PHILIPI 1:9 - Kok Borok (Re-edited) Bible (BSI)

^9-10 Norokni bagwi ang omo hai khe suri sano: norok bubo kaham abono saui manna tẃi khe sói khe sima bai nukma bai teibo hamjak rwrwkna bagwi ang suri sano. Hakhe Khristoni salo norok sutrang khe majra kwrwi wngnai.

PHILIPI 1:9 Iomraidhean Croise

JOBNI BIJAP 17:9

Tamo khe borok sóirok le bórok tongma tẃi kheno tongnai, hakhe bórok tongmung srai-srai khe tongmani bagwi rakma saka raksanai.

LOBMUNG 119:66

Ano bujsói kaham bai elem phrwng di, tamni hwn ba ang nini dagimungrokno poito khlai-o.

PHRWNGMUNG 4:18

Borok sutrangrokni lama khe phung aidropni pohor hai kwchẃng, abo sajra jora wngsok ya sak teibo chẃng rwk-chẃng rwk wngo.

1 KORINTH 14:20

Takhukrok, norok chwrai hai khe ta uansuk di; samung hamyani bagwi chwrairok hai wng di, tamo khe okrarok hai khe uansuk di.

2 KORINTH 8:7

Bebak samungo norok belai kaham; norok belai khe poito khlai-o, belai khe kók sa-o, belai khe si-o, belai khe khá súgo, chwngno belai khe hamjago. Hakhe norok hamjagwi o samung kahamnobo belai khe khlai di.

EPIS 5:17

Butua ta wng di, tamo khe Kaitor norokno tamo khlaina nai abono sina nai di.

KOLOSAI 1:9

Aboni bagwino norokni kók khna phuruni simi chwng sal brúm brúm norokni bagwi suri san máng phai kha. Kaitorni Phola norokno kaham khe si rwma bai, saui man rwma bai Kaitor tamo muchung abo norok saui man súk thung hwnwi chwng Kaitorni thani sano.

KOLOSAI 3:10

hakhe tongmung kwtal tong kha. Omo’-no a borok kwtal, norokno Kaitorno si rw sukna bagwi a borokno snamnaisa Kaitor bono bo hai khlai rwrwgo.

1 THESALONIKI 3:12

Subrai norok kiching norokno teibo hamjak rw thung, phiya bebak bororoknobo teibo hamjak rw thung; chwng norokno hamjakma hai’-no noroknobo hamjak rw thung.

1 THESALONIKI 4:1

Takhukrok, páinanogo Kaitor bai hamjakna bagwi bahai khe tongna nang abo norok chini thani srwng kha. Hai phano norok omo hai khe’-no tongwi phai-o. Hakhe omo hai khe teibo tong ja di hwnwi chwng Subrai Jisuni mungwi norokno koiwi sa-o.

2 THESALONIKI 1:3

Takhukrok, norokni bagwi chwng sal brúm brúm’-no hambai rwui ma tongo. Chwng omo hai hambai rwthai klai-o, tamni hwn khe norokni poito belai rak rwrwgo, phiya norok buino hamjak rwrwgo.

PHILIMON 1:6

Ang suri sanma khe hai, chwng nwng bai poito thansa wngma bai Khristoni bising tẃi chwng bebak kaham khlaijakmano teibo kaham khe saui manna bagwi se.

HIBRU 5:14

Phiya ba mai hwn khe abo okrarokni chámung bórok le chánaiwi manjagwi phaijak, bubo kaham bubo hamya abono saui mano.

1 PITOR 1:22

Norok tabuk Pholani bising tẃi kók kubuino khnama bai norokni bwkhano kuphur khlaiwi norokni Khristan takhukrokno kaham khe hamjak kha ba norok kiching norok khá nangwi hamjak lai súk di.

2 PITOR 3:18

Norok chwngno Mwthangnai Subrai Jisu Khristoni khairokmano teibo si rwrwk di, bono teibo saui man rwrwk di. Tabukni simi mol brúm brúmno bo chẃngsacha wng thung. Amen.