PHILIPI 1:7 - Kok Borok (Re-edited) Bible (BSI)

⁷ Ang norokno muitu man máng tongo, hakhe norokni kókno ang omo hai kheno uansuk thai tongo. Kaitor ano khairogwi bermani o samungo norokbo ang bai baksa tongo tabuk ang alongo tong phurubo norok ang bai baksa tongo, Kothoma Kahamno narwgwi songcha phurubo norok ang bai baksa tongo.

PHILIPI 1:7 Iomraidhean Croise

2 KORINTH 7:3

Norokno majra berna hwnwi ang omo sa ya, tamni hwn ba ang swkango sama haino chwng norokno aswk hamjago, hakhe thwiwibo thangwibo chwng norok bai thansa.

2 TIMOTHI 2:9

Kothoma Kaham pírma bai ang sátokjago, borok butharnai hai khebo sorni dwkhwi bai khajagwi tongo. Kaitorni kók le khajak ya,

KOLOSAI 4:18

Ang yak baithang omono swi-o: Ang Pol khápang rohoro. Ani sorni dwkhwino ta pok di. Kaitor norokno khairok thung.

PHILIPI 4:14

Tamo khe ang tekto man phuru ano chubaui norok belai kaham’-no khlai kha.

EPIS 6:20

Ang tabuk alongo tong phano o Kothoma Kahamni bagwi ang’-no rohorjaknai. Ang omono sana nangma haino khá torwi saui manna tẃi khe ani bagwi suri san di.

EPIS 3:1

Aboni bagwino norok buini bororokni bagwi Khristo Jisu bai alongo chopjaknai ang Pol Kaitorni thani suri sano.

SAMUNG 20:23

Ang aswk simi’-no saui mano, ang alongobo ma chopjaknai, ma bo ma sátokjaknai, abono Phola Kwthar taun brúm brúm ano sa kha.

1 JOHON 3:14

Chwng saui mano chwng thwinani lama bárwi thángnani lama-o sók phai kha, tamni hwn ba chwng khoroksa tei khoroksano hamjago. Hamjak ya borok khe bo thwima-o se tongo.

2 PITOR 1:13

Ang o swngcharo tong lang sak norokno o kókrokno muitu khlaiwi rwthai hwnwi khá ka-o.

1 PITOR 4:13

Abo wng yaui norok Khristo bai baksa sátokjago hwnwi se tongthok di, hakhe bo chẃngsacha wngwi nukjak phuru norok belai khe tongthoknai.

HIBRU 3:1

Kaitor bai ringjaknai Khristan takhukrok, chwng poito khlaimani a tongtharni Ochai Bokhorok wngna bagwi Kaitor rohormani a Jisu Khristoni kókno uansugui nai bai di.

2 TIMOTHI 1:8

Chini Subraini bagwi kók sana ta lachi di; phiya bini bagwi alongo tongnai ani bagwibo ta lachi di. Tamo khe Kaitor nono phan rwma tẃi Kothoma Kahamni bagwi se bui bai baksa sátokjak di.

1 THESALONIKI 5:5

Norok wng kha bebak’-no pohorni borok, norok wng kha salni borok, chwng horni borok ya, mwnakni borok ya.

KOLOSAI 4:3

Kaitorni aroni kók pírnani, Khristoni bisingni kókno sanani lama Kaitor chwngno rw thung hwnwi chini bagwibo suri san di; tamni hwn ba aboni bagwi’-no ang tabuk alongo klaijak.

EPIS 4:1

Subraini samung khlaiwi tongma bai ang alongo chopjagwi tongnai norokno o kók sa ja-o, Kaitor norokno ring kha ba norok a ringjakma tẃi’-no tong di.

GALATIA 5:6

Tamni hwn khe Khristo Jisu bai chwng thansa wng kheno sakur rajak bai sakur rajak ya abo phér laina kwrwi kha; oro kók wng kha tamo, omo poito khlaiwi hamjak laimani kók se.

2 KORINTH 3:2

I’nhi, norok sakphang’-no chini kóktun, abo chini bwkha-o swijak tongo, jotono abono poriui saui mano.

1 KORINTH 13:7

Hamjaknai borok bwkha bái phlai ya; bo poito khlai máng tongo, khatung máng tongo, khá lok máng tongo.

1 KORINTH 9:23

Kothoma Kaham bai kaham khlaijakna hwnwi se ang Kothoma Kahamni bagwi omorok bebak’-no khlai-o.

SAMUNG 21:33

Dagiphang Polni thani jabirwi bono rom kha, hakhe sorni dwkhwi twngnwi bai kha di hwnwi dagi kha. Bo hai hwnwi sẃng kha, “O borok sabo? Bo tamo khlai ba?”

1 PITOR 5:1

Ang norokni bisingni mothani okrarokno sa ja-o. Ang sakphangbo okrano: Angbo Khristo sátokjakmano nuknai, phiya a chẃngsacha phunukjak phuru angbo tongnai. Ang norokno sa ja-o:

PHILIPI 1:12

Takhukrok, norokno ang saui man rwna muchungo, ang manjakmarok abo bai Kothoma Kaham teibo se pírjak si-o.

PHILIPI 1:13

Aboni yagulo nukjak kha peles mwrwknairok bai oro tongnairok bebak’-no ang Khristoni seleng wngma bai se alongo chopjago hwnwi saui man bai kha.

PHILIPI 1:14

Hakhe ang alongo chopjakmani abo swk takhukrokno Subraino teibo poito khlaiwi rw kha, hakhe bórok kirima kwrwi khe Kaitorni kók pírmani bagwi khá tor rwrwgwi phai kha.

PHILIPI 2:22

Timothi bwswk khe samung nangnai borok wngwi phunuk kha abo norok’-no saui man bai-o; bwsla bai bupha hai khe bo bai ang Kothoma Kahamni bagwi bwswk khe samung khlai lai kha abo norok’-no saui man bai-o.

PHILIPI 4:3

Ani logisong kaham, ang nai-o nwngbo a bwrwirokno chuba di, tamni hwn khe Langma Bijabo mung tisajaknai Klemen, phiya ang bai baksa tei samung khlainairok bai bórokbo belai khe samung khlai kha.

PHILIPI 4:15

Norok Philipirok, norok’-no kaham khe saui mano puila puila ang Kothoma Kaham pír phuru ang Makidoniani tháng bai khe norok simi se ano chubanai motha, ang man thani-obo, ang rw thani-obo norok simi se ang bai baksa tongnai.

PHILIMON 1:13

Ang Kothoma Kahamni bagwi alongo tong phuru bo nini wngwi ano naiwi nugwi manna tẃi khe ang bai baksa bono tonna muchungo.