PHILIPI 2:10 - Kok Borok (Re-edited) Bible (BSI)

¹⁰ Abo baino Jisuni mungno surina bagwi chuknoha-o tongnairok, o swngcharo tongnairok, ha tola-o tongnairok, jotono yáskú ma sung anw,

PHILIPI 2:10 Iomraidhean Croise

YAPHANG 41:43

bono kasa rwna bagwi bugrani uldrop kaisa korai malkhungno kasana bagwi rw kha; tei bini bwskang bwskang khe bono bórom khlainai bodolrok bono tolwi tẃi lai kha tei, “Yáskú sung bai di!” Hwnwi chirik lai kha. Hakhe bo bono bebak ha Ijipni barja yaphar kha.

LOBMUNG 95:6

Phai di chwng baju lai anw, khorok bom lai anw, chwngno Snamnaisa Subraiyungni thani yáskú sung lai anw!

MATHAI 12:40

Jona á kotorni bohok bisingo saltham hortham tongma tẃi’-no Borokni Sajlabo saltham hortham ha tola-o tong anw.

MATHAI 27:29

Bórok busuni motok rabwi bini bokhorogo thubui rw kha, bini yagra yago raidang kongsa rw kha, hakhe bórok bini bwskango yáskú sungwi “Judairokni bugra, jinabad!” hwnwi mwnwi lai kha.

MATHAI 28:18

Jisu bórokni thani phaiwi bórokno hai hwnwi sa kha, “Chuknoha bai swngcharni bebak phan ani yago yapharjak kha.

RUMSONGNO POL SWIHORMANI 11:4

Kaitor bono tamo hwnwi sa kha? “Bal mwtaino suri ya abo tẃi borok khorok snisaino ang ani bagwi narwgwi ton kha.”

EPIS 1:10

Kaitorni khá bisingni kók wng kha bo Khristono bokhorok snamwi bebak’-no thansa khlainai, chuknoha bai o swngcharni bebakno’-no thansa khlainai, jora phai súk khe bo abono khlainai.

EPIS 3:14

Hakhe aboni bagwi’-no ang chini Subrai Jisu Khristoni Buphani bwskango yáskú sungo,

EPIS 4:9

Tabuk, “bo kasaui tháng kha” hwnmani abo tamo hwnmani? Abo wng kha puila’-no bo ongkhorwi phai gra kha hwnmani, abo wng kha ha tola-o ongkhorwi phaimani kók se.

HIBRU 1:6

Kaitor bini achai granaisa Sajlano o swngcharo rohorna phuru bo hai hwnwibo sa kha, “Kaitorni bebak suarirok bono ma suri bainai.”

PHUNUKJAKMANI 20:13

Hakhe twijlang bini aroni kwthwirokno yapharwi rw kha. Kwthwirokni hani bugra bini ha-o tonmani kwthwirokno yapharwi rw kha. Hakhe jotono samung khlaima tẃi’-no buj thumjak kha.

PHUNUKJAKMANI 4:10

a okra kholpebrwirok a achukthayungo achugwi tongnaini bwskango pwtap khe klai laiwi a mol brúm brúm kwthang tongnaino khulum lai-o. Bórok a achukthayungni bwskango sak sakni motok beraui hai hwnwi sa lai-o,

PHUNUKJAKMANI 5:3

A bijapno phiyogwi naiwi mannai khoroksa phano kwrwi, chuknoha-o buya, swngcharo buya, ha tola-o buya.