PHILIPI 1:8 - Kok Borok (Re-edited) Bible (BSI)

⁸ Norok bebak’-no ang khá sukmani abo Khristo Jisuni aroni ongkhorwi phaima se hwnwi sa khe o kók kubuino abo Kaitor saui mano.

PHILIPI 1:8 Iomraidhean Croise

JOBNI BIJAP 16:19

Tabukbo chuknoha-o ani bagwi kók sachru-ui tongo, tei ani bagwi sa chrunaisa khe chuknoha-o se tongo.

JISAIA 16:11

Ang Moabni bagwi khá hamya wngwi swlwgwi kabo tei Kir-heresni bagwi khá mogo.

JISAIA 63:15

Nwng chuknoha-o tongwi naikhlai nai di, nini kwthar tei chẃngsacha tongthaini naikhlai di. Buko nini muchungma tei nini phankrak? Nini khá bisingni ano hamjakma tei khairokmarokno mwthak kha.

JIRIMIA 31:20

Ephraim ani khájani sajla diba? Bo ani khásukni bwsa diba? Ang bono hamya hwnwi sa phano, tabuk bo ang bono muitu khlai-o. Aboni bagwi ani bwkha bai bono khátango; ang kubui’-no bono khairogo hwnwi Subraiyung sa-o.

LUK SWIMANI KOTHOMA KAHAM 1:78

Chini Kaitor maya cháui khairokma bagwi bo mwthangnai salno chini saka kasa rw anw,

RUMSONGNO POL SWIHORMANI 1:9

Ang sana naimani abo kubui hwnwi Kaitor saui mano bini Sajlani Kothoma Kahamno pírmani tẃi ang khá bai surimani a Kaitor saui mano. Bo saui mano ang suri san brúm brúm norokni mung khu-ui suri sano. Kaitor muchung khe ba tabuk ulo phano norok bai ano malai rw thung hwnwi ang sanwi tongo.

RUMSONGNO POL SWIHORMANI 9:1

Ani o kók kubui se, ang Khristoni borok, hakhe kók tatal sa ya. Ani bisingo Phola Kwthar tongma bai ani bwkhabo o kókno kubui se hwnwi sa-o.

2 KORINTH 13:9

Chwng bel phano norok rak khe chwng khá srango. Aboni bagwi’-no norok rak súk thung hwnwi chwng suri sano.

2 KORINTH 6:12

Chwng norokni kaham khe tong lainani lama muthup ya, norok se muthubo.

2 KORINTH 7:15

Norok bono kirima gwnang khe yachakmano, phiya norok bini kók khnamano muitu khlaiwi Tit norokno teibo hamjak kugo.

GALATIA 1:20

Ang swimani o kók kubui se. Ang kók tatal sa ya, Kaitor tongo.

GALATIA 3:26

Khristo Jisu bai thansa wngwi norok bebak Kaitorni bwsa wngmani abo poito khlaima bising tẃi wngma se.

GALATIA 4:19

Angsarok, Khristoni tongmung norokni bwkha bisingo phai ya sak bwsa bána phuru bwrwirok bohok sajakma hai angbo haino hai abo haino sajago.

PHILIPI 2:1

Khristo bai tongwi norok phan da man? Bo norokno hamjakmani abo norokno khá da kwchang rw? Phola bai norok thansa da wng? Norok kiching norok khá da khairok lai? Khá da khá súk lai?

PHILIPI 2:26

Bo norok bebakno khá thángjagwi tong kha, phiya bo hamya hwnwi norok khnamani bai bo belai uanajagwi tong kha.

PHILIPI 4:1

Hakhe takhukrok norok bwswk se ani khájani gwja! Ang norokno bwswk se khá thángwi tong! Norok ano bwswk se tongthok rw! Norokno tẃiwi ang bwswk se kung chuk! Khájani takhukrok, Subrai bai tongwi omo hai khe kwrak khe bachaui tong di.

KOLOSAI 2:1

Ang norokni bagwi, Laodikiarokni bagwi, phiya ano sini yarokni jotoni bagwi bwswk belai khe samung khlai kha abo ang norokno sana nai-o.

KOLOSAI 3:12

Norok wng kha Kaitorni borok; bo norokno hamjago, hakhe bini borok wngna bagwi noroknobo chong kha. Hakhe tabuk, norok maya chána nangnai, khairokna nangnai; norok borok koinene, borok kwchang tei khá kolok w se wngna nangnai.

1 THESALONIKI 2:5

Chwng norokno kók kwtẃi sa ya, phobwi tonjaknai kókbo sa ya, abo norok kaham khe saui mano Kaitor chini bagwi sakki tongo.

1 THESALONIKI 2:8

Chwng norokno hamjakma bai Kaitorni aroni Kothoma Kahamno norokno rwna tiyar tongo, abo simi ya, chini sakno suda norokno rwna tiyar tongo. Norok aswk khe chini khájani borok!

2 TIMOTHI 1:4

Nwng kapmano ang muitu mano, hakhe ang tongthok sukna tẃi khe nwng bai malaina belai muchungwi tong kha.

PHILIMON 1:12

Ang tabuk nini thani bono rohoro, bini logi ani bwsak khaksa thángnai.

PHILIMON 1:20

Hakhe takhuk, Subraini bagwi omo hai khe ani nai ja di; Khristoni bising tẃi takhuk hwnwi ano khá srang rw di.

1 JOHON 3:17

Khoroksa swk o swngcharni rang-mai gwnang wngwi bini takhukno biyalo klaijak nugwi chuba ya hwn khe a borokni thani bahai khe Kaitorni hamjakma tongwi mannai?