PHILIPI 1:1 - Kok Borok (Re-edited) Bible (BSI)

¹ Khristo Jisuni seleng Pol bai Timothi omono swihoro. Khristo Jisu bai thansa wngnairok Philipi-o tongnai Kaitorni bebak bororokno tei mothani bokhorokrok bai samung khlainairokno omono swihoro.

PHILIPI 1:1 Iomraidhean Croise

MARK 13:34

Omo ahai wngnai; borok khoroksa nokni kutulwi beraina tháng kha. Bo bini selengrokno janija samung khlai di hwnwi berwi klang kha: phiya duglam mwrwknaino sichaui tong di hwnwi dagiui klang kha.

JOHON 12:26

Ani samung khlaina muchungnai borok bo ani logi phai thung, hakhe ang tong thani ani selengbo ang bai baksa tongwi man anw. Aphabo ani samung khlainaino bóri anw.”

SAMUNG 1:20

Tamni hwn ba Lobmungo hai hwnwi swijak tongo, ‘Bini nok bukcha wng thung; khoroksa phano aro ta tong thung.’ Omo haibo swijak tongo, ‘Bini samungno khoroksa swk khlai thung.’

SAMUNG 20:28

Norokni sakni bagwibo norok hus khe tong di, Phola Kwthar norokno naikolna rwmani a mothani jotoni bagwibo hus khe tong di. Mera mwrwknaisa mera bodolno chá rwui khan rwui tongma hai khe Kaitorni mothanobo ton di, bo abono bini baithangni thẃi bai pai kha.

SAMUNG 9:13

Anania hai hwnwi sa kha, “Subrai, o borokni kók ano sanai báng kha, Jerusalemo nini bororokni thani bo aswk samung hamya tangmarokno ano sanai báng kha.

RUMSONGNO POL SWIHORMANI 1:1

Ang Pol omono swihoro; ang Khristo Jisuni seleng, ang Kaitor bai chonghor chongjagwi bini Kothoma Kaham pírna hwnwi ringjak kha.

RUMSONGNO POL SWIHORMANI 1:7

Hakhe Kaitor bai hamjagwi bini borok wngna bagwi ringjaknai, norok Rumo tongnai bebakni thani ang swihoro. Chini Apha Kaitor bai Subrai Jisu Khristo norokno khairok thung, norokno khá kwchang rw thung.

1 KORINTH 16:10

Timothi norokni thani phai khe bono kaham khe yachak sók di, tamni hwn ba bobo ang hai’-no Subraini samung khlaiwi tongo.

2 KORINTH 1:1

Ang Pol omono swihoro, ang Kaitorni morji bai Khristo Jisuni chonghor. Ang bai baksa chini takhuk Timothibo omono swihoro. Korinthni Kaitorni mothano, phiya Gris gwnangwini Kaitorni bebak bororokno omono swihoro.

GALATIA 1:10

Borok bai kaham hwnjakna bagwi da ang o kókno sa-o hwnwi tong ba? I’nhi, aboni bagwi ya! Ang Kaitor bai se kaham hwnjakna nai-o. Ang borok bai da hamjakna nai ba? Ang tabuk phano abo hai naiwi tong khe ang Khristoni seleng ya.

GALATIA 3:26

Khristo Jisu bai thansa wngwi norok bebak Kaitorni bwsa wngmani abo poito khlaima bising tẃi wngma se.

GALATIA 3:28

Abo baino Judai bai buini bororok phér lai ya, seleng bai nokphang phér lai ya, bwrwi bai chwla phér lai ya; Khristo Jisu bai thansa wngwi norok bebakno kaisa.

EPIS 1:1

Ang Pol omono swihoro, ang Kaitorni muchung tẃi Khristo Jisuni chonghor. Khristo Jisuno poito khlaiwi kaham khe tongnai Episni Kaitorni bororokno ang omono swihoro.

EPIS 1:15

Aboni bagwino norok Subrai Jisuno poito khlaimani kókno tei Kaitorni bebak bororokno norok hamjakmani kókno khnaui

EPIS 6:24

Chini Subrai Jisu Khristono hamjak phlaiwi tongnai bebak bororokno Kaitor khairok thung.

PHILIPI 2:19

Norokni kók khnaui ang khá srangwi manna tẃi khe Timothino norokni thani dakti’-no rohorwi man anw hwnwi ang Subrai Jisu tẃi khatungwi tongo.

PHILIPI 2:5

Khristo Jisu uansukma haino norokbo uansuk thai klai-o:

PHILIPI 3:12

Ang omono man bai khe eba ang sói wng súk kha ang abo tẃi sa ya kho. Khristo Jisu mungsani bagwi ano bini borok khlai kha, abono manẃina hwnwi ang khachigwi tongo.

PHILIPI 3:3

Chwng se kubuini sakur rajakrok, a bororok ya, tamni hwn khe chwng Kaitorno bini Phola bai suri-o, phiya Khristo Jisu bai tongwi tongthok lai-o. Saka sakani samungno chwng poito khlai ya.

PHILIPI 3:8

Abórok simi ya, bebakni slái teibo belai kaham ani Subrai Khristo Jisuno saui manna bagwi ang joto manwi’-no kwma súk kha hwnwi tong kha. Bini bagwi ang joto manwino khibi kha; ang Khristono manna tẃi khe, phiya bo bai thansa wng súgwi manna tẃi khe abórok bebakno laisrwi bosrwi hwnwi khá romwi tong kha. Kerong rákhokma bai kaham wng kha ang abo tẃi buya. Khristono poito khlaima bising tẃi ang tabuk kaham hwnjak kha, omo Kaitorni aroni phaima se, phiya omoni yaphango hwn khe poito se.

1 THESALONIKI 1:1

Pol, Sila tei Timothi omono swihoro. Thesaloniki motha-o tongnai Apha Kaitorni tei Subrai Jisu Khristoni bororokno omono swihoro. Chini Apha Kaitor tei Subrai Jisu Khristoni hamari, khakchangma norok bai tong thung.

1 THESALONIKI 2:2

Thesaloniki-o norokni thani thángna swkang chwng Philipi-o bahai khe sátokjak kha, bahai khe lachi rwjak kha, abo norok saui mano. Teibo se, kena ari kwbángma tong phano Kaitor chwngno bini aroni Kothoma Kaham norokno sana bagwi khá rak rwui tono.

2 THESALONIKI 1:1

Pol, Sila tei Timothi omono swihoro. Thesaloniki motha-o tongnai chini Apha Kaitor bai Subrai Jisu Khristoni bororokno omono swihoro.

1 TIMOTHI 1:2

Poito khlaima bising tẃi ani sói sói angsla Timothino omono swihoro. Apha Kaitor bai chini Subrai Khristo Jisu nono khairok thung, maya chá thung tei khá kwchang rw thung.

1 TIMOTHI 3:8

Mothani samung khlainairokbo tongmung kaham tei kók narwknai wngthai; bórok angur bwtwi kwbáng nung ya wngthai, rangni bagwi khámai ya wngthai.

TITNO POL SWI HORMANI 1:1

Ang Pol omono swihoro, ang Kaitorni seleng, Jisu Khristoni chonghor. Kaitorni chongjak bororokni poito rak rwna bagwi, phiya chini tongtharni kók bórokno saui man rwna bagwi ang chongwi rohorjak.

TITNO POL SWI HORMANI 1:7

Kaitorni samungni barja berjaknai mothani bokhorok majra kwrwi wngthai. Bo kung chuk ya eba khe kisa bai joli ya wngthai; bo phek ya, eba khe thamchi tung ya, eba khe rangni bagwi khámai ya wngthai.

PHILIMON 1:1

Khristo Jisuni bagwi alongo klaijak ang Pol omono swihoro. Ang bai baksa chini takhuk Timothibo omono swihoro. Chwng bai baksa samung khlainai khájani Philimonno omono swihoro;

HIBRU 13:23

Chini takhuk Timothi alongni phiyókjak kha, abono ang norokno saui man rwna nai-o. Tumungno bo katswi dakti phai khe hakhe norokni aro ang phai phuru ang bono logi tubu anw.

JAKOB 1:1

Ang Jakob omono swihoro, ang Kaitor bai Subrai Jisu Khristoni seleng. Ang swngchar gwnangwi pisar piring wngwi tongnai bebak Kaitorni bororokno khápang rohoro.

1 PITOR 2:25

Norok wng kha salsa lama korójak merarok hai, tabuk khe norok norokni pholano Mwrwknaini thani, norokni pholano Narwknaini thani kiphilwi phai kha.

2 PITOR 1:1

Ang Jisu Khristoni seleng bai chonghor Simon Pitor omono swihoro. Chwngno Mwthangnai Kaitor Jisu Khristoni sói samungni bising tẃi chwng hai kaham khe poito khlaiwi rwjaknairokno omono swihoro.

JUDA 1:1

Ang Jisu Khristoni seleng, Jakobni takhuk Juda omono swihoro. Ang Kaitor bai ringjaknairokno omono swihoro, bórok Apha Kaitor bai hamjago, Jisu Khristo bai narwgwi tonjago.

PHUNUKJAKMANI 1:1

Omo wng kha Jisu Khristo phunukmani abo se; omo wng kha dakti’-no tamo wngno abo Kaitorni selengrokno phunukna bagwi Jisu Khristono Kaitor rwmani abo se. Khristo bini suarino bini seleng Johonni thani rohorwi abono si rw kha,

PHUNUKJAKMANI 1:20

Nwng ani yagra yago athukiri kolsni nukma bai a rangchakni thopna kaisni nukmani bisingni kók khe ahai: athukiri kolsni hwn khe a motha kaisnini suarirok, phiya a thopna kaisni hwn khe a motha kaisni.”

PHUNUKJAKMANI 19:10

Ang bono khulumna bagwi bini yakung yaphango pwtapsa klai kha, hakhe bo ano hai hwnwi sa kha, “Ano ta khulum di. Ang nwng bai baksa’-no seleng se. Ang Jisu si rwmano kwrak khe poito khlaiwi tongnai nini takhukrok bai baksa seleng se. Kaitorno se khulum di.” Jisu si rwmani abono tẃiwi diyarirok kók sa-o.

PHUNUKJAKMANI 2:12

“Pergamni mothani suarino hai hwnwi swihor di: “Babai nwnwi seng kubuk tẃijak a borok o kókno sa-o.

PHUNUKJAKMANI 2:8

“Smurnani mothani suarino hai hwnwi swihor di: “Thwiwi kwthang wng phinai a borok o kókno sa-o, bo wng kha yaphang buchuk.

PHUNUKJAKMANI 22:9

Hakhe bo ano hai hwnwi sa kha, “Ano ta khulum di. Ang nwng bai baksa seleng se, nini takhuk diyarirok tei o bijapni kókno rákhoknairok bórok bai baksa seleng se. Kaitorno se khulum di.”