PHILIPI 2:11 - Kok Borok (Re-edited) Bible (BSI)

¹¹ hakhe Apha Kaitorni chẃngsachani bagwi Jisu Khristo se Subrai hwnwi bebak’-no pháng pháng khe ma sa anw.

PHILIPI 2:11 Iomraidhean Croise

LOBMUNG 110:1

Subraiyung, ani Subraino hai hwnwi sa-o, “Achuk di oro ani yagra bwkhak, khlai ya sak ang nini kebengnai arirokno nini yakung boksajaknai.”

LOBMUNG 18:49

O Subraiyung aboni bagwi ang nini mungno dopharokni thani ham bai rwnai tei nini mungno lobwi rwchapnai.

JIRIMIA 23:6

Bini jora-o Judarok mwthangjak anw tei Israilrok kirima kwrwi khe tong anw. Tei bini bumung hai hwnwi ringjaknai “Subraiyung chini Sói kubui.”

MATHAI 10:32

“Luku bwskango ano gosi khe angbo chuknohani Aphani bwskango a borokno gosinai.

LUK SWIMANI KOTHOMA KAHAM 2:11

tinini horono Daudni kamichang Betlehemo norokni bagwi mwthangnaisa khoroksa achai kha; bo’-no Subrai Khristo.

JOHON 12:42

Hai phano Judai hodarok kwbángma Jisuno poito khlai kha. Tamo khe Pharisairokni bagwi bórok o kókno pháng-pháng sa rak ya, wng ya khe bórok thumnogo basijak anw.

JOHON 13:13

Norok ano Hoda hwnmanibo, Subrai hwnmanibo, abo kahamno, ang’-no abono ba.

JOHON 13:14

Ang norokni Subrai, norokni Hoda wng tw tẃi se norokni yakung sú-ui rw kha. Aboni bagwi norok kiching norokbo yakung sú lai thai.

JOHON 14:13

Phiya ani mungwi norok mungsa swk san khe ang abono khlainai, hakhe Sajlani bising tẃi Aphani chẃngsacha phunukjak anw.

JOHON 14:23

Jisu bono hai hwnwi sa kha, “Ano hamjaknai borok ani kók khnanai. Hakhe Apha bono hamjaknai, phiya Apha bai ang bini thani phaiwi tong phainai.

JOHON 17:1

O kók sa baiwi Jisu nokhasa naisaui hai hwnwi sa kha, “Apha, jora sók phai kha. Nini Sajla nono chẃngsacha khlaiwi manna tẃi khe nwng bono chẃngsacha khlai di.

JOHON 20:28

Thoma bono hai hwnwi sa kha, “Ani Subrai, ani Kaitor!”

JOHON 5:23

hakhe Buphano bóri tẃi Sajlanobo bebak’-no bórinai. Sajlano bóri ya khe bo bono rohornai Buphanobo bóri ya.

JOHON 9:22

Buma buphasong Judai hodarokno kirima bai se hai hwnwi sa si-o, tamni hwn khe khoroksa swk phano Jisuno Masia hwnwi gosi khe bo thumnogo basijaknai hwnwi Judai hodarok swkang baira chap laiwi tong kha.

SAMUNG 10:36

Kaitor Israilrokno rohormani kókno norok saui mano. Bebak bororokni Subrai Jisu Khristoni bising tẃi kwthanani Kothoma Kahamno bo sakhlai kha.

SAMUNG 2:36

“Hakhe norok kruso kanta bumani a Jisuno Kaitor Subrai bai Masia snammani abo joto Israilrok saui man súk thung!”

RUMSONGNO POL SWIHORMANI 14:11

Elembago hai hwnwi sa-o, “Ang kubui se sa-o, jotono ano ma khulumnai, jotono ano Kaitor hwnwi ma gosinai hwnwi Subrai sa-o.”

RUMSONGNO POL SWIHORMANI 14:9

Kwthangroknibo kwthwiroknibo Subrai wngna bagwi Khristo thwi kha, hakhe thangwi bacha kha.

1 KORINTH 12:3

Hakhe norok si di, khoroksa phano Kaitorni Phola bai sa rwjagwi “Jisuno gaija thung!” hwnwi swraiwi man ya, phiya khoroksa phano Kaitorni Phola bai sa rwjak yaui “Jisuno Subrai,” hwnwi saui man ya.

1 KORINTH 15:47

Yaphangni a Adam o hani hadlwi bai se snamjago; ulni Adam khe Subrai, chuknohani phai-o.

1 KORINTH 8:6

chini bagwi Kaitor kaisa susuk se, bo wng kha chini Apha, bo bebak’-no snamnaisa, bini jarwino chwng tongo; Subraibo kaisa susuk se, bo wng kha Jisu Khristo, bini yak tẃi’-no bebak snamjak kha, bini bising tẃi’-no chwng tongo.

1 PITOR 1:21

Bono kwthwini mwthangwi tisaui chẃngsacha khlainai Kaitorno bini bising tẃino norok poito khlai-o; aboni bagwi’-no norok Kaitorno poitobo khlai-o, khábo khatungo.

1 JOHON 4:15

Jisuno Kaitorni Sajla hwnwi gosinai borokni bisingo Kaitor tongo, bo’-bo Kaitorni bisingo tongo.

1 JOHON 4:2

Nwng a Phola Kaitorni da Kaitorni ya omo tẃi khe saui man anw: Jisu Khristo’-no borok wngwi phai kha hwnwi gosinai borok bo Kaitorni aroni Pholano man kha,

2 JOHON 1:7

Lama koró rwnairok kwbángma’-no swngchar gwnangwi ongkhor kha, bórok Jisu Khristono borok wngwi phai kha hwnwi gosi ya; Omo tẃi borok’-no lama koró rwnai, bo Khristoni Kena ari!

PHUNUKJAKMANI 3:5

Kwplai wngnairok abo hai rí kuphur kan rwjaknai, ang bórokni mungno Langma Bijapni hu-ui khibi glak, ani Aphani bwskango tei bini suarirokni bwskango bórok ani borok se hwnwi gosinai.