijaknai.”

MATHAI 11:12

Johon bini kók pír phuruni simi tabukbo Kaitorni ha mar khe buprajagwi tongo, bupranairokbo abono sekna nai tongo.

MATHAI 11:29

Norok ani jual tisaui bal di, ani thani srwng di, tamni hwn khe ang borok kwbo kwchang, kobo koinene hakhe norok lenglaui man anw.

SAMUNG 16:29

Along nainai chati tubu di hwnwi bisingo do lang kha, hakhe dwr-dwr khe kwlwibraui Pol bai Silani bwskango burungsa klai kha.

SAMUNG 9:6

Hakhe bo kwlwibraui uanajagwi “Nwng ano tamo khlai di hwn Subrai” hwnwi sa khe Subrai bono “Tabuk bacha di, tauno tháng di, hakhe nwng tamo ma khlainai aro sajak anw,” hwnwi sa kha.

RUMSONGNO POL SWIHORMANI 2:7

Baksa bororok samung kaham khlaiwi tongo, hakhe mwkhang chẃng rwjakna nai-o, kotor khlaijakna nai-o, kwthang tong phlaina nai-o, omo tẃi bororokno Kaitor mwthang phlainai.

1 KORINTH 15:58

Aboni bagwi khájani takhukrok, sói kwrak khe tong di. Norok Subraini mungwi yak thak ya khe samung khlaiwi tong di, tamni hwn ba norok saui mano Subraini mungwi samung khlaimani abo norok yak bukcha khlaijak glak.

1 KORINTH 2:3

Hakhe ang norokni thani tháng phuru ang phan kwrwi kirima gwnang khe thángo.

1 KORINTH 4:14

Ang norokno lachi rwna bagwi omo swima ya; ani khájani bwsarok hwnwi se ang norokno khoraina bagwi se omo swi-o.

2 KORINTH 7:15

Norok bono kirima gwnang khe yachakmano, phiya norok bini kók khnamano muitu khlaiwi Tit norokno teibo hamjak kugo.

EPIS 6:5

O selengrok, norok kirima gwnang khe o swngcharni nokphangni kók khna di, Khristoni seleng khatima hai khe khá sutrang khe kók khna di.

PHILIPI 1:27

Tabuk, Khristoni Kothoma Kaham naima hai norok tongna nangnai, hakhe ang norokno nainani thángwi man thung man ya thung, norok mungsano tẃiwi kwrak khe bacha lai-o, phiya khá baksa khe thansa wngwi Kothoma Kahamni kókno tẃiwi nang laiwi tongo hwnwi ang khna anw.

PHILIPI 1:29

Tamni hwn ba norok khairokjagwi Khristoni samung khlainani berjak kha, bono poito khlainani bagwi simi ya, bini bagwi tekto rwjakna bagwibo.

PHILIPI 1:6

Hakhe ang o kókno saui man súgo, norokni bisingo o samung kahamno chengsa granai Kaitor bo omono khlai te khlai te Jisu Khristoni a salo pái rwnai.

PHILIPI 2:19

Norokni kók khnaui ang khá srangwi manna tẃi khe Timothino norokni thani dakti’-no rohorwi man anw hwnwi ang Subrai Jisu tẃi khatungwi tongo.

PHILIPI 4:1

Hakhe takhukrok norok bwswk se ani khájani gwja! Ang norokno bwswk se khá thángwi tong! Norok ano bwswk se tongthok rw! Norokno tẃiwi ang bwswk se kung chuk! Khájani takhukrok, Subrai bai tongwi omo hai khe kwrak khe bachaui tong di.

PHILIPI 4:15

Norok Philipirok, norok’-no kaham khe saui mano puila puila ang Kothoma Kaham pír phuru ang Makidoniani tháng bai khe norok simi se ano chubanai motha, ang man thani-obo, ang rw thani-obo norok simi se ang bai baksa tongnai.

1 THESALONIKI 1:3

Tamni hwn ba norokni poito norokno bahai khe samungo phnang kha, norok hamjakna bai bahai khe samung kwrak khlai kha, phiya norok bahai khe chini Subrai Jisu Khristono kwrak khe poito khlai kha, abono chwng chini Apha Kaitorni thani muitu khlai-o.

2 TIMOTHI 2:10

aboni bagwi’-no ang Kaitorni chongjak bororokni bagwi bebago’-no soi-o; bórokbo Khristo Jisu tẃi mwthangjak thung, mol brúm brúm chẃngsachabo wngwi tong thung hwnwi ang soi-o.

HIBRU 12:1

Chini kók hwn khe chini yaksi yagra-o borok kwbángmarok’-no poitoni sakki tongo. Hakhe phai di, chwng joto pojano tei belai khe kwswngwi tongnai sumsokno khibiui klang anw, hakhe phai di, chini bwskango khachikna tongma jora tẃi khachik lai anw.

HIBRU 4:1

Tabuk, chwng habwi bini thani bathagwi mano hwnwi Kaitor kók rwui klang kha. Hakhe norokni bere khoroksa phano habwi bathagwi man ya tẃi khe phai di, chwng kirima tẃiwi tong lai anw.

HIBRU 4:11

Hakhe phai di, chwng aro habwi Kaitorni thani bathakna bagwi káphra lai anw. Bórok kók khna ya wngwi aro habwi man ya wngma hai chini bere khoroksa phano abo hai wngthai kwrwi.

HIBRU 5:9

Bo rwng súk kha hwn khe bo bini kók khnanairokno mwthang phlainai wngwi phai kha,

1 PITOR 2:11

Khájani takhukrok, norok o swngcharo sinijak ya riphuji hai se hwnwi ang norokno sa ja-o. Sakni muchungma tẃi’-no ta tong di, abo bwkha bai nang lai máng tongo.

2 PITOR 3:18

Norok chwngno Mwthangnai Subrai Jisu Khristoni khairokmano teibo si rwrwk di, bono teibo saui man rwrwk di. Tabukni simi mol brúm brúmno bo chẃngsacha wng thung. Amen.